ຫວຽດນາມຈ່າຍ 4,3 ຕື້ໂດລາສະຫະລັດເພື່ອນຳເຂົ້າລົດ ແລະ ເຄື່ອງອາໄຫລ່

ຮຽບຮຽງໂດຍ: ລູກເມືອງພວນ

ອີງຕາມຂໍ້ມູນຂອງກະຊວງການຄ້າຂອງຫວຽດນາມໃຫ້ຮູ້ວ່າ: ໃນ 7 ເດືອນຕົ້ນປີນີ້, ຫວຽດນາມໄດ້ນຳເຂົ້າລົດໂອໂຕ ຈຳນວນ 87.000 ຄັນ.

ໃນນັ້ນ, ນຳເຂົ້າລົດ 9 ບ່ອນນັ່ງທົບ 5 ເທື່ອ ແລະ 4,6 ເທື່ອດ້ານມູນຄ່ານຳເຂົ້າທຽບໃສ່ໄລຍະດຽວກັນຂອງປີ 2018, ໝາຍຄວາມວ່ານຳ ເຂົ້າ ເກືອບ 64.427 ຄັນ, ໃນ ມູນຄ່າທັງໝົດ 1,2 ຕື້ໂດລາ ສະຫະລັດ. ນອກຈາກນີ້, ບັນ ດາບໍລິສັດຂອງຫວຽດນາມ ຍັງນຳເຂົ້າອຸປະກອນ, ເຄື່ອງ ອາໄຫຼ່ ໃນມູນຄ່າທັງໝົດ 2,4 ຕື້ໂດລາສະຫະລັດ. ໄລ່ລວມ 7 ເດືອນຕົ້ນປີຈ່າຍຫຼາຍກວ່າ 4,3 ຕື້ໂດລາສະຫະລັດ ເພື່ອ ນຳເຂົ້າລົດໂອໂຕ, ອຸປະກອນ ແລະ ເຄື່ອງອາໄຫຼ່ທຸກຊະ    ນິດ. ສະເພາະໃນເດືອນ ກໍລະ ກົດ, ມີລົດ 9 ບ່ອນນັ່ງ 9.500  ຄັນໄດ້ຮັບການນຳເຂົ້າແລ້ວ ໃນມູນຄ່າ 707 ລ້ານໂດລາ. ຖ້າຫາກລວມທັງໝົດລົດ ທຸກລຸ່ນທີ່ນຳເຂົ້າແມ່ນ 87.000 ຄັນ ໃນມູນຄ່າ 1,9 ຕື້ໂດລາ.

ໄທ ແລະ ອີນໂດເນເຊຍ ເປັນສອງປະເທດທີ່ຕອບ ສະໜອງນຳເຂົ້າລົດໃຫ້ຫວຽດນາມ, ໃນນັ້ນລົດທີ່ນຳເຂົ້າຈາກໄທ ຫຼາຍກ່ວາ 52.500 ຄັນ, ຈາກ ອິນໂດເນເຊຍ 24.155 ຄັນ. ໃນມູນຄ່ານຳເຂົ້າຈາກສອງແຫຼ່ງດັ່ງກ່າວມີ 1 ຕື້ໂດລາ ແລະ ຫຼາຍ ກວ່າ 342 ລ້ານໂດລາ.

ອີງຕາມຂໍ້ມູນການສະ ຫຼຸບ 6 ເດືອນຕົ້ນປີຂອງ ກົມ ພາສີນຳເຂົ້າຂອງກະຊວງການຄ້າຫວຽດນາມໃຫ້ຮູ້ວ່າ: ປະລິມານລົດນຳເຂົ້າ 6 ເດືອນຕົ້ນປີ 2019 ເພີ່ມ 500% ເທົ່າກັບປີ 2018 ທັງປີ. ການນຳເຂົ້າສະເລ່ຍແຕ່ລະເດືອນແມ່ນປະມານ 12.570 ຄັນ ທຽບເທົ່າກັບ ຕົວເລກສະເລ່ຍ 5 ເດືອນ ທ້າຍປີ 2018.

ຈຳນວນລົດນຳເຂົ້າແມ່ນ ເພີ່ມຂຶ້ນ ແຕ່ລາຄາສະເລ່ຍ ລົດແຕ່ລະປະເພດພັດຫຼຸດລົງ, ໃນນັ້ນລາຄານຳເຂົ້າສະເລ່ຍ, ລົດຕໍ່າກວ່າ 9 ນ່ອນນັ່ງຫຼຸດ 3.000 ໂດລາ, ຍັງເຫຼືອພຽງ 19.258 ໂດລາ.