ມອບ-ຮັບສູນພາສາຍີ່ປຸ່ນ ຢູ່ໂຮງຮຽນມັດທະຍົມສຶກສາ ໜອງບອນ
ພິທີມອບ-ຮັບສູນພາສາຍີ່ປຸ່ນ ຢູ່ໂຮງຮຽນມັດທະຍົມສຶກສາໜອງບອນ ນະຄອນຫລງວຽງຈັນ, ເຊິ່ງໄດ້ຮັບການຊ່ວຍເຫລືອ ຈາກລັດຖະບານຍີ່ປຸ່ນໄດ້ມີຂຶື້ນໃນວັນທີ 26 ກັນຍານີ້, ໂດຍມີ ທ່ານ ບົວລານ ສິລິປັນຍາ ຮອງລັດຖະມົນຕີ ກະຊວງສຶກສາທິການ ແລະ ກິລາ, ທ່ານ ເຄໂຊ ທາເກວະກະ ເອກອັກຄະຣາຊະທູດຍີ່ປຸ່ນ ປະຈຳ ລາວ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.
ສູນພາສາຍີ່ປຸ່ນ ດັ່ງກ່າວ,
ແມ່ນໄດ້ປັບປຸງອາຄານຫ້ອງປະຊຸມເກົ່າຂອງໂຮງຮຽນ ໂດຍການຍົກລະດັບຄວາມອຳນວຍສະດວກຕ່າງໆ,
ເຮັດໃຫ້ຫ້ອງຮຽນ, ຫ້ອງກິດຈະກຳ ແລະ ຫ້ອງກຽມສອນພາສາຍີ່ປຸ່ນ ຂອງອາຈານ
ໃຫ້ມີອຸປະກອນການຮຽນ-ການນສອນ ຢ່າງຄົບຊຸດໃນໂອກາດດັ່ງກ່າວ, ທ່ານ ນາງ ແສງພະຈັນ ພິມມະຈັກ
ຜູ້ອຳນວຍການໂຮງຮຽນ ມັດທະຍົມດັ່ງກ່າວ ໄດ້ສະແດງຄວາມຂອບໃຈຕໍ່ລັດຖະບານ ກໍຄື
ປະຊາຊົນຍີ່ປຸ່ນ ທີ່ໄດ້ໃຫ້ການຊ່ວຍ ເຫລືອໃນຄັ້ງນີ້,
ເຊິ່ງເປັນການປະກອບສ່ວນເຮັດໃຫ້ຫລັກສູດ ການຮຽນ-ການສອນ ຂອງໂຮງຮຽນມີຄຸນນະພາບດີຂຶ້ນ,
ເຊິ່ງປັດຈຸບັນ ມີໂຮງຮຽນມັດທະຍົມ 4 ແຫ່ງ ໃນນະຄອນຫລວງວຽງຈັນ ລວມທັງມັດທະຍົມສຶກສາ
ໜອງບອນ ທີ່ໄດ້ນຳເອົາຫລັກສູດພາສາຍີ່ປຸ່ນ ເຂົ້າມາສອນ ຫລັງຈາກທີ່ລັດຖະບານລາວ
ໄດ້ຕົກລົງເອົາພາສາຍີ່ປຸ່ນ ເປັນໜຶ່ງໃນພາສາທີ່ສອງຂອງພາສາຕ່າງປະເທດ
ເຂົ້າໃນຫລັກສູດການສຶກສາສາມັນໃນ ປີ 2011 ໂຄງການດັ່ງກ່າວນີ້, ຄາດ ວ່າຈະເພີ່ມຈຳນວນນັກຮຽນພາສາຍີ່ປຸ່ນຢູ່
ສປປ ລາວ.
ພ້ອມດຽວກັນນັ້ນ, ທ່ານ ເຄໂຊ ທາເກວະກະ ກໍໄດ້ເນັ້ນເຖິງຄວາມສໍາຄັນຂອງໂຄງການປັບ ປຸງ ທີ່ໄດ້ປະສົບຜົນສຳເລັດ ພ້ອມທັງສະແດງຄວາມຫວັງວ່າ ສູນພາສາຍີ່ປຸ່ນດັ່ງກ່າວ, ຈະຖືກນໍາໃຊ້ຢ່າງມີປະສິດທິພາບ ແລະ ຍາວນານ.
