ຄອບຄົວກິນແມງໄມ້ຕະຫລອດ 3 ປີ
ຮຽບຮຽງໂດຍ: ລູກເມືອງພວນ
ພໍ່ເຖົ້າ Paniagua ຊາວ ກົສຕາຣີກາຕັດສິນ ໃຈສະສົມທາດ ໂປຣຕີນ ຂອງຮ່າງກາຍໃຫ້ຫຼາຍຂຶ້ນ ໂດຍຫັນມາກິນ ແມງໄມ້ແທນ, ເຊັ່ນ: ໂຕຈິຫຼໍ່, ມົດ, ແມງສາບ ແລະ ແມງ ໄມ້ປີກແຂງຊະນິດອື່ນໆ.
ພັນລະຍາຂອງພໍ່ເຖົ້າ Paniagua ຊື່ Gabriela Soto ຊາວ ກົສຕາຣີກາໄດ້ ລ້ຽງແມງໄມ້ໄວ້ໃນຟາມຂອງ ຄອບຄົວເຂົາເອງເພື່ອເອົາ ມາຂົ້ວກິນຕາງເຂົ້າໃນແຕ່ ລະວັນ.
ຄອບຄົວຄູ່ຜົວເມຍດັ່ງ ກ່າວກິນແມງໄມ້ຕາງເຂົ້າຕະຫຼອດ 3 ປີ. ພວກເຂົາເອົາແມງໄມ້ມາຂົ້ວ, ເມື່ອສຸກແລ້ວ ເຂົາກໍເອົາຂຶ້ນໂຕະອາຫານ, ຫຼັງຈາກນັ້ນກໍໂຮຍເກືອໃສ່ເລັກນ້ອຍແລ້ວພ້ອມກັນກິນກັບລູກສາວຢ່າງແຊບນົວພໍ່ເຖົ້າ Paniagua ເປັນນັກ ຊີວະວິທະຍາ, ເປັນຫົວໜ້າພິພິຕະພັນແມງໄມ້ໃນມະຫາ ວິທະຍາໄລ Costa Rica ບອກພັນລະຍາວ່າ: ຂົ້ວສຸກ ແລ້ວບີບໝາກນາວໃສ່ນ໊ອຍ ໜຶ່ງ ເພື່ອເພີ່ມລົດຊາດໃຫ້ດີຂຶ້ນ. “ລົດຊາດແມງໄມ້ ຂົ້ວກໍຄ້າຍກັບລົດຊາດມັນ ຝຣັ່ງຈືນຫັ້ນແຫຼະ” ພໍ່ເຖົ້າບອກ.
ຫ່າງຈາກນີ້ 3 ປີ, ພໍ່ເຖົ້າ Paniagua ໄດ້ຕັດສິນໃຈຫັນມາສະສົມທາດ ໂປຣຕີນດ້ວຍການກິນແມງໄມ້ ເຊັ່ນ: ຈິຫຼໍ່, ມົດ, ແມງສາບ ແລະ ແມງໄມ້ ປີກແຂງອື່ນໆ. ທັງໝົດນັ້ນລ້ວນແຕ່ເອົາມາຈາກຟາມຂອງຄອບຄົວທັງນັ້ນ. ນັກ ຊີວະວິທະຍາຄົນນີ້ ຮຽກຮ້ອງໃຫ້ທຸກຄົນຮຽນເອົາແບບຢ່າງຂອງເຂົາ.
“ແມງໄມ້ເປັນປະເພດອາຫານທີ່ແຊບ, ພວກເຮົາອາດຈະທັງເບິ່ງເຕະບານ ທັງຫຍໍ້າແມງໄມ້ໄປນຳ, ກິນຊ້າໆຫຍໍ້າທີລະໂຕ ແກ້ມກັບເຫຼົ້າໂຊດາຈັກຈອກ ມັນກໍສຸດຍອດແລ້ວ” ທ່ານກ່າວ.
ອົງການອາຫານໂລກ ແລະ ກະສິກຳຂອງສະຫະປະຊາຊາດ(FAO) ໃຫ້ຮູ້ວ່າ: ມີປະມານ 1.900 ຊະນິດແມງໄມ້ສາມາດຮັບປະທານ ໄດ້ໂດຍສະເພາະແມ່ນແມງໄມ້ຢູ່ໃນເຂດອາຊີ ແລະ ແອຟຣິກກາ, ແມງໄມ້ຫຼາຍຊະນິດມີວິຕາມິນສູງ, ອຸສົມສົມບູນໄປດ້ວຍທາດ ໂປຣຕີນ ແຮ່ທາດ ແລະ ພະລັງງານ./.
