ຟອດເປີດງານກວດກາ ແລະ ຮັກສາລົດ (Owner clinic)
ໃນວັນທີ 18 ພຶດສະພານີ້, ບໍລິສັດ ລາວຟອດ ຊີຕີ ໄດ້ຈັດງານ ກວດກາ ແລະ ຮັກສາລົດ (Owner clinic), ຂຶ້ນທີ່ນະຄອນຫຼວງວຽງຈັນ, ເພື່ອໃຫ້ລູກຄ້າໄດ້ຮຽນຮູ້ວິທີການນໍາໃຊ້ລົດ ແລະ ການບໍາລຸງຮັກສາລົດດ້ວຍຕົນເອງໃນຍາມຝົນ ເພື່ອໃຫ້ລົດມີອາຍຸການໃຊ້ງານໄດ້ຍາວນານ.
ຊຶ່ງໃນງານດັ່ງກ່າວໄດ້ມີລູກຄ້າລາວຟອດທັງເກົ່າ ແລະ ໃໝ່ເຂົ້າຮ່ວມເປັນຈໍານວນຫຼວງຫຼາຍ ເພື່ອຮຽນຮູ້ກ່ຽວກັບເຄັດລັບໃນການຮັກສາລົດໃນຍາມຝົນ ເປັນຕົ້ນແມ່ນ ຄວາມສໍາຄັນຂອງເບຼກ ມັນເປັນສິ່ງສໍາຄັນຍິ່ງ ແລະ ຜູ້ໃຊ້ລົດບໍ່ຄວນເບິ່ງຂ້າມເຖິງຄວາມປອດໄພຂອງມັນ, ທັດລົງມາແມ່ນວິທີການກວດກາເບິ່ງຢາງລົດ ແລະ ວິທີການບໍາລຸງຮັກສາລົດຕາມໄລຍະ ເພື່ອເປັນຄວາມຮູ້ພື້ນຖານໃຫ້ແກ່ລູກຄ້າທີ່ຊື້ລົດໃໝ່.
ນອກນີ້, ຍັງມີຫຼາຍກິດຈະກິດໃຫ້ລູກຄ້າໄດ້ຮ່ວມມ່ວນຊື່ນ ເປັນຕົ້ນແມ່ນການຖາມ-ຕອບ ບັນຫາຕ່າງໆກ່ຽວກັບລົດ ເພື່ອຮັບຂອງລາງວັນຈາກສູນລາວຟອດ, ກິດຈະກໍາສ້າງຄວາມສາມັກຄີລະຫວ່າງລູກຄ້າດ້ວຍກັນ ແລະ ກິດຈະກໍາສໍາລັບເດັກ ດ້ວຍການແຕ້ມສີຕ່າງໆ, ນອກນີ້ຍັງໄດ້ມອບຂອງທີ່ລະນຶກ ແລະ ຄານປັດນໍ້າຝົນໃຫ້ແກ່ລູກຄ້າຜູ້ໂຊກດີ ແລະ ພິເສດໄດ້ມີການຈັບສະຫຼາກລຸ້ນຮັບເຄື່ອງໄຟຟ້າ ເປັນຕົ້ນແມ່ນ: ໂທລະພາບສີ 40 ນິ້ວ, ເຕົາໄມໂຄເວັບ, ໝໍ້ຫຸງເຂົ້າ, ເຄື່ອງປັ່ນໝາກໄມ້ ແລະ ເຄື່ອງໃຊ້ໄຟຟ້າອື່ນໆອີກຫຼາກຫຼາຍລາງວັນດ້ວຍກັນ.
ກິດຈະກໍາດັ່ງກ່າວ ເປັນງານບຸນໜຶ່ງສໍາລັບ ລາວຟອດ ຊີຕີ ທີ່ໄດ້ຈັດຂຶ້ນໃນທຸກໆ 3 ເດືອນ ເພື່ອເປັນການສົ່ງເສີມ ແລະ ຄືນກໍາໄລ່ໃຫ້ລູກຄ້າຜູ້ມາໃຊ້ບໍລິການໃຫ້ມີຄວາມປະທັບໃຈ.
