ຣັດເຊຍຈະທຳລາຍອາວຸດເຄມີໃຫ້ໝົດກ່ອນທ້າຍປີນີ້
ຕາມຂ່າວສານຊິນຮວາ: ທ່ານ ມິຄາອິນ ບາບິກ ປະທານຄະນະກຳມະການຫຼຸດອາວຸດເຄມີຣັດເຊຍ ກ່າວໃນວັນທີ 13 ມີນານີ້ວ່າ: ວຽກງານທຳລາຍອາວຸດເຄມີຂອງປະເທດຕົນໄດ້ເຂົ້າສູ່ໄລຍະສຸດທ້າຍແລ້ວ ແລະ ຄາດວ່າຈະສຳເລັດກ່ອນທ້າຍປີນີ້.
ທ່ານກ່າວວ່າ: ວຽກງານທໍາລາຍອາວຸດເຄມີຂອງປະເທດຕົນໄດ້ໃຊ້ຈ່າຍງົບປະມານ 330 ຕື້ລຸບ ຫຼື ປະມານ 5 ຕື້ 600 ລ້ານໂດລາສະຫະລັດ ເຂົ້າໃນການທຳລາຍອາວຸດເຄມີ ແລະ ໄດ້ສ້າງໂຮງຮຽນ, ໂຮງໝໍ ແລະ ພື້ນຖານໂຄງລ່າງອື່ນໆຢູ່ສະຖານທີ່ຕັ້ງອາວຸດເຄມີ ທັງໄດ້ສັບຊ້ອນເຈົ້າໜ້າທີ່ກ່ຽວຂ້ອງ. ປັດຈຸບັນຄະນະກຳມະການຕົນພວມເລັ່ງຄົ້ນຄວ້າວ່າຈະຫຼຸດຜົນກະທົບຈາກການທຳລາຍອາວຸດເຄມີແນວໃດ ແລະ ຈະນຳໃຊ້ສິ່ງກໍ່ສ້າງກ່ຽວຂ້ອງຫຼັງທຳລາຍອາວຸດເຄມີນັ້ນເຂົ້າໃນການຜະລິດເສດຖະກິດແນວໃດ.
ທັງນີ້ ສຳນັກຂ່າວສານຣັດເຊຍວັນນີ້ລາຍງານວ່າ: ການທຳລາຍອາວຸດເຄມີຕົ້ນຕໍໄດ້ດຳເນີນລະຫວ່າງປີ 2015 ໂດຍໄດ້ທຳລາຍສາງອາວຸດເຄມີຕົ້ນຕໍ 4 ແຫ່ງພາຍໃນໜຶ່ງປີ.
