ຍານອາວະກາດຂອງ NASA ໄດ້ພົບເຫັນສິ່ງທີ່ມີຊີວິດຢູ່ໃນດາວອັງຄານ
NASA ໄດ້ພົບເຫັນ ປະລິມານທາດ ເມຕານ (metan) ຢູ່ໃນດາວອັງ ຄານຫຼາຍກ່ວາທີ່ໄດ້ສັນນິ ຖານໄວ້, ການຄົ້ນພົບຄັ້ງນີ້ ສະແດງໃຫ້ເຫັນວ່າ, ຢູ່ໃນ ດາວອັງຄານກ່ອນໜ້ານີ້ຫຼາຍຮ້ອຍປີ ອາດມີສິ່ງທີ່ມີຊີວິດ.
ອີງຕາມ Independent ໃຫ້ຮູ້ວ່າ: ການພົບເຫັນທາດ ເມຕານ (metan)ໃນຄັ້ງນີ້ ສຸດທີ່ມີຄວາມໝາຍສຳຄັນ ເພາະວ່າທາດເມຕານຢູ່ບົນ ໜ້າໂລກຂອງພວກເຮົາແມ່ນມາຈາກສິ່ງທີ່ມີຊີວິດເທົ່ານັ້ນ.
ປະລິມານທາດເມຕານ ທີ່ຍານອາວະກາດຂອງນາ ຊາພົບເຫັນນັ້ນແມ່ນມີພຽງ ແຕ່ຢູ່ພື້ນຜິວຂອງດາວອັງ ຄານເທົ່ານັ້ນ, ຖ້າຫາກຖືກ ແສງແດດດົນໆ ທາດເມ ຕານ ດັ່ງກ່າວກໍອາດຈະເຫີຍລະ ລາຍໄປ.
ຂໍ້ມູນດັ່ງກ່າວແມ່ນໄດ້ມາ ຈາກຍານອາວະກາດ Curiosity ສົ່ງລົງມາໃຫ້ພາກພື້ນ ດິນ ໃນອາທິດຫຼັງນີ້. ນັກວິ ທະຍາສາດທັງຫຼາຍລ້ວນ ແຕ່ ມີຄວາມສົນໃຈເປັນພິເສດ ຕໍ່ ຂໍ້ມູນດັ່ງກ່າວ.
Ashwin Vasavada, ນັກວິທະຍາສາດຂອງ NA SA ເວົ້າວ່າ: “ການຄົ້ນພົບ ດັ່ງກ່າວສຸດທີ່ບັງເອີນ, ພວກ ເຮົາຈະໃຊ້ເວລາໜຶ່ງອາ ທິດເພື່ອຄົ້ນຄ້ວາຕີລາຄາ ແລະ ວາງວິທີການວິເຄາະວິ ໄຈມັນ ”
ຄົນເຮົາໄດ້ມີການສັນນິ ຖານໄວ້ກ່ອນໜ້ານີ້ແລ້ວວ່າ: ຢູ່ໃນດາວອັງຄານ ອາດຈະມີ ສິ່ງທີ່ມີຊີວີດ. ໃນອະດີດຜ່ານ ມາ, ບັນດານັກຄົ້ນຄວ້າໄດ້ ມີ ຂໍ້ມູນຫຼາຍຢ່າງທີ່ສະແດງໃຫ້ ເຫັນວ່າ ຢູ່ໃນດາວອັງຄານ ມີ ຄວາມອົບອຸ່ນ, ມີຄວາມຊຸ່ມ ຊື່ນຫຼາຍກ່ວາປັດຈຸບັນເໝາະ ສົມໃຫ້ສິ່ງມີຊີວິດ.
ບັນດານັກວິທະຍາສາດໃຫ້ສັນນິຖານໄວ້ວ່າ: ຖ້າດາວ ອັງຄານຫາກມີສິ່ງທີ່ມີຊີວິດ ຢູ່ຈິງ, ສິ່ງດັ່ງກ່າວ ອາດຫາ ກໍສິ້ນສຸດໄປຫ່າງຈາກນີ້ບໍ່ດົນປານໃດ. ທາດເມຕານອາດ ຈະຖືກຕົກຄ້າງຢູ່ໃນດາວອັງຄານຫຼາຍລ້ານປີແລ້ວ, ດຽວ ນີ້ຈິ່ງມີໂອກາດພຸ່ງພົ້ນຂຶ້ນມາ ເທິງພື້ນຜິວຍ້ອນມີຮອຍແຍກຕົວໃນດາວອັງຄານນັ້ນເອງ.
NASA ເວົ້າວ່າ: “ນີ້ ພຽງແຕ່ແມ່ນຜົນງານການ ຄົ້ນຄ້ວາເບື້ອງຕົ້ນ”. ໂຄສົກ ຂອງ ນາຊາ ເວົ້າວ່າ: “ ເພື່ອ ໃຫ້ມີຄວາມຈະແຈ້ງ, ບັນດາ ນັກຄົ້ນຄ້ວາຈະໄດ້ສືບຕໍ່ຄົ້ນ ຄວ້າຂໍ້ມູນດັ່ງກ່າວຈົນໃຫ້ໄດ້ຮັບຜົນໃນທີ່ສຸດ ”.
ຮຽບຮຽງໂດຍ: ລູກເມືອງພວນ
