ຈີນຂະຫຍາຍພັນ ແມງໄມ້ປີກແຂງເພື່ອໄວ້ປ້ອງກັນຄູກັນເຂື່ອນໄຟຟ້າທີ່ໃຫ່ຍທີ່ສຸດໃນພິພົບນີ້

ຮຽບຮຽງໂດຍ: ລູກເມືອງພວນ

ອີງຕາມແຫຼ່ງຂ່າວສາກົນ ວັນທີ 20 ຕຸລານີ້ໃຫ້ຮູ້ວ່າ: ຈີນກຳລັງຂະຫຍາຍພັນແມງໄມ້ປີກແຂງນັບເປັນລ້ານໆຕົວ ຊຶ່ງມີຕົ້ນກຳເນີດມາຈາກສະຫະລັດອາເມລິກາ ໂດຍມີຄວາມຫວັງວ່າ ຈະສາມາດປາບຫຍ້າຊະນິດໜຶ່ງທີ່ເປັນໄພຂົ່ມຂູ່ຢູ່ຈີນໃນປັດຈຸບັນໄດ້.

ປັດຈຸບັນ ນັກວິທະຍາສາດຂອງຈີນ ກຳລັງດຳເນີນການຂະຫຍາຍພັນ ແມງໄມ້ປີກແຂງ ເພື່ອເອົາໄວ້ປ້ອງກັນເຂື່ອນໄຟຟ້າ ຕາມຮຽບ(Tam Hiep) ແລະ ບັນດາຄູກັນນໍ້າຢູ່ໃກ້ຄຽງອື່ນໆ ເພື່ອບໍ່ໃຫ້ມີການບຸກລຸກຈາກຫຍ້າຊະນິດນີ້(ຂ່າວຈາກ South China Morning Post ວັນທີ 20 ຕຸລານີ້)

ຫຍ້າຊະນິດດັ່ງກ່າວ ມີຕົ້ນກຳເນີດມາຈາກ ທາງພາກໃຕ້ຂອງສະຫະລັດ ຊຶ່ງນຳມາປູກຢູ່ໃນເຂດແມ່ນໍ້າ ເຢືອງຕື(ຈີນ) ໂດຍຄົນຍີ່ປຸ່ນແຕ່ປີ 1937 ເພື່ອໄວ້ລ້ຽງມ້າ. ພາຍຫຼັງສົງຄາມໂລກຄັ້ງທີ 2 ສິ້ນສຸດລົງ, ປະຊາຊົນຈີນໄດ້ນຳເອົາຫຍ້າຊະນິດດັ່ງກ່າວ ໄປປູກໃນເຂດພາກໃຕ້ຂອງຈີນ ເພື່ອເປັນອາຫານລ້ຽງສັດ ແລະ ຜະລິດເປັນຢາພື້ນເມືອງ ແຕ່ການປູກບໍ່ມີການຄວບຄຸມ ຈຶ່ງເຮັດໃຫ້ມັນແຜ່ຂະຫຍາຍຢ່າງໄວວາ.

ຕົ້ນເຂົ້າ ແລະ ຫຍ້າຊະນິດອື່ນໆບໍສາມາດຈະແຢ້ງຊີງເອົາທາດອາຫານກັບມັນໄດ້. ບາງສາຂາຂອງແມ່ນໍ້າ ເຢືອງຕື ຖືກຫຍ້າຊະນິດນີ້ປົກຄຸມໜາທຶບ ນໍ້າບໍ່ສາມາດຈະໄຫຼສະດວກໄດ້ ຈຶ່ງເຮັດໃຫ້ນໍ້າລົ້ນຝັ່ງ ທັງດັບສູນແນວພັນປາ ແລະ ສັດນໍ້າຊະນິດຕ່າງໆ. ນອກຈາກນີ້, ຫຍ້າຊະນິດດັ່ງກ່າວຍັງເປັນໄພຂົ່ມຂູ່ຕໍ່ ເຂື່ອນໄຟຟ້າ ຕາມຮຽບຕື່ມອີກ ຈຳກັດການໄຫຼຂອງນໍ້າ ອັນໄດ້ສົ່ງຜົນກະທົບຕໍ່ເຄື່ອງປັ່ນໄຟ.

ຊາວນາພະຍາຍາມຂ້າຫຍ້າດ້ວຍການກ່ຽວ, ດ້ວຍລົດດຸດ ແລະ ຢາຂ້າຫຍ້າ ແຕ່ກໍບໍ່ສາມາດທີ່ຈະດັບສູນມັນໄດ້. ບັນດານັກວິທະຍາສາດຂອງຈີນ ຈຶ່ງໄດ້ຂະຫຍາຍພັນແມງໄມ້ປີກແຂງນັບເປັນລ້ານໆຕົວ ເພື່ອໃຫ້ມັນກິນຫຍ້າຊະນິດດັ່ງກ່າວ, ແມງໄມ້ປີກແຂງຊະນິດນີ້ຂະຫຍາຍພັນໄວທີ່ສຸດ, ແຕ່ລະໂຕອາດຈະເກີດໄຂ່ອອກມາ ນັບເປັນພັນພັນໆໜ່ວຍພາຍໃນ 6 ອາທິດເທົ່ານັ້ນ.