ສະຫະພັນບານເຕະແຫ່ງຊາດຄັດເລືອກນັກກິລາຕົວແທນທີມຊາດລາວ U18

ໃນວັນທີ 18-19 ພຶດສະພານີ້, ສະຫະພັນບານເຕະແຫ່ງຊາດ ໄດ້ຈັດການແຂ່ງຂັນຄັດເລືອກເອົານັກກິລາເພື່ອເປັນຕົວແທນທີມຊາດລາວ U18 ຢູ່ທີ່ສະຫະພັນດັ່ງກ່າວ, ບ້ານຫ້ວຍຫົງ ນະຄອນຫລວງວຽງຈັນ, ຊຶ່ງມີນັກກິລາເຂົ້າຮ່ວມຄັດເລືອກ 200 ກວ່າຄົນຈາກທົ່ວປະເທດ.

          ສະຫະພັນດັ່ງກ່າວໃຫ້ຮູ້ວ່າ: ການຄັດເລືອກຄັ້ງນີ້ແມ່ນຄັດເອົານັກກິລາທີ່ມີສຸຂະພາບແຂງແຮງ, ມີຄວາມພ້ອມທັງຮ່າງກາຍ ແລະ ຈິດໃຈ, ເພື່ອເປັນຕົວແທນທີມຊາດລາວ U18 ທີ່ຈະໄດ້ໄປແຂ່ງຂັນຢູ່ປະເທດຫວຽດນາມ ແລະ ຄາດວ່າຈະຄັດເລືອກເອົາປະມານ 40 ກວ່າຄົນ. ນອກນີ້ທາງສະຫະພັນຍັງໄດ້ມີທີ່ພັກອາໄສ ແລະ ອາຫານການກິນໃຫ້ນັກກິລາທີ່ມາຮ່ວມຄັດເລືອກອີກດ້ວຍ.