ສະຫະປະຊາຊາດເລືອກຕັ້ງ ກຳມະການບໍ່ປະຈຳການ ຂອງສະພາຄວາມໝັ້ນຄົງ

ຮຽບຮຽງໂດຍ: ລູກເມືອງພວນ

ສະຫະປະຊາຊາດ ຈະດຳເນີນກອງປະຊຸມເລືອກຕັ້ງ ເອົາ 5 ຊາດເຂົ້າຢູ່ໃນກຳມະການບໍ່ປະຈຳການ ຂອງສະພາຄວາມໝັ້ນຄົງ (HĐBA) ສະໄໝ 2020-2021, ໃນນັ້ນ, ຫວຽດນາມເປັນຊາດດຽວໃນອາຊີ-ປາຊີຟິກ ມີໂອກາດຈະຖືກຂັດເລືອກ.

ວັນທີ 6 ມິຖຸນາຜ່ານ​ມານີ້, ໂຄສົກກະຊວງການຕ່າງປະເທດຫວຽດນາມ ນາງ ເລຖິທູຮັງ ປະກາດຕໍ່ນັກຂ່າວວ່າ: ຖ້າໃຫ້ຮູ້ຜົນກ່ອນ, ການນຳຂອງຫວຽດນາມຈຶ່ງຈະມີແຈ້ງການກ່ຽວກັບນະໂຍບາຍຂອງລັດຖະບານຫວຽດນາມ.

 “ ເພື່ອກະກຽມໃຫ້ການເຂົ້າຮ່ວມ ສະພາຄວາມໝັ້ນຄົງ ຂອງສະຫະປະຊາຊາດ, ຫວຽດນາມໄດ້ຕັ້ງໜ້າຜັນຂະຫຍາຍເນື້ອໃນ, ບຸກຄະລາກອນ, ການໂຄສະນາທາງສື່ມວນຊົນ, ສ້າງກົນໄກປະສານງານກັບອົງການທີ່ກ່ຽວຂ້ອງ, ໃຫ້ການປຶກສາຫາລື, ຖອດຖອນບົດຮຽນກັບຊາດອື່ນ, ອົງການສະຫະປະຊາຊາດ ແລະ ການຈັດຕັ້ງສາກົນອື່ນໆ ”

ສະພາຄວາມໝັ້ນຄົງຂອງສະຫະປະຊາຊາດມີ 15 ປະເທດສະມາຊິກ, ໃນນັ້ນມີ 5 ປະເທດເປັນສະມາຊິກປະຈຳການ ແລະ ມີ 10 ປະເທດທີ່ເປັນສະມາຊິກສອງສະໄໝ. ເທື່ອນີ້ ເປັນເທື່ອທີສອງທີ່ຫວຽດນາມໄດ້ສົ່ງຄົນເຂົ້າໄປຊີງຕຳແໜ່ງຂອງສະພາຄວາມໝັ້ນຄົງຂອງສະຫະປະຊາຊາດ. ຫວຽດນາມເຄີຍເປັນສະມາຊິກບໍ່ປະຈຳການ ຂອງສະພາຄວາມໝັ້ນຄົງມາແລ້ວໃນສະໄໝ 2008-2009 ແລະ ທັງໄດ້ເປັນປະທານຂອງສະພາຄວາມໝັ້ນຄົງໃນເດືອນ ກໍລະກົດ ປີ 2008 ຫາເດືອນ ຕຸລາ ປີ 2009.

ສະພາຄວາມໝັ້ນຄົງຂອງສະຫະປະຊາຊາດ ເປັນໜຶ່ງໃນ 6 ອົງການຂອງສະຫະປະຊາຊາດ. ສະພາຄວາມໝັ້ນຄົງມີໜ້າທີ່ເສີມຂະຫຍາຍສັນຕິພາບ ແລະ ຄວາມໝັ້ນຄົງຂອງສາກົນ.

ມາດຕາ 39 ຂອງກົດບັດສະຫະປະຊາຊາດກຳນົດວ່າ: ສະພາຄວາມໝັ້ນຄົງເປັນພາກສ່ວນໜຶ່ງຂອງສະຫະປະຊາຊາດ, ມີສິດຕັດສິນ, ຕີລາຄາສະພາບການຕົວຈິງ ຂອງການຂົ່ມຂູ່ຕໍ່ສັນຕິພາບ, ການທຳລາຍສັນຕິພາບ ຫຼື ການຮຸກຮານ, ນຳສະເໜີ  ຫຼື ຕັດສິນວິທີການດຳເນີນການທີ່ເໝາະສົມຕາມມາດຕາ 41 ແລະ 42 ເພື່ອເສີມຂະຫຍາຍ ຫຼື ປັບປຸງສັນຕິພາບ ແລະ ຄວາມໝັ້ນຄົງຂອງໂລກ.