ອາຊຽນອາດຈະປຶກສາຫາລືກ່ຽວກັບທະເລຈີນໃຕ້ກັບລັດຖະມົນຕີຕ່າງປະເທດສະຫະລັດ

ຮຽບຮຽງໂດຍ: ລູກເມືອງພວນ

ລັດຖະມົນຕີກະຊວງການຕ່າງປະເທດສະຫະລັດ Pompeo ຈະຢຶດໝັ້ນຄຳໝັ້ນສັນຍາເກົ່າ ຖ້າຫາກໄດ້ ເຂົ້າຮ່ວມກອງປະຊຸມກັບບັນດາລັດຖະມົນຕີກະຊວງການຕ່າງປະເທດຂອງອາຊຽນທີ່ ຈະຈັດຂຶ້ນຢູ່ທີ່ ບັງກອກປະ ເທດໄທ.

ວັນທີ 29 ກໍລະກົດຜ່ານມານີ້, ກອງປະຊຸມລັດຖະ ມົນຕີກະຊວງການຕ່າງປະເທດ ອາຊຽນຄັ້ງທີ 52 (AMM-52) ໄດ້ເປີດຂຶ້ນ ຢູ່ ບັງກອກ ປະເທດໄທ, ໂດຍ ການເຂົ້າຮ່ວມຂອງຜູ້ຕາງໜ້າຫຼາຍກວ່າ 30 ປະເທດ, ໃນນັ້ນມີລັດ ຖະມົນຕີກະຊວງ ການຕ່າງປະເທດສະຫະລັດ Mike Pompeo.

ເຈົ້າໜ້າທີ່ຂອງໄທຄົນໜຶ່ງທີ່ບໍ່ປະສົງອອກຊື່ໃຫ້ຮູ້ວ່າ: ອາຊຽນ “ຈະອະນຸຍາດ ໃຫ້ບັນດາປະເທດປຶກສາຫາ ລືກ່ຽວກັບຄວາມເປັນຫວ່ງທີ່ເກີດຂຶ້ນຢູ່ທະເລຈີນໃຕ້”. ເຈົ້າໜ້າທີ່ຄົນດັ່ງກ່າວເວົ້າອີກວ່າ: “ພວກເຮົາຈະໃຊ້ເວ ທີນີ້ເພື່ອຊອກຫາວິທີການ ຫລຸດຜ່ອນຄວາມເຄັ່ງຕຶງ, ສ້າງຄວາມເຊື່ອໝັ້ນ, ຊອກ ຫາວິທີການທີ່ອາດຈະເປັນໄປໄດ້ ”

ເຈົ້າໜ້າທີ່ຄົນໜຶ່ງຂອງສະຫະລັດ ກໍຢືນຢັນວ່າ: ວໍຊິງຕັນຈະປຶກສາຫາລືບັນຫາທະເລຈີນໃຕ້ຢູ່ໃນເວທີກອງປະຊຸມນີ້ ທ່ານ Pompeo  ໄປເຖິງບັງກອກໃນວັນທີ 30 ກໍລະກົດນີ້, ເພື່ອຢືນຢັນຄືນກ່ຽວກັບທັດສະນະຂອງສະຫະລັດຕໍ່ກັບ ອາຊຽນ. ຫຼັງຈາກນັ້ນຈະເຂົ້າຮ່ວມກອງປະຊຸມລັດຖະມົນຕີອາເມລິກາ – ອາຊຽນ ແລະ ລັດຖະມົນຕີບັນດາປະເທດ ແມ່ນໍ້າ ຂອງຕອນໃຕ້(LMI) ຄັ້ງທີ 12 ໃນວັນທີ 1 ສິງຫາ.

ວັນທີ 2 ສິງຫາ, ທ່ານ Pompeo ຈະປາໄສຕໍ່ສາ ມະຄົມຊຽມ ແລະ ການເຂົ້າຮ່ວມທາງດ້ານເສດຖະກິດ ຂອງສະຫະລັດຢູ່ໃນຂົງເຂດ ອາຊີ-ປາຊີຟິກ. ນອກຈາກນີ້, ທ່ານຍັງຈະເຂົ້າຮ່ວມກອງປະຊຸມສຸດຍອດອາຊີຕາເວັນ ອອກ ແລະ ເວທີ ພາກພື້ນອາຊຽນ ຕື່ມອີກ.

ກອງປະຊຸມຕ່າງໆເຊັ່ນ: ກອງປະຊຸມລັດຖະມົນຕີກະ ຊວງການຕ່າງປະເທດອາ ຊຽນ + 3( ASEAN+3 (APT)), ກອງປະຊຸມລະດັບສູງອາຊີຕາເວັນອອກ (EAS) ແລະ ເວທີ ພາກພື້ນ ອາຊຽນ ຄັ້ງທີ 26 (ARF) ຈະດຳເນີນໄປແຕ່ວັນທີ 29 ກໍ ລະກົດ ຫາ ວັນທີ 3 ສິງຫາ.

ວັນທີ 20 ກໍລະກົດຜ່ານ ມານີ້, ລັດຖະມົນຕີກະຊວງ ການຕ່າງປະເທດຂອງສະຫະ ລັດໄດ້ອອກແຈ້ງການສະບັບ ໜຶ່ງສະແດງເຖິງຄວາມເປັນ ຫ່ວງຕໍ່ກັບບົດລາຍງານວ່າ: ປັກກິງເຄື່ອນໄຫວຂຸດຄົ້ນນໍ້ າມັນໃນຂົງເຂດຂັດແຍ່ງ, ລວມທັງມີການສຳຫຼວດ ເຂດພື້ນທີ່ທີ່ຫວຽດນາມ ສຳຫຼວດ ແລະ ຂຸດຄົ້ນມາ ກ່ອນແລ້ວ. ປະທານຄະນະ ກຳມະການຕ່າງປະເທດ ຂອງ ສະພາຕໍ່າ ສະຫະລັດ Eliot L. Engel ໄດ້ຮຽກຮ້ອງໃຫ້ຈີນ ຢຸດຕິທັນທີການລ່ວງລະເມີດອະທິປະໄຕທີ່ຖືກຕ້ອງຕາມກົດໝາຍຂອງຫວຽດນາມ,  ຕິຕຽນປັກກິງບໍ່ນັບຖືກົດໝາຍຂອງສາກົນ.