ສະຫະລັດ ເປີດໄຟຂຽວໂຄງການຂາຍ ເຮລີຄອບເຕີ ຈູ່ໂຈມ 8 ລຳໃຫ້ໄທ

ຮຽບຮຽງໂດຍ: ລູກເມືອງພວນ

ເມື່ອວັນທີ 25 ກັນຍານີ້, ສຳນັກງານຄວາມຮ່ວມມືດ້ານຄວາມໝັ້ນຄົງປ້ອງກັນຊາດ(ດີເອັສຊີເອ)ຂອງສະຫະລັດອາເມລິກາ ໄດ້ເຫັນດີໃຫ້ມີການຈຳໜ່າຍ ເຮລີຄອບເຕີ ຈູ່ໂຈມ ແບບ ເອເອສ-6ໄອ ໃຫ້ກັບທາງການໄທໄດ້ ໂດຍຜ່ານຂະບວນການຈຳໜ່າຍຍຸດໂທປະກອນໃຫ້ກັບຕ່າງຊາດ(ເອຟເອັມເອສ)ຂອງລັດຖະບານສະຫະລັດອາເມລິກາ ຕາມທີ່ທາງຝ່າຍໄທ ໄດ້ສະແດງຄວາມສົນໃຈທີ່ຈະພິຈາລະນາຂໍ້ສະເໜີຂອງສະຫະລັດ ເພື່ອຈັດຊື້ ເຮລີຄອບເຕີ ຊຸດໃໝ່ ປ່ຽນແທນຊຸດ ເຮລີຄອບເຕີຈູ່ໂຈມແບບເອເອສ-1ເອຟ ຄອບຣາ 7 ລຳທີ່ກຳລັງໃຊ້ງານຢູ່ໃນສະພາບທີ່ເກົ່າແກ່ ອາຍຸສະເລ່ຍ 37,8 ປີແລ້ວ.

ລາຍງານຂ່າວຈາກ ໄຟໂກບອນ ລະບຸວ່າ: ໂຄງການຈັດຊື້ດັ່ງກ່າວມີມູນຄ່າປະມານ 400 ລ້ານໂດລາ ໂດຍທາງການໄທໄດ້ເຮັດໜັງສືສະແດງຄຸນລັກສະນະທີ່ຕ້ອງການ ລວມທັງລະບົບອາວຸດ, ເຊັນເຊີ, ການຝຶກອົບຮົມ ແລະ ການສະໜັບສະໜູນອື່ນໆ ໃນການຈັດຊຶື້ດັ່ງກ່າວ ໃນລະຫ່ວາງປາຍປີ 2017.

ຝ່າຍ ໄຟໂກບອນ ສະເໜີວ່າ: ທາງບໍລິສັດ ເບັນ ໄດ້ສະເໜີຂາຍ ລຸ່ນ ເອສ-1ແຊັດ ໄວເປີ  ໃນຂະນະທີ່ບໍລິສັດ ໂບອິ້ງ ຜູ້ຜະລິດລຸ່ນ ດັ່ງກ່າວໄດ້ນຳສະເໜີລຸ່ນ ເອເອສ-64 ອາປາເຊ່,  ແອບັດ ເຮລີຄອບເຕີນຳສະເໜີລຸ່ນ ໄທເກີ ແລະ ເຕີກິສ ແອໂຣສະເປສ ສະເໜີລຸ່ນ ທີ 129 ໃຫ້ຄວາມສົນໃຈໃນໂຄງການຈັດຊື້ຂອງໄທໃນຄັ້ງນີ້.