ແຂວງອຸດົມໄຊ ແລະ ຮ່ານາມ ສສ ຫວຽດນາມ ເພີ່ມທະວີສາຍພົວພັນຮ່ວມມືສອງຝ່າຍ
ແຂວງ ອຸດົມໄຊ ແລະ ແຂວງຮ່ານາມ ສສ ຫວຽດນາມ ເປັນແຂວງແຮກສ່ຽວ ກັນມາເປັນເວລາຫຼາຍປີ ແລະ ໃນວັນທີ 21 ພຶດສະພານີ້, ການນໍາຂັ້ນສູງສອງແຂວງ ດັ່ງກ່າວ ໄດ້ເຮັດວຽກຮ່ວມ ກັນຢູ່ ສສ ຫວຽດນາມ ຝ່າຍ ລາວ ນຳໂດຍທ່ານ ຄຳພັນ ເຜີຍຍະວົງ ກຳມະການສູນກາງພັກ,ເລຂາພັກແຂວງ, ເຈົ້າແຂວງອຸດົມໄຊ ຝ່າຍຫວຽດນາມ ນຳໂດຍສະຫາຍ ຫງວຽນ ບິ່ງຄວາງ ກຳມະການສູນກາງພັກ,ເລຂາພັກ ແຂວງຮ່ານາມເພື່ອແນໃສ່ ເສີມຂະຫຍາຍສາຍພົວພັນ ຮ່ວມມືຮອບດ້ານລະຫວ່າງ ສອງຊາດລາວ-ຫວຽດນາມ, ໂດຍສະເພາະແມ່ນສອງ ແຂວງອຸດົມໄຊ – ຮ່ານາມໃຫ້ ນັບມືນັບຫມັ້ນຄົງທະນົງແກ່ນ ແລະ ແໜ້ນແຟ້ນຍິ່ງໆຂຶ້ນ. ໃນໄລຍະຜ່ານມາເຫັນໄດ້ວ່າ ທັງສອງແຂວງໄດ້ມີ ການພົບປະ, ແລກປ່ຽນບົດຮຽນ ແລະ ໃຫ້ການຊ່ວຍເຫຼືອເຊິ່ງກັນ ແລະ ກັນຕະຫຼອດມາ ເຊັ່ນດ້ານການສຶກສາ, ການກໍ່ສ້າງພື້ນຖານໂຄງລ່າງ, ດ້ານກະສິກຳ ແລະ ອື່ນໆ. ຢ່າງມີໝາກຜົນຕະຫລອດມາ.
ໃນໂອກາດດັ່ງກ່າວການນໍາແຂວງອຸດົມໄຊ ໄດ້ເດີນທາງຢ້ຽມຢາມຕາແສງ ເຕັງເຊິ່ນ ເຊິ່ງຖືເປັນເຂດພັດທະນາຊົນນະບົດໃຫມ່ຂອງ ແຂວງຮ່ານາມລວມທັງສະຖານທີ່ທ່ອງທ່ຽວທາງດ້ານ ວັດທະນະທຳແຫ່ງໃຫມ່ທີ່ກຳລັງກໍ່ສ້າງ ແລະ ພັດທະນາ ເຊິ່ງມີເນື້ອທີ່ກວມ 1 ພັນກວ່າເຮັກຕາ.
