ບໍລິສັດ TKI ປະກັນໄພ ຕັ້ງເປົ້າກ້າວຂຶ້ນເປັນບໍລິສັດປະກັນໄພຊັ້ນນຳໃນລາວ
ທ່ານ ໄຊໂຣດ ກັນລະຍານະລາບ ຜູ້ອໍານວຍການບໍລິສັດ ທີເຄໄອປະກັນຊີວິດ ຈໍາກັດ (TKI) ແລະ ບໍລິສັດທີເຄໄອ ປະກັນໄພທົ່ວໄປ ຈໍາກັດ (TKI) ໃຫ້ຮູ້ວ່າ: TKI ເປັນບໍລິສັດປະກັນໄພທີ່ສ້າງຂຶ້ນ ເພື່ອບໍລິການລູກຄ້າຢູ່ລາວ. ບໍລິສັດຖືກສ້າງຕັ້ງຂຶ້ນໂດຍການຮ່ວມທຶນລະຫວ່າງນັກທຸລະກິດ ລາວ-ໄທ ກໍຄື ບໍລິສັດ TK ກຣຸບ ຈໍາກັດ,ບໍລິສັດ ນະວະກິດ ປະກັນໄພ ຈໍາກັດ (ມະຫາຊົນ) ບໍລິສັດ ຟາຄອນປະກັນໄພ ຈໍາກັດ (ມະຫາຊົນ) ແລະ ບໍລິສັດ ໄທຣີປະກັນຊີວິດ ຈໍາກັດ (ມະຫາຊົນ).
ປັດຈຸບັນເຖິງວ່າຢູ່ລາວມີບໍລິສັດປະກັນໄພເກີດຂຶ້ນຫຼາຍ, ແຕ່ TKI ປະກັນໄພ ມີວິໄສທັດທີ່ຈະກ້າວຂຶ້ນເປັນບໍລິສັດປະກັນໄພຊັ້ນນໍາໃນລາວໃນອະນາຄົດ, ໂດຍເນັ້ນໃສ່ການບໍລິການເປັນເລີດໂດຍສະເພາະການໃຫ້ຂໍ້ມູນ, ການແກ້ໄຂເຫດ ແລະ ການຈ່າຍສິນຕອບແທນໃຫ້ແກ່ລູກຄ້າ ໃຫ້ມີຄວາມສະດວກ,ວ່ອງໄວ ແລະ ທັນໃຈ. ສືບຕໍ່ພັດທະນາລະບົບ ແລະ ຂອດການບໍລິການເພື່ອສ້າງຄວາມເພິ່ງພໍໃຈໃຫ້ລູກຄ້າ. TKI ປະກັນໄພ ດໍາເນີນທຸລະກິດທັງດ້ານປະກັນຊີວິດ ແລະ ປະກັນໄພທົ່ວໄປ ເພື່ອໃຫ້ສາມາດຕອບສະຫນອງໄດ້ທຸກຄວາມຕ້ອງການຂອງລູກຄ້າ.
1. ຜະລິດຕະພັນຂອງບໍລິສັດ ທີເຄໄອ ປະກັນຊີວິດຈໍາກັດ ປະກອບມີ 2 ແບບຄື: ປະກັນໄພກຸ່ມ ແລະ ປະກັນໄພຊີວິດລາຍດ່ຽວ, ເຊິ່ງລາຍດ່ຽວປະກອບມີ 3 ກຸ່ມຫຼັກຄື: ແບບອອມຊັບ, ແບບຄຸ້ມຄອງ ແລະແບບບໍານານ. ນອກນີ້, ຍັງມີແບບສັນຍາເພີ່ມເຕີມຄື: ປະກັນໄພອຸປະຕິເຫດແບບ AI, ADD ແລະ ADB, ຄ່າປິ່ນປົວຈາກອຸປະຕິເຫດແບບ ME, ປະກັນໄພໂລກມະເຮັງ (CA), ການປະກັນສຸຂະພາບແບບ ເບິ່ງແຍງກໍລະນີພິເສດ (SC) ແລະ ຄ່າປິ່ນປົວລາຍວັນ (HB) ແລະ ຈະມີການພັດທະນາຜະລິດຕະພັນອື່ນໆເພີ່ມຕື່ມອີກ ເພື່ອຕອບສະໜອງອງຄວາມຕ້ອງການຂອງລູກຄ້າ.
