ບໍລິສັດ ສຸດໃຈ ທ່ອງທ່ຽວ ຈະເປີດນໍາໃຊ້ແອັບ “ສຸດໃຈທ່ອງທ່ຽວ” ໃນເດືອນ ມິຖຸນານີ້

ບໍລິສັດ ສຸດໃຈ ທ່ອງທ່ຽວ ຈໍາກັດຜູ້ດຽວ ເປັນບໍລິສັດຂອງຄົນລາວ ທີ່ໃຫ້ບໍລິການທ່ອງທ່ຽວພາຍໃນ ແລະ ຕ່າງປະເທດ ແບບຄົບວົງຈອນ, ຊຶ່ງເປັນບໍລິສັດທີ່ໄດ້ຮັບຄວາມເຊື່ອຖືໃນການບໍລິການທ່ອງທ່ຽວ ແລະ ເຊົ່າລົດ ຈາກລູກຄ້າທັງພາຍໃນ ແລະ ຕ່າງປະເທດເປັນເວລາ 9 ປີແລ້ວ.

    ທ່ານ ເຄນ ວົງທອງຈິດ ອໍານວຍການ ບໍລິສັດດັ່ງກ່າວ ໃຫ້ຮູ້ວ່າ: ບໍລິສັດຂອງຕົນ ຈະເປີດນໍາໃຊ້ແອັບພິເຄຊັນ “ສຸດໃຈທ່ອງທ່ຽວ” ຢ່າງເປັນທາງການໃນເດືອນມິຖຸນານີ້, ຊຶ່ງຈະເປັນເຄື່ອງມືອໍານວຍຄວາມສະດວກໃຫ້ແກ່ລູກຄ້າ ເປັນຕົ້ນແມ່ນ ລູກຄ້າສາມາດສັ່ງຈອງປີ້ລົດທັງພາຍໃນ ແລະ ຕ່າງປະເທດ, ຮ້ານອາຫານ, ເຮືອນພັກ, ໂຮງແຮມ,ລາຍການທົວພາຍໃນປະເທດ ແລະ ຕ່າງປະເທດ ແລ້ວ ຫຍັງ ສາມາດຄົ້ນຫາຂໍ້ມູນຕ່າງໆກ່ຽວກັບແຫຼ່ງທ່ອງທ່ຽວໃນລາວ ແລະ ນໍາສະເໜີຂໍ້ມູນໃໝ່ໆຕະຫຼອດເວລາ.

ນອກຈາກການນໍາທ່ຽວ ແລະ ບໍລິການອື່ນໆແລ້ວ, ບໍລິສັດ ສຸດໃຈ ທ່ອງທ່ຽວ ຍັງມີສະຖານທີ່ທ່ອງທ່ຽວເປັນຂອງຕົນເອງ ຄື: ລີສອດ ສຸດໃຈ ສະຖານທີ່ດັ່ງກ່າວຕັ້ງຢູ່ ບ້ານ ຈໍາປາ ເມືອງສີໂຄດຕະບອງ ນະຄອນຫຼວງວຽງຈັນ (ໄປທາງດຽວກັນກັບຕາດມູນ ກາຍສະໜາມກອັບແມ່ຂອງປະມານ 3 ຫຼັກ) ຢູ່ໃກ້ຕົວເມືອງນະຄອນຫຼວງວຽງຈັນ ຊຶ່ງເປັນສະຖານທີ່ເໝາະກັບການພັກຜ່ອນແບບຄອບຄົວ, ໝູ່ຄະນະ ແລະ ແບບຄອບຄົວ, ຊຶ່ງມີກິດຈະກໍາຫຼາຍຢ່າງໄວ້ບໍລິການ ເປັນຕົ້ນຄື: ຂີ່ສະລິງ, ຂີ່ຊ້າງ, ຕຶກເບັດ,ເຮືອນພັກບັງກະໂລ,ຫ້ອງປະຊຸ່ມ ແລະ ອື່ນໆ.

ປັດຈຸບັນ ບໍລິສັດ ກໍາລັງພັດທະນາສະຖານທີ່ທ່ອງທ່ຽວ ຖໍ້າຂຸນລາງ ຢູ່ບ້ານ ຫ້ວຍສ້ານ, ເມືອງ ກາສີ ແຂວງວຽງຈັນ ແລະ ຄາດວ່າຈະເປີດການໃຫ້ບໍລິການຂີ່ສະລິງ ແລະ ໝູ່ບ້ານຊົນເຜົ່າໃຫ້ແກ່ນັກທ່ອງທ່ຽວໄດ້ໄປທ່ຽວຊົມ ທາງພາຍໃນ ແລະ ຕ່າງປະເທດ ໃນປີ 2020 ນີ້.

ບໍລິສັດ ສຸດໃຈ ທ່ອງທ່ຽວ ຈໍາກັດຜູ້ດຽວ ຕັ້ງຢູ່ບ້ານ ມີໄຊ ຖະໜົນ ໝໍແກ້ວກຸມມານ ເມືອງຈັນທະບູລີ ນະຄອງຫຼວງວຽງຈັນ, ຕິດຕໍ່ໄດ້ທີ່ເບີ 020 55340000 ແລະ 020 5581 9119 ຫຼືwww.outchaitravel.com