ຜົວໝົດສະຕິ ແຕ່ກັບຄືນຕື່ນຂຶ້ນມາໄດ້ຍ້ອນຮອຍຈູບຄັ້ງສຸດທ້າຍຂອງເມຍ
ຮຽບຮຽງໂດຍ: ລູກເມືອງພວນ
ກ່ອນຈະຖອດທໍ່ອົກຊີ ອອກຈາກປາກ ແລະ ດັງ ຂອງ Scott Hawkins ເພື່ອ ໃຫ້ເຂົາໄປດ້ວຍຄວາມສະ ຫງົບ, ອາຍຸ 37 ປີຢູ່ສະຫະລັດ, ເມຍໄດ້ກົ້ມລົງຈູບປາກເຂົາ ເປັນຄັ້ງສຸດທ້າຍ.
Scott Hawkins ລົ້ມປ່ວຍລົງຢ່າງກະທັນຫັນ, ເຊິ່ງບໍ່ຮູ້ສຶກຕົວມາແຕ່ຕົ້ນ ເດືອນ ກໍລະກົດຜ່ານມາ. ເມຍ ຂອງເຂົາຊື່ Danielle Hawkins ເວົ້າວ່າ: “ກ່ອນ ຈະສິ້ນລົມຫາຍໃຈ, ເຂົາໄດ້ເອີ້ນໃຫ້ຂ້ອຍເຂົ້າໄປຫາ, ແລ້ວເຂົາເວົ້າກັບຂ້ອຍວ່າ: “ອ້າຍເຈັບຫົວແຮງ, ຄືຊິບໍ່ ລອດແລ້ວ ”.
ໃນທັນໃດ, ຜູ້ເປັນເມຍກໍ ໄດ້ໂທ ເອົາລົດກູ້ໄພສຸກເສີນມາ ເພື່ອເອົາຜົວໄປໂຮງໝໍ. ຄວາມດັນເລືອດຂຶ້ນສູງ, ນໍ້າຖ້ວມປອດ ແລະ ຂາດອົກຊີເຈນ ຢ່າງຮຸນແຮງ. ປະລິມານອົກຊີເຈນ ໃນເລືອດຍັງເຫຼືອພຽງ 60-70 ເທົ່ານັ້ນ, ໃນຂະນະຄົນປົກະຕິແມ່ນມີປະມານ 95-100.
ທ່ານໝໍບົ່ງມະຕິວ່າ, Scott ມີອາການເສັ້ນເລືອດ ຕຶງໃນສະໝອງ, ຊຶ່ງຈະເຮັດ ໃຫ້ເຈັບຫົວຂ້າງດຽວ, ໃນຂະນະທີ່ກຳລັງຜ່າຕັດຢູ່ນັ້ນ, Scott ຊໍ້າພັດເຈັບຫົວໃຈຂຶ້ນ ມາອີກ ຈົນເຮັດໃຫ້ເຂົາໝົດສະຕິ, ອົກຊີເຈນ ໃນສະໝອງ ກໍຂາດຫາຍໄປ. ທ່ານໝໍໄດ້ ບອກໃຫ້ຜູ້ໃກ້ສິດທີ່ສຸດໃນຄອບຄົວເຂົ້າໄປຫາເຂົາເປັນຄັ້ງສຸດທ້າຍ ກ່ອນທີ່ເຂົາຈະຈາກໄປ ເພາະຮູ້ແລ້ວ ວ່າ ເຂົາຄົງບໍ່ລອດແນ່ນອນ. ບັນດາທ່ານໝໍໄດ້ເວົ້າກັບ ຂ້ອຍວ່າ: “ຈົ່ງປະໃຫ້ລາວຈາກໄປໂດຍສະຫງົບ”
ກ່ອນຈະປົດທໍ່ອົກຊີອອກ, ເພື່ອໃຫ້ເຂົາໄປດ້ວຍຄວາມສະຫງົບ, ເມຍຂອງເຂົາ Danielle ໄດ້ກົ້ມລົງຈູບປາກຜົວເປັນຄັ້ງສຸດທ້າຍ, ແຕ່ປາກົດວ່າຜົວກໍຈູບເຂົາຄືນ, ເຂົາກໍເລີຍຮຽກຮ້ອງໃຫ້ທ່ານໝໍບໍ່ຟ້າວປົດທໍ່ອົກຊີອອກຈາກເຂົາ, ເຖິງແມ່ນ ທ່ານໝໍວ່າບໍ່ລອດແລ້ວ ກໍຕາມ.
ອະພິນິຫານໄດ້ມາເຖິງ, ເມຍຂອງເຂົາມີຄວາມເຊື່ອ ໝັ້ນວ່າເຂົາຕ້ອງກັບຄືນມາ. ພາຍຫຼັງ 5 ອາທິດຕໍ່ມາ, Scott ບໍ່ຈຳເປັນໃສ່ທໍ່ ອົກຊີອີກ.
