ຕາດນ້ຳກັດ ແລະ ຕາດຫ້ວຍຊຸ່ມ

ຕາດນ້ຳກັດ

ອີງຕາມຂໍ້ມູນທອງທ່ຽວລາວໃຫ້ຮູ້ວ່າ: ຕາດນ້ຳກັດຕັ້ງຢູ່ ເຂດ ບ້ານແຟນເມືອງໄຊ ແຂວງ ອຸດົມໄຊ ຫ່າງຈາກເທສະບານ ເມືອງປະມານ 24 ກິໂລແມັດ, ຢູ່ໃນເຂດປ່າສະຫງວນຂອງພູ ຫີນຜີ ທີ່ມີປ່າດົງດຶບດົກໜ້າ, ເຕັມໄປດ້ວຍຕົ້ນໄມ້ໃຫຍ່ ແລະ ຊີວະນາໆພັນອັນອຸດົມສົມບູນ ກາຍເປັນສິ່ງດຶງດູດໃຈຂອງນັກທ່ອງທ່ຽວ. ຕາດນ້ຳກັດເປັນຕາດ ຊັ້ນດຽວສູງປະມານ 15-20 ແມັດ ແລະ ກວ້າງປະມານ 20- 50 ແມັດ, ມີອ່າງອາບນ້ຳທຳມະ ຊາດ ທີ່ເຢັນສະບາຍຢູ່ດ້ານໜ້າ ຂອງຕາດ, ເໝາະແກ່ການພັກ ຜ່ອນຢ່ອນໃຈຕາມໂງ່ນຫີນ ແລະ ສາຍນ້ຳ. ຕາດນີ້ຖືກຄົ້ນພົບປີ 1999 ແລະ ເປີດໃຫ້ບໍລິການ ໃນປີ 2006 ແລະ ໄດ້ມີການພັດທະນາ ດ້ານພື້ນຖານໂຄງລ່າງ ສິ່ງອຳນວຍຄວາມສະດວກ  ເຊັ່ນ: ທາງຍ່າງ, ຂົວຂ້າມນ້ຳ, ຂົວອູ່ມີ ຄວາມຍາວປະມານ 1,500 ແມັດ ເຊິ່ງເນັ່ງລະຫວ່າງຕົ້ນໄມ້ ຫາຕົ້ນໄມ້ໃສ່ກັນເມື່ອທ່ານເຂົ້າ ຊົມຕາດນ້ຳກັດກໍຈະໄດ້ສຳຜັດກັບການຍ່າງເທິງຂົວອູ່ເພື່ອ ຊົມຄວາມ ງົດງາມຂອງທຳມະ ຊາດໃນເຂດປ່າສະຫງວນແຫ່ງນີ້ຢ່າງເບີກ ບານໃຈ ແລະ ບໍ່ຫລົງລືມໄດ້.

ຕາດຫ້ວຍຊຸ່ມ

ຕາດຫ້ວຍຊຸ່ມເປັນຕາດທີ່ ມີຕົ້ນກຳເນີດຈາກຫ້ວຍຊຸ່ມແລ້ວໄຫລຕົກລົງຜາເລີກ ແລະ ສູງຊັນ, ມີຄວາມສູງປະມານ 79 ແມັດ, ຢູ່ບໍລິເວນເຂດປ່າສະຫງວນພູຫີນຜີທີ່ອຸດົມສົມບູນໄປດ້ວຍຊີວະນານາພັນປ່າໄມ້ດົກໜາ, ອາກາດຊຸ່ມເຢັນ. ນອກນັ້ນ, ຢູ່ ໃກ້ໆຕາດ ຍັງມີເຮືອນຕົ້ນໄມ້ ສຳລັບບໍລິການນັກທ່ອງທ່ຽວຜູ້ທີ່ ສົນໃຈ ຫລື ມັກບັນຍາກາດແບບງຽບສະຫງົບ ແລະ ຕື່ນເຕັ້ນກັບການຂີ່ສະ ລິງ, ປີນຜາ ແລະ ຍ່າງ ປ່າດ້ວຍຄວາມເບີກບານ ແລະ ມ່ວນຊື່ນ.