ປກສ ແຂວງຈຳປາສັກ ຈັບເຄືອຂ່າຍຢາເສບຕິດລາຍໃຫຍ່
ເມື່ອບໍ່ດົນມານີ້, ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງ ຈຳປາສັກ, ໄດ້ກັກຕົວກຸ່ມຄ້າຂາຍຢາເສບຕິດພ້ອມຂອງກາງຢາບ້າ28.000 ເມັດ ຢູ່ເຂດ ບ້ານໂພນສະຫວັນນະຄອນປາກເຊ ແຂວງ ຈຳປາສັກ. ມີຜູ້ຖືກຫາ 4 ຄົນຄື: ທ້າວ ພັນ ພີມມະກອນ ອາຍຸ 56 ປີ, ສັນຊາດລາວ ອາຊີບ ເຮັດນາ, ບ້ານໃໝ່ ວັງໝາກ ແຊວເມືອງສຸຂຸມມາ ແຂວງ ຈຳປາສັກ. ທ້າວ ບົວພັນ ບຸນ ທະຈາຍ ອາຍຸ 39 ປີ, ສັນ ຊາດລາວ ອາຊີບ ກຳມະກອນບ້ານກາງນະຄອນ ປາກເຊ, ແຂວງຈຳປາສັກ. ທ້າວ ໄພລີນ ຄຳມີເດດ, ອາຍຸ 37 ປີ ສັນຊາດລາວ ອາຊີບເຮັດນາ ຢູ່ບ້ານ ອຸທຸມໃໝ່ ເມືອງ ສຸຂຸມມາ ແຂວງ ຈຳປາ ສັກ. ນາງ ພົງສະຫວັນທະນັນໄຊ ອາຍຸ 26 ປີ, ສັນຊາດລາວ, ອາຊີບເຮັດນາ, ບ້ານເຊບັ້ງໄຟ, ເມືອງ ສອງຄອນ, ແຂວງ ສະຫວັນນະເຂດ. ພ້ອມຂອງກາງຢາບ້າ 28.000 ເມັດ, ໝາກແຕກ 2 ໜ່ວຍ,ໂທລະສັບ 3 ໜ່ວຍ, ລົດໃຫຍ່ 1 ຄັນ. ລົດຈັກ 2 ຄັນ. ປັດຈຸບັນຄະດີດັ່ງກ່າວຍັງຢູ່ໃນຂັ້ນຕອນດຳເນີນການສືບສວນ-ສອບ ສວນຂອງເຈົ້າໜ້າທີ່ ເພື່ອຂະຫຍາຍຜົນຊອກຫາຜູ້ ຮ່ວມຂະບວນການມາດຳ ເນີນຄະດີຕາມລະບຽບກົດ ໝາຍຂອງບ້ານເມືອງ.
ເຈົ້າໜ້າທີ່ໃຫ້ຮ້ວ່າ: ໃນໄລຍະປີ 2018 ຫາ 6 ເດືອນ ຕົ້ນປີ 2019 ນີ້, ເຈົ້າໜ້າທີ່ ສາມາດມ້າງຄະດີຢາເສບຕິດໄດ້ທັງໝົດ 484 ລາຍ, ກັກຕົວຜູ້ຕ້ອງຫາໄດ້ 983 ຄົນ, ຍິງ 89 ຄົນ, ໃນນັ້ນ ມີຄົນຕ່າງປະເທດ 15 ຄົນ, ຍິງ 3 ຄົນ, ສັນຊາດຫວຽດນາມ10 ຄົນ, ສັນຊາດໄທ 2 ຄົນ ແລະ ສັນຊາດກຳປູເຈຍ 3 ຄົນ. ຢຶດຂອງກາງຢາບ້າ 424.493 ເມັດ. 157,2 ກຼາມ, ຢາໄອສ໌ 2 ກິໂລ, 12,31 ກຼາມ,ກັນຊາບົດ 10 ກິໂລ, ກັບ 2 ແທ່ງອຸປະກອນການເສບ 51 ຊຸດ, ລົດໃຫ່ຍ 29 ຄັນ, ລົດຈັກ 222 ຄັນ, ໂທລະສັບ 620 ໜ່ວຍ, ປືນສັ້ນ 4 ກະບອກ, ໝາກແຕກ 2 ໜ່ວຍ ແລະ ທາດ ລະເບີດ 1 ຊຸດ, ປືນດັດແປງ 10 ກະບອກ, ປືນລ່າເນື້ອ (ປືນ ແກັບ) 17 ກະບອກ, ງ້າວ 6 ດວງ, ເງິນກີບ 288 ລ້ານກີບ,ເງິນບາດ 489.450 ບາດ, ເງິນໂດລາ 612 ໂດລາ, ເງິນວອນ 1000 ວອນ ແລະ ວັດຖຸຄ້າຍຄືຄຳອີກຈຳນວນໜຶ່ງ.
