ໄຕ້ຫວັນ ຈັບຊາວຫວຽດນາມເຂົ້າເມືອງຜິດກົດໝາຍ

ຮຽບຮຽງໂດຍ: ລູກເມືອງພວນ

ອີງຕາມແຫຼ່ງຂ່າວຈາກ vnExpress ໃຫ້ຮູ້ວ່າ, ໄຕ້ຫວັນ ໄດ້ພົບເຫັນຊາວຫວຽດນາມຈຳພວກໜຶ່ງ ໃນເຮືອຫາປາລຳໜຶ່ງທີ່ກຳລັງມຸ່ງໜ້າເຂົ້າໄປໃນ ໄຕ້ຫວັນ, ໂດຍຄົນຈຳພວກນີ້ບໍ່ມີເອກະສານຫຍັງຕິດໂຕເລີຍ.

ວັນທີ 13 ກໍລະກົດ ຜ່ານມານີ້, ໜ່ວຍລາດຕະເວນຂອງໄຕ້ຫວັນ (CGA) ໃຫ້ຮູ້ວ່າ: ພາຍຫຼັງໄດ້ຮັບຂໍ້ມູນຂ່າວສານວ່າມີເຄືອຂ່າຍຄ້າມະນຸດຈະຂົນເອົາກຳມະກອນຊາວຫວຽດນາມເຂົ້າໄປໃນໄຕ້ຫວັນ, ພວກເຂົາກໍ່ໄດ້ກັກເຮືອຫາປາລຳດັ່ງກ່າວຢູ່ຊາຍຝັ່ງ ດາຍນາມ.

ໃນເຮືອລຳດັ່ງກ່າວມີຊາວ ຫວຽດນາມ 14 ຄົນ ແລະ ຄົນ ໄຕ້ຫວັນ ອີກ 3 ຄົນເປັນແກ້ງສົ່ງຄົນເຂົ້າເມືອງຜິດກົດໝາຍ. ຊາວຫວຽດນາມຈຳພວກນີ້ມີ ຜູ້ຊາຍ 8 ຄົນ ແລະ ຜູ້ຍິງ 6 ຄົນ ເພື່ອເຂົ້າໄປອອກແຮງງານແບບ “ ລັບລີ້ ” . ປັດຈຸບັນກຳລັງຖືກກັກຕົວເພື່ອສອບສວນ ແລະ ຈະມອບສົ່ງໃຫ້ກົມອົບພະຍົບຂອງ ໄຕ້ຫວັນ (NIA) ເພື່ອພັກດັນໃຫ້ກັບຄືນປະເທດ.

ໃນເດືອນ ມີຖຸນາຜ່ານມາ, ໄຕ້ຫວັນ ກໍ່ໄດ້ຈັບຊາວຫວຽດນາມ19 ຄົນ ແຝງຕົວເປັນນັກທ່ອງທ່ຽວ ເພື່ອເຂົ້າໄປໃນ ໄຕ້ຫວັນ ໂດຍບໍ່ຖືກຕ້ອງຕາມກົດໝາຍ.

ໃນລະຫ່ວາງເດືອນມັງກອນ ຜ່ານມາ, ໄຕ້ຫວັນ ກໍ່ຈັບຊາວຫວຽດນາມ 40 ຄົນຢູ່ໃນເຮືອຫາປາລຳໜຶ່ງ ໂດຍບໍ່ມີເອກະສານໃດໆ. ພວກເຂົາຕ້ອງໄດ້ຈ່າຍເງິນ 7.000 ໂດລາ ເພື່ອໃຫ້ໄດ້ເຂົ້າໄປໃນ ໄຕ້ຫວັນ.

ກົມພະຍົບ NIA ໄດ້ເຕືອນໃຫ້ບັນດາບໍລິສັດຂອງ ໄຕ້ຫວັນ ຊາບວ່າ: ຖ້າບໍລິສັດໃດຫາກເອົາຄົນເຂົ້າຮົງກົງຜິດກົດໝາຍອາດຈະຖືກປັບໄໝ 150.000 ຫາ 750.000 TWD ຫຼື ເທົ່າກັບ 4.700 – 23.800 USD.