ສ.ເກົາຫລີ ມີໂຮງຮຽນປະຖົມເກືອບ 1.500 ແຫ່ງມີທ່າອ່ຽງຖືກປິດປະຕູ

ຮຽບຮຽງໂດຍ: ລູກເມືອງພວນ

ມີປະມານ 20% ຂອງ ໂຮງຮຽນປະຖົມຢູ່ ສ. ເກົາຫຼີ ບໍ່ມີນັກຮຽນພຽງພໍທີ່ຈະດຳເນີນການຮຽນ-ການສອນ ໄດ້, ນັກຮຽນນັບມື້ໜ້ອຍລົງ, ປະຊາຊົນກໍ່ເຂົ້າໄປຢູ່ໃນເມືອງໃຫຍ່ນັບມື້ນັບຫຼາຍຂຶ້ນ.

ອີງຕາມການວິໄຈຂອງສະຖາບັນພັດທະນາການສຶກສາ ສ. ເກົາຫຼີ ໃຫ້ຮູ້ວ່າ: ທົ່ວປະເທດ ມີໂຮງຮຽນປະຖົມ 6.285 ແຫ່ງ, ໃນນັ້ນມີ 1.437 ແຫ່ງມີນັກຮຽນບໍ່  ເຖິງ 60 ຄົນ.

ສະເພາະຢູ່ແຂວງ Nam Jeolla, ຕົວເລກດັ່ງກ່າວ (ນັກຮຽນຫຼຸດ 60 ຄົນ) ມີເຖິງ 49% ຄື: ແຂວງ Gangwon ມີ 48%, ແຂວງ Gyeongsang ມີ 44% ແລະ ແຂວງ Bac Jeolla ມີ 43%.

ກະຊວງສຶກສາຂອງ ສ. ເກົາຫຼີ ມີກຳນົດວ່າ: ຕົວເລກ 60 ແມ່ນຕົວເລກທີ ຕໍ່າສຸດ ແລ້ວ, ຖ້າໂຮງຮຽນໃດຫາກ ມີນັກຮຽນໜ້ອຍກ່ວານັ້ນ ຈະ ສະເໜີໃຫ້ປິດໂຮງຮຽນ ຫຼື ອັດປະຕູໂຮງຮຽນ ຫຼື ອາດຈະ ຍຸບເຂົ້າກັບໂຮງຮຽນອື່ນ.

ຖ້າຢູ່ເຂດໃດຫາກມີໂຮງຮຽນຈຳນວນໜ້ອຍຕົກຢູ່ໃນສະພາບມີນັກຮຽນຫຼຸດ 60 ຄົນ, ກະຊວງສຶກສາຍັງສາ ມາດອະນຸຍາດໃຫ້ເຄື່ອນ ໄຫວໄດ້ຕາມປົກກະຕິ, ແຕ່ວ່າສະພາບນັກຮຽນນັບ ມື້ນັບ ໜ້ອຍລົງ.

ສະຖາບັນສະຖິຕິຂອງ ສ. ເກົາຫຼີ ຄາດຄະເນວ່າເດັກອາຍຸແຕ່ 6 ຫາ 17 ປີນັບມື້ນັບຫຼຸດລົງຍັງເຫຼືອພຽງ 2/3  ຖ້າ ທຽບປັດຈຸບັນໃສ່ ອີກສອງຮຸ່ນຄົນໃນຕໍ່ໜ້ານີ້, ໝາຍຄວາມວ່າ ຈະຫຼຸດລົງ 12% ຂອງພົນລະເມືອງໃນປີ 2017 ຍັງຫຼືອພຽງ 8% ໃນປີ 2065. ໝາຍຄວາມວ່າ, ເດັກນ້ອຍໃນຊົນນະບົດ ຫຼື ເດັກນ້ອຍຢູ່ໃນຕົວເມືອງນ້ອຍຈະ ຕ້ອງໄດ້ຍ່າງໄປຮຽນໄລຍະທາງ 10 ກິໂລແມັດ ແລະ ຈະໄດ້ຄວບຫ້ອງເຂົ້າໃສ່ກັນ, ໜ້າວຽກຂອງຄູກໍ່ຈະມີ ຄວາມຫຍຸ້ງຍາກຂຶ້ນກວ່າ ເກົ່າຫຼາຍເທົ່າ.