ຫລວງນ້ຳທາຂຸ້ນຂ້ຽວມ້ຽນມັດເຂົ້ານາແຊງ ແລະ ຕົກກ້ານາປີ

ຫ້ອງການກະສິກກຳ ແລະ  ປ່າໄມ້ ເມືອງຫລວງນ້ຳທາໃຫ້ຮູ້ ວ່າ: ການມ້ຽນມັດເຂົ້ານາແຊງຂອງກະສິກອນ ເມືອງຫລວງນ້ຳ ທາ, ເຊິ່ງເປັນເມືອງທີ່ມີເນື້ອທີ່ ຜະລິດເຂົ້ານາແຊງຫລາຍກວ່າ ເມືອງອື່ນໆມີ 141 ເຮັກຕາມາຮອດປັດຈຸບັນສາມາດເກັບກ່ຽວ  ແລ້ວ 40%, ຄາດວ່າຈະໃຫ້ສຳ ເລັດໃນທ້າຍເດືອນມີຖຸນານີ້,  ແລະ ໄປຄຽງຄູ່ກັບການປູກເຂົ້ານາແຊງແລ້ວຊາວເມືອງດັ່ງກ່າວ ພວມຂຸ້ນຂ້ຽວປູກເຂົ້າ ນາປີຢ່າງເປັນຂະບວນກວ້າງ ຂວາງ ເຊິ່ງມາຮອດປັດຈຸບັນ ຕົກກ້າສຳເລັດ ແລ້ວ 80%  ໃນເນື້ອທີ່ 3.936 ເຮັກຕາ, ຄາດ ວ່າຈະ ໃຫ້ໄດ້ປັກດຳສຳເລັດ 100% ໃນທ້າຍເດືອນກໍລະກົດນີ້. ຮອງຫົວໜ້າຫ້ອງການກະສິກຳ ແລະ ປ່າໄມ້ເມືອງ ຫລວງນ້ຳທາ ໃຫ້ຮູ້ຕື່ມວ່າ: ວັນທີ 1 ມີຖຸນາປີນີ້ ທາງຫ້ອງການກະສິກຳ ແລະ ປ່າໄມ້ເມືອງຫລວງນ້ຳທາໄດ້ສົມທົບກັບ ຂະແໜງປູກ ຝັງກະ ສິກຳ ແລະ ປ່າໄມ້ແຂວງກຽມເບ້ຍໄມ້ ໄວ້ແລ້ວ 200 ກວ່າເບ້ຍ ເພື່ອຈະນຳໄປປູກໃນວັນປູກຕົ້ນໄມ້ແຫ່ງຊາດເຂດສະໜາມ ກິລາທະຫານ ແຂວງຫລວງນ້ຳທາ ແລະ ຕາມສຳນັກງານອົງການ ແລະ ແຄມເສັ້ນທາງ ຕ່າງໆພ້ອມວາງແຜນຟື້ນຟູປ່າແບບ ຍືນຍົງໃຫ້ໄດ້ຕື່ມອີກ 10 ເຮັກຕາໂດຍການຊ່ວຍເຫລືອຂອງ ສປ ຈີນ.