ຝຣັ່ງ ມ້າງແຜນກໍ່ການຮ້າຍ

ຮຽບຮຽງໂດຍ: ລູກເມືອງພວນ

ລັດຖະມົນຕີກະຊວງພາຍ ຝຣັ່ງ Christophe Castaner, ວັນທີ່ 17 ຕຸລານີ້ໃຫ້ຮູ້ວ່າ: ໜ່ວຍສືບລັບຂອງຝຣັ່ງ ຈັບຊາຍຜູ້ສົງໃສຄົນໜຶ່ງທີ່ຂຶ້ນແຜນຄ້າຍກັບເຫດການກໍ່ການຮ້າຍໃນວັນທີ 11 ກັນຍາຢູ່ສະຫະລັດ.

ລັດຖະມົນຕີກະຊວງພາຍໃນ ຝຣັ່ງ Castaner ອອກລາຍການວິທະຍຸກະຈາຍສຽງFrance 2 ວັນທີ 17 ຕຸລານີ້ວ່າ: “ມີບຸກຄົນຄົນໜຶ່ງ ໄດ້ບັນດານໃຈຈາກເຫດການວັນທີ 11 ກັນຍາຢູ່ສະຫະລັດ ທີ່ໃຊ້ເຮືອບິນທຳລາຍຕຶກຄູ່ແຝດສູນກາງການຄ້າໂລກ, ຖືກໜ່ວຍຂ່າວລັບຂອງພວກເຮົາຈັບ”

ນາຍ Castaner ບໍ່ໄດ້ເປີດເຜີຍຊື່ສຽງ ແລະ ແຜນການຂອງຜູ້ສົງໃສແຕ່ຢ່າງໃດ ພຽງແຕ່ເວົ້າວ່າ: ຜູ້ສົງໃສມີແຜນຈີ້ເອົາເຮືອບິນ ເພື່ອປະຕິບັດການກໍ່ການຮ້າຍຢູ່ ຝຣັ່ງ. ທ່ານເວົ້າວ່າ: ນີ້ແມ່ນແຜນກໍ່ການຮ້າຍທີ່ 60 ຢູ່ ຝຣັ່ງ ທີ່ຖືກມ້າງນັບແຕ່ປີ 2003 ເປັນຕົ້ນມາ.