ອິນເດຍຈະບໍ່ຍອມ ລົ້ມເລີກສັນຍາຊື້ S-400 ພາຍໃຕ້ການກົດດັນຂອງສະຫະລັດ ອາເມລິກາ

ລັດຖະມົນຕີກະຊວງການຕ່າງປະເທດ ອິນເດຍ ເວົ້າວ່າ: ການເຮັດສັນຍາຊື້ລູກສອນໄຟ S-400 ແມ່ນເພື່ອຜົນປະໂຫຍດຂອງຊາດຕົນ, ດັ່ງນັ້ນ ຈຶ່ງຈະບໍ່ລົ້ມເລີກສັນຍາກັບລັດເຊຍ.

ທ່ານລັດຖະມົນຕີກະຊວງການຕ່າງປະເທດ ອິນເດຍ Subrahmanyam Jaishankar ປະກາດໃນມື້ວານນີ້, ວັນທີ 27 ມິຖຸນາ ຕໍ່ນັກຂ່າວ ພ້ອມກັບຄູ່ຕຳແໜ່ງຂອງຕົນ ທ່ານ Mike Pompeo ຢູ່ທີ່ New Delhi ວ່າ:  “ ພວກເຮົາມີການພົວພັນກັບຫຼາຍປະເທດ, ໃນນັ້ນມີທັງຊາດທີ່ມີຈຸດຢືນແຕກຕ່າງກັນ. ພວກເຮົາຈະເຮັດທຸກສິ່ງທຸກຢ່າງ ເພື່ອຜົນປະໂຫຍດຂອງຊາດຕົນ ”

ປີ 2018, ອິນເດຍໄດ້ເຊັນສັນຍາຊື້ລູກສອນໄຟປ້ອງກັນອາກາດໄລຍະໄກ S-400, ມູນຄ່າ 5,4 ຕື້ ໂດລາກັບລັດເຊຍ. ປະທານາທິບໍດີຂອງລັດເຊຍ Vladimir Putin ເຫັນດີຈະຂາຍກຳປັ່ນຮົບ 4 ລຳໃຫ້ແກ່ອິນເດຍ ໃນໂຄງການ 11356 ໃນມູນຄ່າ 2,2 ຕື້ໂດລາ.

ສະຫະລັດອາເມລິກາປະກາດວ່າ: ຖ້າອິນເດຍຫາກຊື້ລູກສອນໄຟ S-400 ອາດຈະມີຜົນກະທົບຕໍ່ແຜນການ ມອບໂອນເທັກໂນໂລຢີປ້ອງກັນຊາດຂອງວໍຊິງຕັນໃຫ້ New Delhi ໃນອະນາຄົດ ແລະ ຂູ່ວ່າ: ຈະລົງໂທກອິນເດຍຕາມກົດໝາຍຕ້ານກັບຄູ່ຕໍ່ສູ້ຂອງສະຫະລັດຈະ ຕັດການຊ່ວຍເຫຼືອ ໂດຍຜ່ານການ ສະພາ CAATSA

ອິນເດຍກຳລັງຫາວິທີການເພື່ອອົບອ້ອມສະຫະລັດອາເມລິກາ ຍົກເວັ້ນການລົງໂທດ. ຖ້າຫາກບໍ່ໄດ້ຮັບການຍົກເວັ້ນ, ອິນເດຍຈະຖືກລົງໂທດໃນກອບຂອງ CAATSA.

ບັນດາເຈົ້າໜ້າທີ່ຂອງ ອິນເດຍຢືນຢັນວ່າ: ການຊື້ S-400 ນັ້ນ ແມ່ນຄວາມຈຳເປັນອັນຮີບດ່ວນຂອງຄວາມໝັ້ນຄົງແຫ່ງຊາດ, ພ້ອມດຽວກັນກໍຈະຮັບປະກັນວ່າ, ລະບົບດັ່ງກ່າວຈະບໍ່ສ້າງຄວາມອັນຕະລາຍແກ່ ວໍຊິງຕັນ.

ສະຫະລັດ ອາເມລິກາເຄີຍໃຫ້ຄຳໝັ້ນສັນຍາວ່າ ຈະຂາຍລະບົບປ້ອງກັນອາກາດຂະໜາດກາງ NASAMS II ໃຫ້ແກ່ New Delhi ເພື່ອຕ້ານກັບລູກສອນໄຟນຳຫົວວິຖີ, ພ້ອມທັງຈະຂາຍລະບົບປ້ອງກັນຕົວ ທີ່ຍິງໄດ້ໃນລະດັບສູງ ໄລຍະສຸດທ້າຍ (THAAD) ແລະ ລູກສອນໄຟ Patriot PAC-3 ໃຫ້ແກ່ອິນເດຍ. ລະບົບລູກສອນໄຟດັ່ງກ່າວມີຄວາມໄວສູງກ່ວາລະບົບ S-400 ແລະ ຍົນຮົບ F-35A ກໍຈະຂາຍໃຫ້ກັບອິນເດຍ ເພືອເປັນການອອຍໃຈໃຫ້ອີນເດຍລົໝເລີກສັນຍາຊື້ S-400 ຂອງລັດເຊຍ..

ການສຳອອຍດັ່ງກ່າວຂອງວໍຊິງຕັນແມ່ນ “ ຫົວກາຣອດ ” ຈອບອອຍເພື່ອໃຫ້ ອິນເດຍ ຢຸດຕິການຊື້ລູກສອນໄຟ S-400 ນຳລັດເຊຍ.

ຮຽບຮຽງໂດຍ: ລູກເມືອງພວນ