2.ຜະລິດຕະພັນຂອງບໍລິສັດ ທີເຄໄອ ປະກັນໄພທົ່ວໄປ ຈໍາກັດປະກອບມີ: ປະກັນໄພພາຫະນະ, ທີ່ຢູ່ອາໄສ, ທຸລະກິດຂະໜາດນ້ອຍ, ຄວາມຮັບຜິດຊອບຕາມກົດຫມາຍຕໍ່ບຸກຄົນພາຍນອກ, ອຸປະຕິເຫດຕາມຖະໜົນ, ອັກຄີໄພ, ອຸປະຕິເຫດຈາກກໍ່ສ້າງ, ອຸປະຕິເຫດສ່ວນບຸນຄົນ, ສໍາລັບເງິນ, ອຸປະຕິເຫດສິນເຊື່ອສ່ວນບຸກຄົນ, ສໍາລັບແວ່ນແກ້ວ, ເຄື່ອງຈັກ, ຂົນສົ່ງພາຍໃນປະເທດ, ສ່ຽງໄພຊັບສິນ, ຄວາມຮັບຜິດຊອບຂອງຜູ້ຂົນສົ່ງ, ການສ່ຽງໄພທຸກຊະນິດ ແລະ ປະກັນໄພເຄື່ອງມື ແລະ ເຄື່ອງຈັກຂອງຜູ້ຮັບເຫມົາ.
ໃນໄລຍະຜ່ານມາມີ ບໍລິສັດ ທີເຄໄອ ໄດ້ຮັບຜົນຕອບຮັບຂ້ອນຂ້າງດີ ເຊິ່ງປັດຈບັນຖານລູກຄ້າເພີ່ມຂຶ້ນຫຼາຍກວ່າ 50%. ຜະລິດຕະພັນທີ່ໄດ້ຮັບຄວາມນິຍົມຫຼາຍທີ່ສຸດແມ່ນການປະກັນຊີວິດແບບຄຸ້ມຄອງໄລຍະຍາວ ເຊິ່ງຈຸດເດັ່ນຄືລູກຄ້າບໍ່ຈໍາເປັນຕ້ອງຈ່າຍເງິນກ້ອນໃຫຍ່ ແຕ່ສາມາດສະສົມໄດ້ຍາວນານແລະ ປະກັນໄພພາຫະນະ ປະເພດໜຶ່ງ, ປະເພດ 3+ ຫຼື3++ ມີຈຸດເດັ່ນຄື: ໃຫ້ຄວາມຄຸ້ມຄອງ ຮອດປະເທດໄທເຊິ່ງຄຸ້ມຄອງຄືກັນກັບຢູ່ລາວ ແລະ ຮອງລົງມາປະກັນໄພທີ່ລູກຄ້ານິຍົມ ແມ່ນປະກັນໄພອັກຄີໄພ.
ແຜນໃນໄລຍະຍາວແມ່ນ ຈະເປີດສາຂາຢູ່ຕ່າງແຂວງ ຄື: ແຂວງຈໍາປາສັກ, ຫຼວງພະບາງ ແລະ ແຂວງສະຫວັນນະເຂດ ໃຫ້ສໍາເລັດພາຍໃນ 5 ປີ ແລະ ສໍານັກງານໃຫຍ່ຂອງບໍລິສັດ ທີເຄໄອ ປະກັນໄພ ຈໍາກັດ ແມ່ນຕັ້ງຢູ່ຊັ້ນ 4, ໂຊນ A ຕຶກດິໄອຄອນນິກ ບ້ານໂພນໄຊ ເມືອງໄຊເສດຖາ ນະຄອນຫຼວງວຽງຈັນ, ສາມາດຕິດ ຕໍ່ໄດ້ທີ່ເບີ 021 417707, ອີເມວ Customerservice@tkiinsurance.com, Facebook-tki insurance ແລະ www. Tki-insurance.com.
