ເນັ້ນຕື່ມການສອບເສັງຄັດເລືອກເອົາພະນັກງານລັດຖະກອນ

ໂດຍ: ທ່ຽງທຳ

ສະບາຍດີ, ເພື່ອນຜູ້ອ່ານ ທີ່ຮັກແພງ, ໃນສະພາບເສດຖະກິດຂອງປະເທດເຮົາພວມປະສົບບັນຫາຫຍຸ້ງຍາກຄື ປັດຈຸບັນນີ້, ພັກ-ລັດຖະບານໄດ້ພະຍາຍາມຮຽກຮ້ອງໃຫ້ທຸກພາກສ່ວນໃນສັງຄົມເພີ່ມທະວີການປະຢັດມັດທະຢັດ, ແຕ່ໃນອີກດ້ານໜຶ່ງກໍເຫັນວ່າ  ມີພະນັກງານລັດຖະກອນຈໍານວນໜຶ່ງຍັງບໍ່ທັນຮັບຮູ້ເລິກ ເຊິ່ງຕໍ່ມາດຕະການຮຽກຮ້ອງ ດັ່ງກ່າວ ແລະ ສຸດທ້າຍກໍຕົກເປັນທາດຂອງໄພສັງຄົມຈົນແກ້ໄຂໄດ້ຍາກ.

ສປປ ລາວ ຖືເປັນປະເທດທີ່ມີອັດຕາລັດຖະກອນ (ພະນັກງານຂອງລັດ) ຫລາຍກວ່າໝູ່ໃນປະເທດ ອາຊຽນອາດກວມເຖິງ 2- 3%, ສະນັ້ນໃນໄລຍະຜ່ານມາ ລັດຖະບານຈຶ່ງໄດ້ເອົາ ໃຈໃສ່ໃນການຄຸ້ມຄອງລັດຖະກອນໃຫ້ມີຄວາມຮູ້ ຄວາມ ສາມາດທາງດ້ານວິຊາສະເພາະໃນລະດັບແນ່ນອນ, ມີ ຄຸນສົມບັດສີນທໍາປະຕິວັດ ແລະ ປະລິມານພຽງພໍກັບ  ໜ້າທີ່ວຽກງານໃນຂົງເຂດຕ່າງໆ, ທັງຕ້ອງເປັນແບບ ຢ່າງທີ່ດີເພື່ອຮັບໃຊ້ປະຊາຊົນ. ແຕ່ປັດຈຸບັນເຫັນວ່າໄດ້ມີພະນັກງານລັດຖະກອນ ຈໍານວນໜຶ່ງໄດ້ເສື່ອມທາດ ຂາດຄຸນ ແລະ ຕິດໄພສັງຄົມຢ່າງໜັກໜ່ວງເປັນຕົ້ນ: ບັນຫາການສໍ້ລາດບັງຫລວງ, ຕິດການພະນັນ, ຫລີ້ນກິນ ຟູມເຟືອຍ, ຄ້າຂາຍເຖື່ອນ,  ພົວພັນຂາຍຢາເສບຕິດ ແລະ ອື່ນໆ ແຜ່ລາມເປັນປາກົດການຫຍໍ້ທໍ້ບໍ່ດີໃນສັງຄົມ, ດັ່ງກໍລະນີເກີດເຫດໄຟໄໝ້ ຫ້ອງການສູນໂພຊະນາການ ກະຊວງສາທາລະນະສຸກຊຶ່ງ ຕັ້ງຢູ່ບ້ານສີເມືອງ, ເມືອງສີ ສັດຕະນາກນະຄອນຫລວງ ວຽງຈັນ ເມື່ອວັນທີ 28 ເມສາ 2019 ຜ່ານມານີ້ ກໍແມ່ນພະນັກງານຂອງສູນ ດັ່ງກ່າວ ເປັນເພດຍິງສອງຄົນທີ່ຮ່ວມ ກັນລົງມືຈູດ ເພື່ອທໍາລາຍຂໍ້ ມູນຫລັກຖານ ຍ້ອນໄດ້ລັກ ເອົາເງິນຂອງຫ້ອງການລວມ ແລ້ວຫລາຍກວ່າ 1,4 ຕື້ກີບ ໄປຫລີ້ນການພະນັນຈົນໝົດ ເມື່ອຢ້ານຄວາມຜິດຄິດຫຍັງ ບໍ່ອອກກໍລົງມືກະທໍາໃນສິ່ງທີ່ ບໍ່ດີຄືດັ່ງກ່າວ.

ຈາກບັນຫານີ້, ມັນສະ ທ້ອນໃຫ້ເຫັນວ່າການຄຸ້ມຄອງກວດກາລັດຖະກອນ ຂອງເຮົາບາງຂະແໜງການຍັງບໍ່ທັນເຂັ້ມງວດ, ດັ່ງນັ້ນໃນ ຕໍ່ໜ້ານີ້ການສອບເສັງຄັດເລືອກເອົາພະນັກງານລັດຖະກອນຕ້ອງໄດ້ເຂັ້ມງວດຂຶ້ນ ຕື່ມເພື່ອໃຫ້ໄດ້ຜູ້ທີ່ເກັ່ງ, ມີຄຸນສົມບັດດີ ແລະ ມີລະບຽບວິໄນ. ສ່ວນຜູ້ທີ່ມັນຈັງໄຮ ມີແຕ່ແນວຄິດຢາກສໍ້ລາດບັງຫລວງ, ສວຍໂອກາດເອົາ ໜ້າທີ່ຕໍາແໜ່ງເພື່ອສ້າງຜົນ ປະໂຫຍດສ່ວນຕົວ ຫລື ສ້າງ ຄວາມເສື່ອມເສຍຈົນເຮັດໃຫ້ປະຊາຊົນຂາດຄວາມເຊື່ອ ໝັ້ນຕໍ່ພັກ-ລັດເຮົານັ້ນຕ້ອງໄດ້ແກ້ໄຂຢ່າງເດັດຂາດ./.