ໂນເຣນ ຄວ້າແຊ໊ມກ໊ອຟຍີເອັມດັບເບິລຢູ ພີຈີເອ

ການແຂ່ງຂັນກ໊ອຟ ຢູໂຣ ປຽນທົວ ລາຍການ ບີເອັມດັບ ເບິລຢູ ພີຈີເອ ແຊ໊ມປຽນຊິບ ທີ່ສະ ໜາມເວນເວິດ ປະເທດອັງກິດ ໃນວັນອາທິດຜ່ານມາ ເປັນການ ແຂ່ງຂັນໃນຮອບສຸດທ້າຍ ຜົນ ປາກົດວ່າ ອະເລັກໂນເຣນ ຈາກ ສະວີເດນ ສະແດງຜົນງານໄດ້ ສຸດຍອດ ຕີເຂົ້າມາ 10 ອັນເດີພາ 62 ຄະແນນ ລວມ 11 ອັນເດີພາ 277 ຄະແນນ ຄວ້າແຊ໊ມໄປຄອງ ໄດ້ຢ່າງງົດງາມ ໂດຍເອົາຊະນະ ຟຣານເຊສໂກ ໂມລິນາຣີ ຈາກ ອິຕາລີ ທີ່ຕາມມາເປັນອັນດັບ 2 ດ້ວຍຄະແນນລວມ 9 ອັນເດີພາ 279 ຄະແນນ ຫ່າງ 2 ສະ ໂຕຣກ.

ສ່ວນອັນດັບ 3 ຮ່ວມມີ 3 ຄົນຄື: ນິໂຄລັສ ໂຄລແຊດ ຈາກ ເບລຢຽມ, ເຣນຣິກ ສະເຕນສັນ ຈາກ ສະວີເດນ ແລະ ຣິເດໂຕະ ທານິຮາຣະ ຈາກ ຢິ່ປຸ່ນ ທີ່ເຮັດ ຄະແນນລວມ 8 ອັນເດີພາ 280 ຄະແນນ ເທົ່າກັນ.