ອະນຸບານທະນາຄານໂຮງຮຽນຕົວແບບຄຸນນະະພາບ

ໂຮງຮຽນອະນຸບານທະນາຄານແຫ່ງ ສປປ ລາວ ເປັນໜຶ່ງ ໃນ ບັນດາໂຮງຮຽນຕົວແບບ ຄຸນນະພາບດີຂອງເມືອງຈັນທະບູລີ ນະຄອນຫຼວງວຽງຈັນ ເຊິ່ງໄດ້ຮັບຮອງ ປີ 2013 ໂດຍສອດ ຄ່ອງກັບ 43 ຕົວຊີ້ວັດຄື: ເປັນໂຮງ ຮຽນດີ ມີຄວາມສະອາດ, ສິ່ງ ແວດລ້ອມດີ, ມີຄຸນນະພາບ; ສະຫງົບ ແລະ ມີອາກາດປອດປົ່ງດີ; ເປັນສະຖານທີ່ກວ້າງຂວາງມີເດີ່ນ ສໍາລັບເຄື່ອນໄຫວກິດຈະກໍາ ກິລາ ແລະ ສິລະປະຂອງນັກຮຽນ; ມີຄູ-ອາຈານ ທີ່ມີຄວາມອາດສາມາດ ແລະ ປະສົບການສູງ.

ໃນໂອກາດວັນເດັກນ້ອຍສາກົນ ທີ່ຈະມາເຖິງ ນີ້ທ່ານນາງ ວິໄລວອນ ພຸດທະວົງ ອໍານວຍການໂຮງຮຽນແຫ່ງນີ້ໃຫ້ຮູ້ວ່າ: ໂຮງຮຽນອະນຸບານພວກເຮົາ ໄດ້ຮັບການສ້າງຕັ້ງຂຶ້ນໃນປີ 1976 ເຊິ່ງມີທີ່ຕັ້ງຢູ່ບ້ານຊຽງຍືນ, ເມືອງຈັນທະບູລີ, ນະຄອນ ຫຼວງວຽງຈັນ ເປັນໂຮງຮຽນອະ ນຸບານຂອງລັດ ທີ່ຂຶ້ນກັບທະນາ ຄານແຫ່ງ ສປປ ລາວ; ໂດຍປະ ຕິບັດການຮຽນ-ການສອນຕາມ 3 ລັກສະນະ ແລະ 5 ຫຼັກມູນທີ່ ກະຊວງສຶກສາ ແລະ ກິລາວາງ ອອກ, ແລະ ໂດຍການຊີ້ນໍາ ນໍາພາຈາກຄະນະພັກ- ຄະນະຜູ້ວ່າ ການ ກໍຄືຫ້ອງການທະນາຄານ ແຫ່ງ ສປປ ລາວ ພວກເຮົາຈຶ່ງ ສາມາດຍາດໄດ້ຜົນສໍາເລັດຫຼາຍ ດ້ານໃນການຮຽນ-ການສອນ ແນໃສ່ພັດທະນາເດັກທັງ 4 ດ້ານຢ່າງມີຄຸນນະພາບປັດຈຸບັນມີຫ້ອງຮຽນທັງໝົດ 11 ຫ້ອງຮຽນ (ຫ້ອງອະນຸບານ 8 ຫ້ອງ, ຫ້ອງລ້ຽງເດັກ 3 ຫ້ອງ), ໃນສົກຮຽນນີ້ມີນັກຮຽນທັງໝົດ 300 ກວ່າຄົນ, ໃນນີ້ຊັ້ນອະນຸບານມີ 226 ຄົນ ໃນອາຍຸ 1-5 ປີ, ມີອາ ຫານທ່ຽງ ແລະອາຫານຫວ່າງອື່ນໆອີກ ເຊິ່ງໃນປີ 2016 ມາເຖິງປັດຈຸບັນນີ້ໄດ້ມີກິດຈະ ກໍາທີ່ຫຼາກຫຼາຍເປັນຕົ້ນກິລາ, ສິລະປະ, ຕອບຄໍາຖາມວິທະຍາສາດໃນວັນສໍາຄັນຂອງຊາດ,  ພ້ອມນັ້ນ ຍັງນໍາພາເດັກໄປທັດ ສະນະສຶກສາຢູ່ນອກສະຖານທີ່, ຈັດຕັ້ງໃຫ້ເດັກຜັດປ່ຽນກັນ ອະນາໄມ ແລະ ລ້າງມືໃສ່ສະບູ, ຖູແຂ້ວຫຼັງກິນເຂົ້າ;  ແລະ ການ ພັດທະນາການ ອື່ນໆອີກ.

