ເຮັດວຽກຍຸຕິທຳ, ແຕ່ຈິດໃຈບໍ່ຍຸຕິທຳ
ໂດຍ: ທິດກ່ຳ
ເວົ້າເຖິງຜູ້ເຮັດວຽກຍຸຕິ ທຳກໍມີຫລາຍຂົງເຂດ, ຫລາຍຂະແໜງການທີ່ພົວພັນເຊື່ອມໂຍງກັນຢ່າງເປັນລະບົບ ນັບແຕ່ຂັ້ນສູນກາງລົງຮອດ ທ້ອງຖິ່ນ. ແຕ່ວ່າ ຜູ້ທີ່ມີການ ສຳພັດກັບບັນຫາຕົວຈິງ ແລະ ໂດຍກົງກັບຫລາຍຄະ ດີລ້ວນໆນັ້ນກໍມີຢູ່ 3-4 ອົງ ການຄື: ອົງການໄອຍະການ ປະຊາຊົນ, ສານປະຊາຊົນ, ຕຳຫລວດ ແລະ ທະຫານ (ຕຳຫລວດສືບສວນ-ສອບ ສວນ, ຄ້າຍຄຸມຂັງ, ສານທະ ຫານ). ເຫລົ່ານີ້ເປັນຕົ້ນ. ໃນ ບັນດາຂະແໜງການທີ່ວ່ານີ້, ຕ່າງຝ່າຍຕ່າງກໍເຮັດວຽກ ຕາມພາລະບົດບາດ, ສິດໜ້າ ທີ່ພາຍໃຕ້ລະບຽບກົດໝາຍ ຢ່າງເຄັ່ງຄັດ.
ໃນຫລາຍສິບປີຜ່ານມາ, ບັນດາຂະແໜງການ ເຫລົ່ານີ້ ໄດ້ມີຜົນງານຢ່າງຫລວງ ຫລາຍຕໍ່ຊາດ ແລະ ປະຊາຊົນ, ເປັນຕົ້ນໄດ້ແກ້ໄຂຄຳຮ້ອງ ທຸກຂອງປະຊາຊົນ, ແກ້ໄຂ ບັນດາຂໍ້ຂັດແຍ່ງຕ່າງໆ, ຄະດີ ທີ່ເກີດຂຶ້ນໃນສັງຄົມ, ຕັດສິນ ຜູ້ກະທຳຜິດຕໍ່ກົດໝາຍບ້ານ ເມືອງຕາມແຕ່ລະກໍລະນີໄດ້ ຫລາຍຮ້ອຍຫລາຍພັນເລື່ອງ.
ໄປຄຽງຄູ່ກັບການໃຊ້ ມາດຕະການທາງອາຍາອັນ ເດັດຂາດແລ້ວ, ຍັງມີການສຶກ ສາອົບຮົມ, ດັດສ້າງ ແລະ ກໍ່ ສ້າງໃຫ້ຜູ້ຖືກຫາໃຫ້ເປັນຄົນ ດີ, ມີວິຊາອາຊີບ ແລະ ເປັນ ພົນລະເມືອງດີຂອງຊາດບ້ານເມືອງໄດ້ຢ່າງຫລວງຫລາຍ. ແນວໃດກໍຕາມ, ໄປຄຽງຄູ່ກັບ ຜົນງານທີ່ເຮັດໄດ້ໃນຜ່ານມານັ້ນຍັງມີຫລາຍບັນຫາ ທີ່ຄ້າງຄາອັນເປັນປາກົດການຫຍໍ້ ທໍ້ໃນຂົງເຂດດັ່ງກ່າວ ຍ້ອນວ່າ ພະນັກງານເຮັດວຽກ ຍຸຕິທຳ ບໍ່ ສັດຊື່ຕໍ່ໜ້າທີ່, ໂດຍຫລ້າສຸດເມື່ອວັນທີ 11 ມິຖຸນາ ຜ່ານມາ ໃນໂອກາດກອງປະ ຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VIII, ທ່ານ ຄຳສານ ສຸວົງ ປະທານອົງການໄອຍະການສູງສຸດກໍໄດ້ອອກມາຍອມ ຮັບວ່າ: ໃນໄລຍະຜ່ານມາກໍຄື ປັດຈຸບັນ ມີເຈົ້າໜ້າ ທີ່ສືບ ສວນ-ສອບສວນຈຳນວນບໍ່ໜ້ອຍຍັງມີການລະເມີດກົດ ໝາຍ, ໂດຍສະເພາະການປະ ຕິບັດລະບຽບຕໍ່ຜູ້ກະທຳຜິດ, ເປັນຕົ້ນການຈັບຕົວຜູ້ກະທຳຜິດ ແລະ ການກັກຂັງພາງ ບໍ່ຜ່ານຄຳເຫັນ ຈາກອົງການ ໄອຍະການປະຊາຊົນ, ມີການ ລ່ວງລະເມີດກົດໝາຍ, ເຮັດ ໃຫ້ຂະບວນການຍຸດຕິທຳ ບໍ່ເປັນໄປຕາມລະບຽບ.
