ມາເລເຊຍຜ່ານຮ່າງກົດໝາຍຕ້ານຂ່າວປອມ
ລັດຖະບານ ມາເລເຊຍ ຜ່ານຮ່າງກົດໝາຍຕ້ານຂ່າວ ປອມໃນວັນທີ 2 ເມສາ ຜ່ານມາ2018ນີ້, ເປັນປະເທດທຳອິດທີ່ມີກົດໝາຍ ແບບນີ້.
ກົດໝາຍຕ້ານຂ່າວປອມຂອງ ມາເລເຊຍ ສະບັບປີ 2018 ນັ້ນ, ກຳນົດວ່າ: ຜູ້ໃດ ຫາກເຜີຍແຜ່ເນື້ອໃນຂ່າວ ປອມອອກໄປຈະຖືກລົງໂທດຈຳຄຸກສູງສຸດ 6 ປີ ຫຼື ປັບໄໝ 500.000 ຣິງກິດ(ringit) ສະກຸນເງິນ ມາເລເຊຍ ຫຼື ເທົ່າກັບ 128.000 ໂດລາສະ ຫະລັດ ຫຼື ທັງສອງຢ່າງ.
ບັນດາພວກຕໍ່ຕ້ານລັດ ຖະບານວິພາກວິຈານວ່າ: ນີ້ແມ່ນຄວາມພະຍາຍາມຂອງລັດຖະບານ ເພື່ອສະກັດກັ້ນ ພວກຫຼາກຫຼາຍຄວາມຄິດ ເຫັນທີ່ກົງກັນຂ້າມກັບລັດຖະບານ. ກົດໝາຍສະບັບດັ່ງກ່າວໄດ້ໃຫ້ຄຳນິຍາມ “ຂ່າວປອມແປງ”ວ່າ: “ຂ່າວ, ຂໍ້ມູນຂ່າວ, ເອກະສານ ແລະ ບົດລາຍງານທີ່ ຜິດພ້ຽນອອກຈາກຄວາມ ຈິງຈຳນວນໜຶ່ງ ຫຼື ທັງໝົດເອີ້ນວ່າຂ່າວປອມ ”
ທັງໃຫ້ຄຳນິຍາມຜູ້ກະທຳຜິດວ່າ: “ເຖິງຈະແມ່ນ ດ້ວຍພາຫະນະໃດກໍຕາມ, ຈະເປັນການຕັ້ງໃຈ ຫຼື ບໍ່ຕັ້ງໃຈສະໜອງເອກະສານ, ພິມ, ຈຳໜ່າຍ, ແບ່ງປັນ, ຮັກສາສຳເນົາຂ່າວປອມເອົາໄວ້ລ້ວນແຕ່ເປັນຜູ້ກະທຳຜິດ”
ການ blog, ການອອນລາຍ, ບັນຊີເຄືອຂ່າຍສັງຄົມລ້ວນແຕ່ຖືກຄວບຄຸມດ້ວຍກົດໝາຍສະບັບນີ້.
ກົດໝາຍສະບັບນີ້ສາມາດນຳໃຊ້ໄດ້ຕໍ່ທຸກຄົນ ທັງຢູ່ພາຍໃນ ແລະ ຢູ່ນອກມາເລເຊຍ. ຖ້າຫາກຕອບສະໜອງເຜີຍແຜ່ຂ່າວປອມທີ່ພົວພັນເຖິງຊາດ ຫຼື ປະຊາຊົນມາເລເຊຍແລ້ວ, ແມ່ນແຕ່ຄົນຕ່າງຊາດກໍລ້ວນແຕ່ຖືກລົງໂທດເຖິງຈະບໍ່ມີໜ້າກໍຕາມ.
ຮຽບຮຽງໂດຍ: ລູກເມືອງພວນ
