ຄລາວພລາຊາຖືນະໂຍບາຍຕໍ່ພະນັກງານເປັນສຳຄັນ

ໂຮງແຮມຄລາວພລາຊາ ວຽງຈັນ (CROWNE PLA ZA VIENTIANE) ເປັນ ໂຮງ ແຮມລະດັບ 5 ດາວທີ່ມີຄວາມຫລູຫລາ ຕັ້ງຢູ່ໃຈກາງນະຄອນຫລວງວຽງຈັນ, ເຊິ່ງນອກຈາກເປັນໂຮງແຮມທີ່ມີເຄື່ອງໝາຍ ການຄ້າທີ່ສາກົນຮັບຮູ້ມາດົນນານ ແລ້ວ, ສະຖານທີ່ຫລູຫລານີ້ຍັງຖືພະນັກງານເໝືອນກັບສະມາຊິກໃນຄອບຄົວທີ່ອົບອຸ່ນ ແລະ ນັ້ນກໍຄືຈຸດເລີ່ມຕົ້ນ ແລະ ທີ່ມາຂອງກິດ ຈະກໍາຜູກມິດຮັກແພງ ສາມັກຄີລະຫວ່າງຜູ້ບໍລິຫານ ແລະ ພະນັກງານດ້ວຍກັນ.

ທ່ານ ອໍລິເວີຮອນ ຜູ້ອຳນວຍການໃຫ່ຍໂຮງແຮມໄດ້ໃຫ້ສໍາພາດນັກຂ່າວໃນໂອກາດຮ່ວມເຮັດກິດຈະກໍາສ້າງສາມັກຄີຮັກ ແພງກັບພະນັກງານເມື່ອບໍ່ດົນນີ້ວ່າ: ກິດຈະກໍານີ້ພວກເຮົາຖືວ່າ ເປັນການຕອບແທນພະນັກງານ, ໂດຍທຸກໆໂຮງແຮມຂອງກຸ່ມ ໂຮງແຮມອິນເຕີຄອນທິເນັນໂທລໂຮເທວ (IHG) ທົ່ວໂລກແມ່ນພາກັນເຮັດກິດຈະກໍານີ້ຢ່າງ ພ້ອມພຽງເພື່ອເປັນການຂອບ ໃຈທີ່ພວກເຂົາໄດ້ເອົາໃຈໃສ່ຕໍ່ ວຽກງານກໍຄືການບໍລິການ ທີ່ດີເລີດຕໍ່ແຂກທີ່ມາພັກເຊົາ, ເຊິ່ງກິດຈະກໍາດັ່ງກ່າວຈັດຂຶ້ນເປັນເວລາ ໜຶ່ງອາທິດ, ໂດຍວັນຈັນເຊິ່ງ ເປັນມື້ທຳອິດແມ່ນໄດ້ເສີບອາຫານເຊົ້າ ແລະ ຕອນແລງແມ່ນເສີບກະແລ້ມໃຫ້ກັບພະນັກງານ ທຸກຄົນ, ມື້ທີ 2 ແມ່ນໃຫ້ບໍລິການ ນວດແບບບໍ່ເສຍຄ່າແກ່ທີມງານ ແລະ ເບິ່ງຮູບເງົາ ເພື່ອຄວາມ ຜ່ອນຄາຍ. ສໍາລັບມື້ທີ 3 ແມ່ນມີກິດຈະກຳອອກກຳລັງກາຍ, ພ້ອມຮັບປະທານອາຫານຫວ່າງ. ສ່ວນມື້ທີ 4 ມີກິດຈະກຳໃຫ້ທີມ ງານຫົວໜ້າ ແລະ ຜູ້ບໍລິຫານ ໄປເຮັດວຽກແທນພະນັກງານ ຕາມພະແນກຕ່າງໆ ຕົວຢ່າງ: ຫົວໜ້າຮັບຜິດຊອບຫ້ອງອາ ຫານແມ່ນປ່ຽນໄປເສີບ, ຫົວໜ້າ ຮັບຜິດຊອບຫ້ອງພັກປ່ຽນໄປ ເຮັດວຽກແມ່ບ້ານເປັນເວລາໜຶ່ງມື້, ເພື່ອໃຫ້ຜູ້ຮັບຜິດຊອບ ຫລື ຜູ້ບໍລິຫານສາມາດເຂົ້າໃຈສິ່ງ ຕ່າງໆທີ່ພະນັກງານຂອງເຂົາເຈົ້າໄດ້ພົບພໍ້ແຕ່ລະວັນ.

