ເທັນນິສ ເຟັຣນ ໂອເພັນ 2019 ຊິງເງິນລາງວັນລວມ 414 ຕື້ກວ່າກີບ! ແຊ້ມໄດ້ 22 ຕື້ກວ່າກີບ!!
ການແຂ່ງຂັນເທັນນິສ ໂຟັຣນ ໂອເພັນ 2019 ແກນ ສະແລມທີສອງຂອງປີ ທີ່ສະໜາມ ໂຣລ່ອງ ກາຣ ຣັອສ, ນະຄອນຫລວງປາຣິສ ປະເທດຝຣັ່ງ ໃນວັນທີ 26 ພຶດສະພາ ຫາ ວັນທີ 9 ມິຖຸນານີ້, ມີການເພີ່ມເງິນ ລາງວັນຂຶ້ນທຸກປີ ເຊິ່ງປີນີ້ ຊີງເງິນລາງວັນລວມ 42.661.000 ລ້ານເອີໂຣ ຫລື ປະມານ 411 ຕື້ກວ່າກີບ ເພີ່ມຂຶ້ນ 8% ຈາກປີ 2018 ຜ່ານມາ ສະເພາະແຊ້ມຍິງ ດ່ຽວໄດ້ເພີ່ມຂຶ້ນ 1 ແສນ ເອີໂຣ.
ແຊ້ມປະເພດຍິງດ່ຽວ- ຊາຍດ່ຽວ ໄດ້ຮັບເງິນລາງວັນເທົ່າກັນ 2.300.000 ເອີໂຣ ຫລື ປະມານ 22 ຕື້ກວ່າກີບ ພ້ອມຄະແນນສະສົມ 2.000 ຄະແນນ, ຮອງແຊ້ມປະເພດຊາຍດ່ຽວໄດ້ 1.200 ຄະແນນ, ຍິງດ່ຽວໄດ້ 1.300 ຄະແນນ, ໄດ້ເງິນລາງວັນເທົ່າ ກັນ 1.120.000 ເອີໂຣ.
ຜູ້ເຂົ້າເຖິງຮອບຮອງ ຊະນະເລີດ ໄດ້ເງິນລາງວັນ 590.000 ເອີໂຣ, ຮອບ 8 ຄົນສຸດທ້າຍໄດ້ຄົນລະ 415.000 ເອີໂຣ, ຮອບ 16 ຄົນໄດ້243.000 ເອີໂຣ, ຮອບ 32 ຄົນ ຫລື ຮອບ 3 ໄດ້ 143.000 ເອີໂຣ, ຮອບ 64 ຄົນ ຫລື ຮອບ 2 ໄດ້ 87.000 ເອີໂຣ, ຮອບທີ 1 ໄດ້ 46.000 ເອີໂຣ.
ສ່ວນປະເພດຄູ່ຍິງ-ຄູ່ ຊາຍເງິນລາງວັນເທົ່າກັນ: ແຊ້ມໄດ້ 580.000 ເອີໂຣພ້ອມຄະແນນ, ຮອງແຊ້ມໄດ້ 290.000 ເອໂຣ. ຄູ່ປະສົມແຊ້ມໄດ້ 122.000 ເອີໂຣ, ຮອງແຊ້ມ 61.000 ເອີໂຣ.
