ອຸຕຸຄາດຄະເນອາກາດຈະຮ້ອນຮອດທ້າຍເດືອນນີ້

ກົມອຸຕຸນິຍົມ ແລະ ອຸທົກກະສາດ ຄາດຄະເນວ່າ: ແຕ່ວັນທີ 27-30 ມິຖຸນານີ້, ສະພາບອາກາດຈະຮ້ອນຂຶ້ນ ແລະມີຝົນຕົກໃນລະດັບຄ່ອຍຫາປານກາງ, ພ້ອມມີລົມແຮງຢູ່ບາງທ້ອງຖິ່ນໃນແຕ່ລະພາກ.

ເນື່ອງຈາກຄວາມກົດດັນຕໍ່າຂອງອາກາດຮ້ອນຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ແລະ ລົມມໍລະສຸມຕາເວັນຕົກສ່ຽງໃຕ້ຍັງຈະສືບຕໍ່ປົກຄຸມ. ສໍາລັບສະພາບອາກາດໃນແຕ່ລະພາກຄືດັ່ງນີ້:ພາກເຫນືອດ້ານຕາເວັນອອກແຂວງຜົ້ງສາລີ, ຫົວພັນ ແລະຊຽງຂວາງ ຈະມີຝົນຕົກໃນລະດັບຄ່ອຍເກືອບທົ່ວໄປ ແລະຕົກປານກາງ, ພ້ອມມີລົມພັດແຮງເປັນບາງໂອກາດ ອຸນຫະພູມແຕ່ 21-33 ອົງສາ. ພາກເຫນືອດ້ານຕາເວັນຕົກແຂວງຫລວງນໍ້າທາ, ອຸດົມໄຊ,ບໍ່ແກ້ວ, ຫລວງພະບາງ ແລະໄຊຍະບູລີ ອາກາດຈະຮ້ອນ.ພ້ອມມີຝົນຕົກຟ້າເຫລື້ອມໃນລະດັບ ຄ່ອຍຢູ່ບາງທ້ອງຖິ່ນອຸນຫະພູມຕໍ່າສຸດ 25-39 ອົງສາ, ພາກກາງ ແຂວງວຽງຈັນ, ນະຄອນຫລວງວຽງຈັນ,ບໍລິຄໍາໄຊ, ຄໍາມ່ວນ ແລະ ສະຫວັນນະເຂດ ອາກາດຮ້ອນ ແລະ ຈະມີຝົນຕົກເພີ່ມຂຶ້ນໃນລະດັບຄ່ອຍ, ພ້ອມມີລົມແຮງອຸນຫະພູມ 25-38 ອົງສາ,ພາກໃຕ້ອາກາດຮ້ອນ ແລະຈະມີນຕົກແຮງໃນລະດັບຄ່ອຍຫາປານກາງ ແລະ ມີລົມພັດແຮງເປັນບາງໂອກາດອຸນຫະພູມ 25-37 ອົງສາ.