ພະນັກງານຍຸຕິທຳຈຳ ນວນໜຶ່ງເຮັດວຽກເພື່ອຜົນ ປະໂຫຍດ, ການສືບສວນ- ສອບສວນບໍ່ມີຫລັກຖານຮັດກຸມ ແລະ ການປະສານງານ ດ້ວຍກັນບໍ່ໂລ່ງລຽນກົມກຽວຕ່າງຝ່າຍຕ່າງເຮັດ ການແກ້ ໄຂຄະດີຈຶ່ງແກ່ຍາວຊັກຊ້າ.
ໃນຄວາມຈິງແລ້ວ, ເທົ່າ ທີ່ພົບເຫັນຜ່ານມາບາງກໍ ລະນີມັນກໍເປັນຄືແນວນັ້ນແທ້, ພະນັກງານຢູ່ບາງຂັ້ນ, ບາງຂອດ ປະຕິບັດໜ້າທີ່ບໍ່ ທັນສັດຊື່, ບໍ່ໄປຕາມກົດໝາຍ, ການລົງວິໄນບໍ່ເຂັ້ມງວດບາງຄັ້ງຍັງສ້າງຜົນກະທົບໃຫ້ຄູ່ ຄວາມ, ການເກັບກູ້ຊັບສິນ ແກ່ຍາວ, ບໍ່ໄປບໍ່ມາ, ມີອັນຂ້ອງໆຄາໆ, ຄຳພິພາກສາ ບໍ່ປອດໃສ, ເສຍຊັບສິນ ແລະ ເສຍຜົນປະໂຫຍດເບື້ອງລັດ ຢ່າງຫລວງຫລາຍ.
ຕໍ່ອົງການໄອຍະການ ສູງສຸດໃນປີຜ່ານມານັ້ນ, ໄດ້ອອກຄຳສັ່ງເປີດການສຶບສວນ-ສອບສວນ 721 ສະ ບັບ, ອອກຄຳສັ່ງຈັບ 1.900 ສະບັບ, ອອກຄຳສັ່ງກັກຂັງພາງ 8.061 ສະບັບ, ປະກອບຂໍ້ມູນຫລັກຖານໃນສຳ ນວນຄະດີ 10.068 ເລື່ອງ, ດຳເນີນການສຶບສວນ-ສອບສວນຄືນໃໝ່ 2.213 ເລື່ອງ, ໂຈະການດຳເນີນຄະດີ 41 ເລື່ອງ ແລະ ຖະແຫລງສົ່ງ ຄຳຕັດສິນລົງໂທດ 6.706 ເລື່ອງ.
ເຖິງຢ່າງໃດກໍດີ, ຕາມເຮົາວ່າວຽກຍຸຕິທຳເປັນວຽກໜຶ່ງທີ່ສຳຄັນ, ມີຄວາມສະຫລັບສັບຊ້ອນ, ລະອຽດອ່ອນ ແລະ ມີສິ່ງທ້າທາຍພໍຄວນ. ຖ້າຜູ້ເຮັດວຽກຍຸຕິທຳບໍ່ໄປ ຕາມພາລະບົດບາດໜ້າທີ່ ແລະ ບໍ່ມີຄວາມຮັບຜິດຊອບ ສູງຕໍ່ຊາດ ແລະ ປະຊາຊົນ ເຮັດອັນໃດກໍເຫັນແຕ່ເບື້ອງ ຜົນປະໂຫຍດສ່ວນຕົວເປັນ ຫລັກກໍຈະຕົກຢູ່ໃນກໍລະນີ ປະຊາຊົນຈົ່ມວ່າເປັນພະນັກ ງານຍຸຕິທຳ, ແຕ່ຈິດໃຈພັດ ບໍ່ຍຸຕິທຳ.
