ມືປືນຍິງປືນກວາດໃສ່ຄົນຢູ່ສະຫະລັດ, ມີຜູ້ເສຍຊີວິດ 5 ຄົນ
ຮຽບຮຽງໂດຍ: ລູກເມືອງພວນ
ວັນທີ 31 ສິງຫາ ຜ່ານມາ, ມືປືນໄດ້ບຸກເຂົ້າໄປໃນເມືອງ Odessa, Texas ຍິງປືນກວາດໃສ່ ຝຸງຄົນ, ມີຜູ້ເສຍຊີວິດ 4 ຄົນ ແລະ ບາດເຈັບ 21 ຄົນ, ກ່ອນທີ່ເຂົາຈະຖືກສັງຫານ.
ມືປືນໄດ້ລັກເອົາລົດບັນທຸກສົ່ງຈົດໝາຍຄັນໜຶ່ງຂອງໂຮງໄປສະນີໃນສະຫະລັດ, ຫຼັງາກນັ້ນ ເຂົາກໍໄດ້ຂັບລົດໄປ ແລະ ຍິງປືນກວາດໃສ່ຜູ້ຄົນສັນຈອນຕາມທ້ອງຖະໜົນຢູ່ເມືອງ Odessa ແລະ ໃນທີ່ສຸດເຂົາກໍຖືກຄາດຕະກຳຢູ່ທີ່ເຂດໂຮງຮູບເງົາ Cinergy ຢູ່ທີ່ Odessa.
ເຈົ້າໜ້າທີ່ຕຳຫຼວດ Odessa ສົງໄສວ່າຍັງມີປືນອີກຄົນໜຶ່ງໄດ້ບຸກເຂົ້າໄປໃນລົດບັນທຸກສີເຫຼືອງ – ຂາວ ຄັນໜຶ່ງ ແຕ່ບໍ່ທັນມີຂໍ້ມູນອັນລະອຽດ. ຜູ້ວ່າລັດ Midland Jerry Morales ເວົ້າວ່າ: “ ພວກເຮົາຄິດວ່າມີມືປືນພຽງແຕ່ຄົນດຽວ ແຕ່ ພວກເຮົາບໍ່ສາມາດຄາດຕະກຳເຂົາໄດ້ ”
ນີ້ ແມ່ນຄັ້ງທີສອງທີ່ເກີດເຫດຄົນຮ້າຍຍິງປືນກວາດໃສ່ຄົນຢູ່ລັດ Texas ໃນໄລຍະເດືອນ 8 ທີ່ຜ່ານມາ. ວັນທີ 2 ສິງຫາ, Patrick Crusius, ອາຍຸ 21 ປີ ໄດ້ຂ້າຜູ້ຄົນໄປ 22 ຄົນ ຢູ່ໃນຫ້າງຊັບພະສິນຄ້າແຫ່ງໜຶ່ງໃນລັດ El Paso. FBI ຖືເຫດການຄັ້ງນີ້ ຄືກັນກັບການກໍ່ການຮ້າຍ.
