ຍີ່ປຸ່ນອົບພະຍົບປະຊາຊົນ 240.000 ຄົນນອກຈາກເຂດນ້ຳຖ້ວມ
ຮຽບຮຽງໂດຍ: ລູກເມືອງພວນ
ອຳນາດການປົກຄອງ 3 ແຂວງຂອງຍີ່ປຸ່ນອອກຄຳສັ່ງຍົກຍ້າຍປະຊາຊົນ 240.000 ຄົນ ຢູ່ທາງທິດໃຕ້ ຂອງປະເທດອອກຈາກໄພນໍ້າຖ້ວມ ແລະ ດິນເຈື່ອນ.
ການຍົກຍ້າຍປະຊາຊົນມີຂຶ້ນພາຍຫຼັງມີການແຈ້ງ ເຕືອນຂອງອຸຕຸນິຍົມວ່າຈະ ມີລະດັບນໍ້າຂຶ້ນສູງ ຊຶ່ງອາດຈະເກີດໄພນໍ້າຖ້ວມ ແລະ ດິນເຈື່ອນຢູ່ບາງແຂວງ ໃນເຂດ Kyushu ທາງທິດຕາເວັນ ຕົກຂອງປະເທດໃນວັນທີ 28 ສິງຫານີ້. ດັ່ງນັ້ນ, ອຳນາດການປົກຄອງ 3 ແຂວງ Fukuoka, Saga ແລະ Nagasaki ຈຶ່ງໄດ້ ຍົກຍ້າຍປະຊາຊົນຈຳນວນ 240.000ຄົນອອກຈາກເຂດດັ່ງກ່າວ.
“ພວກເຮົາບໍ່ເຄີຍເຫັນຝົນຕົກໜັກແບບນີ້ຈັກເທື່ອ ຢູ່ໃນເຂດ ແຈ້ງເຕືອນເປັນ ພິເສດຂອງອຸຕຸນິຍົມ” ເຈົ້າໜ້າທີ່ອຸຕຸນິຍົມກ່າວ.“ ອັນນີ້ແມ່ນເຫດການທີ່ພວກ ເຮົາຕ້ອງເຮັດທຸກຢ່າງເພື່ອ ເອົາຊີວິດລອດ”.
ຢູ່ ເມືອງ Takeo, Saga ນໍ້າໄດ້ພັດເອົາລົດ ທີ່ກຳລັງແລ່ນຢູ່ໃນທ້ອງຖະ ໜົນໄຫຼໄປນຳແປວນໍ້າ, ຂະບວນລົດໄຟຢູ່ທາງເຂດພາກ ເໜືອ Kyushu ຖືກຢຸດຕິ ການແລ່ນ ແລະ ມີບາງສະຖາ ນີກໍໄດ້ປິດປະຕູໄວ້.
ໂທລະພາບທ້ອງຖິ່ນໄດ້ຖ່າຍທອດພາບນໍ້າຖ້ວມ ຂອງແມ່ນໍ້າລຳເຊສາຍຕ່າງໆ, ລົດຫຼາຍຄັນຖືກຈົມ ແລະ ທັບຖົມຢູ່ພື້ນຂີ້ຕົມ. ສະຖາ ນີລົດໄຟເມືອງ Saga ແລະ ຜູ້ໂດຍສານຖືກຕິດຢູ່ຕາມ ຕັ່ງນັ່ງ.
ອົງການອຸຕຸນິຍົມຂອງ ຍີ່ປຸ່ນໃຫ້ຮູ້ວ່າ: ພຽງແຕ່ຊົ່ວ ໂມງດຽວເທົ່ານັ້ນ, ຫຼາຍຕົວ ເມືອງຢູ່ Saga ແລະ Taku ນ້ຳໄດ້ສູງຂຶ້ນເຖິງ 120ມມ, ອຸຕຸນິຍົມຄາດວ່າ: ຢູ່ເຂດ Kanto Koshin ລວມທັງ Tokyo ແລະ Tokai ລະດັບ ນໍ້າຈະສູງເຖິງ 180ມມ.
ລັດຖະບານຍີ່ປຸ່ນເຄີຍ ຮຽກຮ້ອງໃຫ້ປະຊາຊົນຈົ່ງລະມັດລະວັງ ແລະ ເປັນເຈົ້າການປະຕິບັດຄຳສັ່ງອົບພະ ຍົບອອກຈາກເຂດນໍ້າຖ້ວມ. ໄພນໍ້າຖ້ວມປີກາຍນີ້, ກໍເຮັດໃຫ້ມີຜູ້ເສຍຊີວິດເຖິງ 200 ຄົນ, ເຮືອນຊານບ້ານຊ່ອງ ຖືກຈົມ ແລະ ທັບຖົມຢູ່ໃນຂີ້ ຕົມ, ຫຼາຍຄົນຕາຍຍ້ອນການ ອອກຄຳສັ່ງໃຫ້ຍົກຍ້າຍ ຊ້າເກີນໄປ ແລະ ມີຈຳນວນ ໜຶ່ງກໍບໍ່ຢາກປະຕິບັດ./.