ທ່ານ ອໍລິເວີ ຮອນກ່າວວ່າ: ພວກເຮົາໄດ້ມອບໂອກາດເພື່ອໃຫ້ພະນັກງານມີຄວາມເຕີບໃຫ່ຍກ້າວໜ້າວຽກງານເຊັ່ນ: ທຸກທີມງານຕ້ອງມີແຜນການພັດທະນາຕົນເອງ, ໂດຍພວກເຮົາຈະຄອຍແນະນຳ ແລະ ຊ່ວຍສະໜັບສະໜູນແກ່ຜົນ ສຳເລັດຂອງເຂົາເຈົ້າ, ຍ້ອນພວກເຮົາຮັບຮູ້ວ່າການເຮັດວຽກໂຮງແຮມຢູ່ລາວອາດບໍ່ແມ່ນວຽກທີ່ຫລາຍຄົນມຸ່ງຫວັງ, ແຕ່ ພວກເຮົາເຊື່ອວ່າໂຮງແຮມແຫ່ງນີ້ຈະຊ່ວຍປ່ຽນຄວາມຄິດເຫລົ່ານັ້ນ, ເນື່ອງຈາກພວກເຮົາເປັນໂຮງແຮມລະດັບສາກົນ ແລະ ພວກເຮົາຍັງຈະເປີດໂຮງແຮມໃນເຄື່ອຂ່າຍເພີ່ມອີກສອງແຫ່ງຢູ່ນະຄອນຫລວວງວຽງຈັນໃນອານາຄົດອັນໃກ້ນີ້. ອີກສິ່ງໜຶ່ງ ທີ່ພວກເຮົາປະທັບໃຈກໍຄືການມອບໂອກາດໃຫ້ແກ່ພະນັກງານເພດຍິງທີ່ມີລູກ, ຈາກຕົວຈິງຜ່ານມາພວກເຮົາເຫັນບາງຄົນຕ້ອງ ໄດ້ລາອອກຈາກວຽກງານເພື່ອເບິ່ງແຍງລູກ, ເຮັດ ໃຫ້ຂາດລາຍໄດ້, ສະນັ້ນພວກ ເຮົາຈຶ່ງໄດ້ສ້າງເຮືອນລ້ຽງເດັກສໍາລັບພະນັກງານ ໃນໂຮງແຮມ, ອັນໄດ້ຊ່ວຍໃຫ້ເຂົາເຈົ້າເຮັດວຽກໂດຍບໍ່ມີຄວາມກັງວົນ, ທັງປະຢັດຄ່າໃຊ້ຈ່າຍ ແລະ ຖືວ່າເປັນໂຮງແຮມແຫ່ງທຳອິດ ໃນລາວ ໃຫ້ໂອກາດແບບນີ້ເພື່ອໃຫ້ ເຂົາເຈົ້າຮູ້ສຶກວ່າຄືສະມາຊິກຂອງຄອບຄົວຄລາວພລາຊາ ວຽງຈັນ.

ເມື່ອນັກຂ່າວຖາມວ່າ: ທ່ານມີນະໂຍບາຍຊຸກຍູ້ພະນັກງານແນວໃດເພື່ອໃຫ້ບໍລິການລູກຄ້າດີທີ່ສຸດ?. ທ່ານ ອໍລິເວີ ຮອນ ຕອບວ່າ: ກ່ອນອື່ນ ພວກເຮົາຈະໃຫ້ພະນັກງານທຸກຄົນໄດ້ທົດລອງເຂົ້າພັກໃນຫ້ອງຂອງໂຮງແຮມ ແລະ ສາມາດນໍາໃຊ້ສິ່ງອຳນວຍຄວາມສະ ດວກຕ່າງໆບໍ່ວ່າຈະເປັນຫ້ອງນອນ, ຫ້ອງອາຫານ, ອອກກຳລັງກາຍ ແລະ ອື່ນໆເພື່ອໃຫ້ ສໍາພັດການບໍລິການເປັນຄືແນວໃດ ແລະ ຮູ້ວ່າຈະເຮັດແນວໃດເພື່ອປັບປຸງການບໍລິການໃຫ້ດີຂຶ້ນກວ່າເກົ່າ ແລະ ອັນຕໍ່ມາແມ່ນການຝຶກອົບຮົມໃຫ້ພະນັກງານຢ່າງ ເປັນປົກກະຕິໃນດ້ານການບໍລິການທີ່ດີ.