ສະຫະລັດ ຈະບໍ່ອອກສັນຊາດໃຫ້ຊາວອົບພະຍົບ

ຮຽບຮຽງ​ໂດຍ: ລູກ​ເມືອງ​ພວນ

ທຳນຽບຂາວອອກປະກາດວ່າ: ຊາວອົບພະຍົບຈະ ໄດ້ຮັບກູປ໋ອງອາຫານ, ບັດປະກັນສຸຂະພາບ, ສະຫວັດ ດີການສັງຄົມ ແຕ່ຈະບໍ່ໄດ້ຮັບສິດເປັນພົນລະເມືອງສະຫະລັດ.

ວັນທີ 12 ສິງຫານີ້, ທຳນຽບຂາວປະກາດວ່າ: “ຊາວອົບພະຍົບ 22 ລ້ານ ຄົນທີ່ບໍ່ແມ່ນພົນລະເມືອງ ສະຫະລັດ ທີ່ກຳລັງນຳໃຊ້ ການບໍລິການຂອງລັດຈະບໍ່ໄດ້ຮັບບັດສີຂຽວ ຫຼື ສັນຊາດ ສະຫະລັດ”. ຊາວອົບພະຍົບຈະບໍ່ມີສິດໄດ້ຮັບ ວີຊ່າ ຖ້າ ເຂົາຫາກທຸກເກີນໄປທີ່ຕ້ອງການການຊ່ວຍເຫຼືອຈາກສັງຄົມ.

ລັດຖະບານ ປະທານາທິ ບໍດີ ດໍໂນທຣຳ ປະຕິເສດການຈະໃຫ້ສິດພັກເຊົາ ແລະ ເປັນ ພົນລະເມືອງສະຫະລັດຕໍ່ ຊາວອົບພະຍົບທີ່ໄດ້ຮັບກູປ໋ອງອາຫານ, ບັດປະກັນສຸຂະພາບ ແລະ ສະຫວັດດີການອື່ນໆ. ການກຳນົດແບບນີ້, ອາດ ຈະເຮັດໃຫ້ຄວາມຫວັງທີ່ຈະໄດ້ຮັບສັນຊາດສະຫະລັດ ຂອງຊາວອົບພະຍົບຫຼາຍ ລ້ານຄົນທີ່ມີເຊື້ອຊາດຈີນ, ອາເມລິກາໃຕ້ ທີ່ກຳລັງ ເຮັດວຽກດ້ວຍຄ່າແຮງງານຕໍ່າ ເຊິ່ງອາໄສແຕ່ການບໍລິການ ສາທາລະນະລັດນັ້ນໝົດໄປ.

ໃນຄຳປະກາດຂອງທຳນຽບຂາວໃຫ້ຮູ້ຕື່ມວ່າ: “ ເພື່ອ ປົກປ້ອງໃຫ້ພົນລະເມືອງຂອງສະຫະລັດ, ຊາວອົບພະ ຍົບຕ້ອງກຸ້ມຕົນເອງທາງ ດ້ານການເງິນ ”

ນະໂຍບາຍແບບນີ້ຂອງສະຫະລັດແມ່ນ ‘ບາດຄ້ອນ’ ໃໝ່ຂອງລັດຖະບານ ທຣຳ ຕໍ່ກັບຊາວອົບພະຍົບ. ກ່ອນ ໜ້ານີ້, ລັດຖະບານ ສະຫະ ລັດ ໄດ້ພະຍາຍາມປາບປາມ ຊາວອົບພະຍົບທີ່ຂ້າມທະເລມາ, ຈັບກຸມຄຸມຂັງ ແລະ ສົ່ງ ກັບຄືນປະເທດປະມານ 10,5 ລ້ານຄົນທີ່ອົບພະຍົບຜິດກົດໝາຍເຂົ້າມາໃນສະຫະລັດ.

ນັກເຄື່ອນໄຫວທີ່ສະໜັບສະໜູນຊາວອົບພະຍົບໄດ້ປະກາດວ່າ: ຈະຍື່ນຄຳຄັດຄ້ານ ຕໍ່ນະໂຍບາຍໃໝ່ຂອງສະຫະລັດ, ໃນຂະນະດຽວ ພັກ ປະຊາທິປັດໄຕໃຫ້ຮູ້ວ່າ: ຈະ ຕ້ານຄືນຕໍ່ກັບ “ນະໂຍບາຍ ໃໝ່ຂອງ ທຣຳ ທີ່ມີການຈຳແນກເຊື້ອຊາດ”. ທ່ານ Marielena Hincapie ຜູ້ອຳນວຍການຈັດການສູນ ບໍລິການກົດໝາຍຕໍ່ຊາວອົບພະຍົບແຫ່ງຊາດ, ເອີ້ນນະ ໂຍບາຍດັ່ງກ່າວນີ້ວ່າ: “ບາດ ກ້າວໃໝ່ຫາຍຍະນະ” ແລະ ຍັງໄດ້ປະກາດແຜນຈະຮ້ອງຟ້ອງຕື່ມອີກ.

ໃນຂະນະດຽວກັນນັ້ນ, ທຳນຽບຂາວເວົ້າວ່າ: “ຈຳນວນຊາວອົບພະຍົບຫຼາຍ ເກີນໄປ” ພວກເຂົາ “ໄດ້ ສວຍໃຊ້ສະຫວັດດີການສາ ທາລະນະ ແບບໃຈກ້ວາງ” ຂອງສະຫະລັດ ແລະ ການ ຕອບສະໜອງກໍນັບມື້ຈຳ ກັດລົງ, ອາດຈະສ້າງຄວາມ ເສຍຫາຍໃຫ້ພົນລະເມືອງສະຫະລັດ. ທຳນຽບຂາວຍັງໃຫ້ຮູ້ອີກວ່າ: 50% ຂອງ ຄອບຄົວທີ່ບໍ່ແມ່ນພົນລະ ເມືອງອາເມລິກາ, ຢ່າງໜ້ອຍ ມີໜຶ່ງຄົນທີ່ນຳໃຊ້ໂຄງການ ປະກັນສັງຄົມຂອງລັດຖະ ບານສະຫະລັດ ແລະ 78% ຂອງຄອບຄົວທີ່ບໍ່ແມ່ນພົນ ລະເມືອງຂອງສະຫະລັດ, ຢ່າງໜ້ອຍມີໜຶ່ງຄົນກຳລັງ ນຳໃຊ້ໂຄງການສະຫວັດ ດີການສັງຄົມການສຶກສາຊັ້ນມັດທະຍົມ.

ທ່ານ Ken Cuccinelli ຫົວໜ້າອົງການອົບພະຍົບ ແລະ ໃຫ້ສັນຊາດສະຫະລັດກ່າວວ່າ: “ໂດຍຫຼັກການຄວາມຮັບຜິດຊອບຂອງຊຸມ ຊົນແລ້ວ, ລັດຖະບານປະທານາທິບໍດີ ທຣຳ ກຳລັງປັບປຸງແນວຄວາມຄິດກຸ້ມຕົນເອງເພິ່ງຕົນເອງ ແລະ ຄວາມຮັບຜິດຊອບຂອງບຸກ ຄົນ, ເພື່ອຮັບປະກັນໃຫ້ຊາວ ອົບພະຍົບອາດຈະເພິ່ງຕົນເອງໄດ້ ແລະ ມີຜົນສຳເລັດ ຢູ່ໃນສະຫະລັດ”