ນັກກິລາເທຄວັນໂດລາວຄວ້າ 1 ຫລຽນຄຳ 1 ຫລຽນທອງ ໃນການແຂ່ງຂັນເທຄວັນໂດ ທີ່ມາເລເຊຍ!!!

ການແຂ່ງຂັນເທຄວັນ ໂດລະດັບສາກົນລາຍການ: The Sarawak Chief Minister Borneo Cup International Taekwondo (WTF) championship ເຊິ່ງຈັດຂຶ້ນທີ່ເມືອງ Kuching ລັດລາຊາວັກ ປະເທດມາເລເຊຍ ໃນວັນທີ 20-21 ກໍລະກົດ 2019 ທີ່ ຜ່ານມາ ນັກກິລາເທຄວັນ ໂດລາວ ສ້າງຜົນງານໂດດ ເດັ່ນ ໂດຍການ ຄວ້າ 1 ຫຼຽນ ຄຳ ຈາກ ທ້າວສິດທິກອນ ສໍພາບມີໄຊ ແລະ 1 ຫຼຽນ ທອງແດງ ຈາກ ທ້າວພູວິໄລ ຍົມມະລາດ.

ການແຂ່ງ ຂັນໃນຄັ້ງ ນີ້ມີນັກກິລາເຂົ້າຮ່ວມທັງໝົດ 600 ກວ່າຄົນ ຈາກ 20 ປະເທດເຂົ້າຮ່ວມ ໃນນັ້ນປະ ເທດ ລາວ ສົ່ງນັກກິລາ ເຂົ້າຮ່ວມ 2 ຄົນໃນປະເພດການແຂ່ງຂັນຕໍ່ສູ້ ຄຽວຣູກິ (Gyeo- rugi) ໂດຍທ້າວພູວິໄລ ຍົມ ມະລາດ ລົງແຂ່ງຂັນໃນລຸ້ນ ນ້ຳໜັກ 58 ກິໂລກຼາມສ່ວນ ທ້າວສິດທິກອນ ສໍພາບມີໄຊ ລົງແຂ່ງຂັນໃນລຸ້ນນ້້ຳ68 ກິໂລກຼາມ ເຊິ່ງທັງສອງສັງ ກັດຢູ່ທີ່ສະໂມສອນ Tiger junior ທີ່ຜ່ານການຄັດເລືອກຈາກສະຫະພັນເທຄວັນໂດ້ ແຫ່ງຊາດລາວ ເພື່ອເປັນຕົວ ແທນຂອງປະເທດເຂົ້າຮ່ວມ ແຂ່ງຂັນທີ່ປະເທດມາເລເຊຍ ໃນຄັ້ງນີ້.

ຫຼຽນຄຳໄດ້ຈາກ ລຸ້ນນ້ຳ ໜັກ 68 ກິໂລກຼາມໂດຍ ທ້າວ ສິດທິກອນ ສໍພາບມີໄຊ ເຊິ່ງໃນລຸ້ນມີທັງໝົດມີ 6 ຄົນ ໃນ ຮອບຮອງຊະນະເລີດຊະນະ ນັກກິລາຈາກປະເທດອິນໂດເນເຊຍ ແລະ ໃນຮອບຊິງຊະນະເລີດສາມາດເອົາຊະນະນັກກິລາຈາກປະເທດອົດ ສະຕຣາລີ 21-4 ຄະແນນສົ່ງຜົນໃຫ້ ຄວ້າຫຼຽນຄຳໃນລຸ້ນ 68 ກິໂລກຼາມໄປຄອງສ່ວນທາງດ້ານຂອງ  ທ້າວ ພູວິໄນ ຍົມມະລາດ ທີ່ລົງແຂ່ງຂັນໃນລຸ້ນ 58 ກິໂລກຼາມ ມາໄກໄດ້ພຽງແຕ່ຮອບ 8 ຄົນສຸດທ້າຍ ຄວ້າຫຼຽນທອງ ແດງ ໄປຄອງ.

ການແຂ່ງຂັນໃນຄັ້ງນີ້ ກໍຍັງມີຜູ້ຕັດສິນຊີ້ຂາດພຽງ ຄົນດຽວຂອງປະເທດລາວ ກໍຄື: ທ່ານອາຈານ ຈັນທະວົງ ປັນຍາສິຣິ ເຊິ່ງເປັນຜູ້ຕັດສິນເທຄວັນໂດ້ລະດັບສາກົນ ພ້ອມກັນນັ້ນກໍຍັງເປັນ ເລຂາທິການສະຫະພັນເທຄວັນໂດ້ແຫ່ງຊາດລາວ ອີກດ້ວຍ

ສ່ວນໂປຣແກຣມການແຂ່ງຂັນໃນຄັ້ງຕໍ່ໄປ ນັກກິລາ ເທຄວັນໂດ້ລາວ ຈະເດີນທາງໄປຮ່ວມການແຂ່ງຂັນລາຍ ການນາໆຊາດທີ່ດານັງ ປະເທດຫວຽດນາມ ໃນວັນທີ 24-25 ສິງຫາ 2019 ທີ່ຈະມາເຖີງນີ້.