ບຸນມະໂຫລານສົ່ງເສີມການອ່ານຈະຈັດຂຶ້ນໃນກາງເດືອນຕຸລານີ້
ພິທີຖະແຫລງຂ່າວການກະກຽມຈັດງານບຸນມະໂຫລານສົ່ງເສີມການອ່ານ ໄດ້ມີຂຶ້ນໃນວັນທີ 9 ຕຸລານີ້ ຢູ່ພະແນກສືກສາທິການ ແລະ ກີລາ ນະຄອນ ຫຼວງວຽງຈັນໂດຍການ ເຂົ້າ ຮ່ວມຂອງທ່ານ ສົມພອນ ສອນດາລາ ຮອງຫົວ ໜ້າພະແນກການດັ່ງກ່າວ ພ້ອມ ດ້ວຍຄູອາຈານແລະສຶ່ມວລຊົນເຂົ້າ ຮ່ວມເກືອບຮ້ອຍຄົນ
ທ່ານ ຮອງຫົວໜ້າພະແນກສຶກສາ ນະຄອນຫລວງວຽງຈັນ ຖະແຫລງວ່າ: ງານບຸນມະໂຫລານສົ່ງເສີມການອ່ານຄັ້ງທີ 2 ນີ້, ຈະຈັດຂຶ້ນໃນວັນທີ 19-27 ຕຸລາ ນີ້, ຢູ່ສູນການຄ້າວຽງຈັນເຊັນເຕີ ທີ່ບ້ານ ໜອງຈັນ ເມືອງ ສີສັດຕະນາກ, ເພື່ອເປັນການສົ່ງເສີມການອ່ານໃຫ້ເປັນຂະບວນກວ້າງຂວາງ ແລະ ທັງເປັນການເປີດໂອກາດ ໃຫ້ຄົນລາວໄດ້ສຳພັດກັບປື້ມອ່ານນາໆຊາດ, ໃຫ້ຕ່າງຊາດໄດ້ສຳຜັດເຫັນປື້ມອ່ານ ຂອງລາວ ເຮົາພ້ອມດຽວກັນນັ້ນກໍໃຫ້ທຸກຄົນຮູ້ເຖີງຄວາມສຳຄັນຂອງ ການອ່ານອີກດ້ວຍ ແລະ ໃນງານດັ່ງກ່າວຍັງມີການແຂ່ງຂັນປະກວດບົດ ຄວາມຄູໃນດວງໃຈ,ການແຂ່ງຂັນເວົ້າ ແລະ ການແຂ່ງຂັນຖາມຕອບຫົວ ຂໍ້ກ່ຽວກັບອາຊຽນ ແລະ ອື່ນໆ. ເພື່ອສົ່ງເສີມການຮຽນຮູ້ ແລະ ທັກສະການ ສະແດງອອກຂອງນັກຮຽນໃຫ້ດີຍິ່ງຂຶ້ນ.
