ອຸຕຸເຕືອນໃຫ້ກຽມຮັບມືຝົນຈະຕົກໜັກໃນເດືອນນີ້

ກົມອຸຕຸນິຍົມ ແລະ ອຸທົກກະສາດ ໄດ້ເຕືອນໃຫ້ປະຊາຊົນມີຄວາມ
ກຽມພ້ອມຮັບມືກັບສະພາບຝົນຕົກໜັກຕະຫລອດເດືອນກໍລະກົດນີ້ ແລະ ອາດ
ມີຝົນຕົກຕິດຕໍ່ແກ່ຍາວໄປຮອດເດືອນສິງຫາ ແລະ ກັນຍາ 2019, ຫລັງຈາກ
ເຫັນວ່າ: ນັບແຕ່ຕົ້ນເດືອນກໍລະກົດມານີ້, ຄວາມກົດດັນອາກາດຕໍ່າໄດ້ກໍ່ຕົວຂຶ້ນ
ຢູ່ເຂດທະເລຈີນໃຕ້ຕອນເທິງ ແລະ ຈະມີກໍາລັງແຮງຂຶ້ນເປັນພະຍຸໝູນເຂດຮ້ອນ ແລະ ມີທ່າອ່ຽງຈະເຄື່ອນທີ່ຜ່ານເກາະໄຮໜໍາ ແລະ ເຄື່ອນຜ່ານພາກເໜືອຂອງ
ປະເທດຫວຽດນາມ, ພ້ອມດຽວກັນນັ້ນກະແສລົມມໍລະສຸມຕາເວັນຕົກສຽງໃຕ້ພັດ
ປົກຄຸມທົ່ວທຸກພາກຂອງປະເທດລາວດ້ວຍກໍາລັງແຮງ, ຊຶ່ງເຮັດໃຫ້ມີຝົນຕົກໃນ
ດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກຢູ່ບາງທ້ອງຖິ່ນແຂວງ
ພາກເໜືອດ້ານຕາເວັນອອກລົງຫາພາກກາງ ແລະ ພາກໃຕ້ ແລະ ນັບແຕ່ກາງ
ເດືອນກໍລະກົດເປັນຕົ້ນໄປ ບໍລິເວນຄວາມກົດດັນອາກາດຕໍ່າຈະປົກຄຸມຢູ່ທົ່ວທຸກ
ພາກຂອງປະເທດລາວ ແລະ ສົມທົບກັບກະແສລົມມໍລະສຸມຕາເວັນຕົກສຽງໃຕ້
ພັດປົກຄຸມດ້ວຍກໍາລັງອ່ອນ, ຊຶ່ງຈະເຮັດໃຫ້ມີຝົນຕົກໜ້ອຍໃນແຕ່ລະພາກ ແລະ ອາກາດຮ້ອນ, ໂດຍສະເພາະເຂດພາກກາງ, ພາກໃຕ້ ແລະ ໃນໄລຍະທ້າຍ
ເດືອນກໍລະກົດ ຮ່ອງຄວາມກົດດັນອາກາດຕໍ່າຈະເຄື່ອນທີ່ພາດຜ່ານເຂດພາກ
ເໜືອ ແລະ ພາກກາງຂອງປະເທດ ສົມທົບກັບກະແສລົມມໍລະສຸມຕາເວັນຕົກ
ສຽງໃຕ້ພັດປົກຄຸມ, ຊຶ່ງຈະເຮັດໃຫ້ມີຝົນຕົກຫລາຍເພີ່ມຂຶ້ນໃນແຕ່ລະພາກ ແລະ ຕົກໃນລະດັບປານກາງຫາໜັກຢູ່ບາງທ້ອງຖິ່ນແຂວງພາກເໜືອ ແລະ ພາກ
ກາງ. ດັ່ງນັ້ນຈຶ່ງເຕືອນໃຫ້ປະຊາຊົນບັນດາເຜົ່າມີຄວາມກຽມພ້ອມຮັບມືກັບສະ
ພາບຝົນຕົກແກ່ຍາວດັ່ງກ່າວ ເພື່ອຫລີກລ້ຽງຄວາມອັນຕະລາຍຕໍ່ສຸຂະພາບ, ຊີ
ວິດ ແລະ ວັດຖຸຊັບສີນຕ່າງໆ ທີ່ເກີດຈາກສະພາບການປ່ຽນແປງຂອງດິນຟ້າ
ອາກາດໃນໄລຍະນີ້, ພ້ອມທັງຕິດຕາມຂ່າວພະຍາກອນອາກາດເປັນປະຈໍາ
ຈາກຂ່າວອຸຕຸນິຍົມ.