ນອກນີ້ ໂຮງຮຽນຍັງມີ ຄວາມສະອາດງາມຕາ, ມີ ຄວາມປອດໄພຮອບດ້ານ, ສໍາ ຄັນໄປກວ່ານັ້ນໃນແຕ່ລະປີ ຄະນະແພດຈາກໂຮງ ໝໍເມືອງຈັນ ທະບູລີ ໄດ້ມາໃຫ້ຢາຂ້າແມ່ທ້ອງ, ຢອດຢາວິຕາມິນ 2 ຄັ້ງຕໍ່ປີ, ຢອດຢາກັນໂປລິໂອໄດ້ຄົບກໍາ ນົດ ແລະໃນຂະນະດຽວ ກັນຍັງ ພາເດັກນ້ອຍໄປຢ້ຽມຢາມແລກປ່ຽນບົດຮຽນກັບໂຮງຮຽນອະ ນຸບານແຫ່ງຕ່າງໆ, ເຂົ້າຮ່ວມ ແຂ່ງຂັນກິລາ-ສິລະປະທົ່ວ ເມືອງ ຈັນທະບູລີ ຢ່າງມີຜົນສຳເລັດ.

ທ່ານນາງ ລັດດາວອນ ດາ ລາ ແມ່ລ້ຽງ ໃຫ້ຮູ້ວ່າ: ໃນຜ່ານ ມາພວກເຮົາໄດ້ຖືສໍາຄັນເລື່ອງ ອາຫານການກິນທີ່ສະອາດ ແລະຖືກຫຼັກ ໂພສະນາການ ເຊິ່ງໃນແຕ່ລະມື້ ແມ່ລ້ຽງທັງ 4 ຄົນໄດ້ພັດປ່ຽນກັນອອກຕະ ຫຼາດ, ແຕ່ງກິນ ແລະ ເບິ່ງແຍງ ເດັກຢ່າງໃກ້ສິດໃນ ເວລາເຂົາ ເຈົ້າກິນເຂົ້າ-ດື່ມນໍ້າ, ສໍາລັບອາ ຫານແຕ່ລະມື້ໃຫ້ຄົບ 5 ໝູ່ ໃນນີ້ ບາງມື້ກໍມີແກງ, ຂົ້ວ, ບາງມື້ເຂົ້າ ໜຽວກັບອາຫານ 2-3 ເຍື່ອງ, ຕອນສວຍມີອາຫານຫວ່າງ, ບາງມື້ກໍໝາກໄມ້, ເຂົ້າປຽກ-ເຂົ້າຕົ້ມ, ເຂົ້າໜົມ, ເຕົ້າຮູ້, ນົມ ແລະອື່ນໆ, ອາຫານການກິນ ເປັນອັນຊື້ມາໃໝ່ ແລະ ປຸງແຕ່ງໃໝ່ທຸກຄັ້ງ ທີ່ຮັບປະກັນສຸຂະພາບຂອງເດັກເປັນຕົ້ນຕໍ.

ທ່ານນາງ ມະນີຈັນ ສ. ພາບມີໄຊ ທີ່ເປັນຄູອະນຸບານ ທີ່ມີອາຍຸການເກືອບ 20 ປີກໍ ໄດ້ເວົ້າວ່າ: ການສອນເດັກແຕ່ ເຍົາໄວເປັນວຽກ ທີ່ຫຍຸ້ງຍາກຫຼາຍ, ຄູຕ້ອງເປັນຜູ້ອົດທົນ, ມີ ຄວາມຮັກ-ຄວາມຜູກພັນ ແລະ ເຮັດດ້ວຍໃຈ, ຖືເຂົາເຈົ້າຄືລູກ, ຄື ຫຼານເພາະນີ້ ເປັນຄົນທີ່ພວມ ອອກຈາກອ້ອມອົກຂອງແມ່ມາໃໝ່ໆ, ເປັນຄົນທີ່ຂ້ອນຂ້າງເອົາ ໃຈໂຕເອງ, ສະນັ້ນ ຜູ້ເປັນຄູຕ້ອງໃຫ້ຄວາມ ສໍາຄັນເປັນພິເສດ, ຕ້ອງຮູ້ຖະໜອມທອມຕຸ້ມ, ສອນ ດ້ວຍຄວາມເວົ້າທີ່ດີ, ການວາງ ຕົວກໍຕ້ອງໃຫ້ດີທີ່ສຸດເພືື່ອສ້າງ ເດັກ ໃຫ້ເປັນຄົນຄໍາຮູ້ຂອງພໍ່ແມ່, ເປັນເດັກດີຂອງຊາດ, ເປັນອະນາຄົດຂອງປະເທດ.