Danielle ແລະ Scott ຮູ້ຈັກກັນດ້ວຍຄວາມຮັກມັກດົນຕຣີຄືກັນ. ດັ່ງນັ້ນ, ແຕ່ລະ ເທື່ອເມື່ອໄປຢາມຜົວຢູ່ໂຮງໝໍຄັ້ງໃດ, ຜູ້ເປັນເມຍກໍມັກຈະເອົາ ກີຕາ ໄປໃຫ້ຜົວຫຼີ້ນ ແລະ ເຂົາກໍຄ່ອຍໆຫຼີ້ນໄປແຕ່ລະໂນດ. ບັນດາທ່ານໝໍ ເວົ້າວ່າ: ນັ້ນເປັນພຽງການ ຕອບສະໜອງແບບທຳມະຊາດເທົ່ານັ້ນ. Danielle ບອກໃຫ້ເຂົາຫຼີ້ນໄປໂນດອື່ນ ເຂົາກໍເຮັດໄດ້.
ນອກຈາກນັ້ນແລ້ວ, Scott ຍັງຮຽນເວົ້າ. ຄຳເວົ້າ ທີ່ເຂົາເວົ້າອອກຈາກປາກ ຄຳທຳອິດແມ່ນ “ອ້າຍຮັກນ້ອງ”, ຕໍ່ຈາກນັ້ນກໍແມ່ນ ຄຳເວົ້າ “ເອົາຢາແກ້ປວດ ໃຫ້ອ້າຍກິນແດ່”. ເມື່ອທ່ານ ໝໍຖາມວ່າ: “ເຈົ້າກຳລັງຫຼີ້ນ ຫຍັງກັນ” ເຂົາຕອບວ່າ: “ຫຼີ້ນດົນຕຣີ”, ເມື່ອເປັນເຊັ່ນນັ້ນ, ສະແດງວ່າຄົນປ່ວຍໄດ້ ຟື້ນຕົວຄືນຢ່າງແທ້ຈິງ.
ຫຼັງຈາກນັ້ນ, ທ່ານ ໝໍກໍ ໄດ້ຍ້າຍໃຫ້ເຂົາໄປຢູ່ສູນ ບຳບັດສຸຂະພາບທີ່ West Michigan. ຢູ່ທີ່ນີ້, ເຂົາໄດ້ຫັດ ແອບ 6 ມື້ຕໍ່ອາທິດຕະຫຼອດ 16 ອາທິດ. Scott ເປັນນັກ ດົນຕຣີທີ່ມີຄວາມສາມາດ. ສະນັ້ນ, ໃນເວລາຟື້ນ ຟູສຸຂະ ພາບນີ້, ເຂົາອາດຈະເຮັດ ທຸກ ສິ່ງທີ່ເຂົາມັກຮັກໃນດົນຕຣີ.
ຊ່ຽວຊານຜູ້ປິ່ນປົວ Alika Seu ແລະ ຜູ້ອື່ນໆໄດ້ວາງ ແຜນຟື້ນຟູສຸຂະພາບຂອງ ເຂົາດ້ວຍດົນຕຣີ ສົມທົບ ກັບການຮຽນເວົ້າ ເພື່ອຊ່ວຍ ໃຫ້ Scott ມີສຸຂະພາບແຂງ ແຮງຂຶ້ນ. ພາຍຫຼັງນອນໂຮງ ໝໍເປັນເວລາ 3 ເດືອນ ເຂົາກໍ ສາມາດອອກໂຮງໝໍເມືອ ຢູ່ເຮືອນໄດ້.
Danielle ເວົ້າວ່າ: “ ທຸກສິ່ງທຸກຢ່າງແມ່ນມີຄວາມ ຫຍຸ້ງຍາກ ແຕ່ທັງໝົດສິ່ງເຫຼົ່າ ນັ້ນ ມັນແມ່ນຄຳປະຕິຍານ ວ່າຈະບໍລິສຸດຕໍ່ເຂົາແຕ່ເວລາແຕ່ງງານພຸ້ນ, ບໍ່ວ່າແຕ່ຍາມ ເຈັບເປັນ ຫຼື ເວລາແຂງແຮງ ກໍຈະນັບຖືເຂົາຢູ່ຕະຫຼອດຊີວິດ” ພ້ອມດຽວກັນນີ້, Danielle ສະຫຼຸບວ່າ: “ຄວາມຮູ້ສຶກຂອງຜູ້ເປັນເມຍມີບາງຄັ້ງຄາວ ອາດມີຄວາມ ຊັດ ເຈນກວ່າສິ່ງໃດໆ ”.
