ກຽມສະຫລອງວັນວິສາຂະບູຊາ ກາງເດືອນພຶດສະພານີ້ ທີ່ເດີ່ນທາດຫລວງ

  ຂປລ. ໃນວັນທີ 7 ພຶດສະພານີ້, ສູນກາງອົງການພຸດທະສາສະໜາສໍາພັນແຫ່ງ ສປປ ລາວ ແລະ ສູນກາງ ແນວລາວສ້າງຊາດໄດ້ຖະແຫລງວ່າ: ຈະມີການສະຫລອງວັນວິສາຂະບູຊາ ປະຈໍາປີພຸດທະສັກກະລາດ 2562 ລະຫວ່າງວັນທີ 16 -18 ພຶດສະພານີ້, ທີ່ເດີ່ນທາດຫລວງ, ເຊິ່ງຄາດວ່າ: ຈະມີພະສົງ 500 ກວ່າອົງ, ມີການນຳ ແລະ ມວນຊົນ ຊາວນະຄອນຫລວງວຽງຈັນເຂົ້າຮ່ວມເປັນຈຳນວນຫລາຍ ເຊິ່ງໃນງານດັ່ງກ່າວ ຍັງຈະມີການສະແດງສິລະປະວັນນະຄະດີລາວ ແລະ  ຈາກປະເທດໄທ ເພື່ອການກຸສົນອີກດ້ວຍເຊິ່ງລາຍລະອຽດມີຄື: ມື້ຂຶ້ນ 13 ຄ່ຳ ເດືອນ 6 ລາວ ກົງກັບວັນພະຫັດວັນທີ 16 ພຶດສະພາເວລາ 8:00 ໂມງ ເປັນຕົ້ນໄປຮ່ວມໂມທະນາບຸນຮ່ວມບໍລິຈາກ ທານຈະຕຸປັດໄຈອາຫານ,  ນ້ຳດື່ມຕ່າງໆ ຕາມກຳລັງສັດທາຂອງຕົນ ທີ່ຜາມພີທີໜ້າຫໍທໍາມະສະພາ ເວລາ 17:00 ໂມງສູດປະລິຕະມຸງ ຄຸນ ຟັງທໍາມະເທດສະ ໜາ, ເວລາ 19:00 ໂມງຊົມການສະແດງສິລະປະວັດທະນະທໍາລາວ ແລະ ວັດທະນະທຳອາຊຽນກ່ຽວກັບວັນວິສາຂະບູຊາ, ພ້ອມຊົມງານມະຫະກໍາຄອນເສີດການກຸສົນ ອັນຍິ່ງໃຫຍ່.

ມື້ຂຶ້ນ 14 ຄ່ຳ ເດືອນ 6 ກົງກັບ ວັນທີ 17 ພຶດສະພາ  ເວລາ 8:00 ໂມງ ເປັນຕົ້ນໄປຮ່ວມໂມທະນາບຸນຮ່ວມບໍລິ ຈາກທານ ທີ່ຜາມພີທີໜ້າຫໍ ທໍາມະສະພາ ເວລາ 12:30 ໂມງນິມົນພະສົງ- ສາມະ ເນນ, ເຊີນການນຳພັກ-ລັດ ບັນດາທູດ ຈາກປະເທດຕ່າງໆ ນັກຮຽນ-ນັກສຶກສາ ແຂກຖືກເຊີນ, ສື່ສານມວນ ຊົນ ແລະ ປະຊາຊົນທັງພາຍ ໃນ ແລະ ຕ່າງປະເທດເດີນທາງເຂົ້າສູ່ຫໍປະຊຸມແຫ່ງຊາດ, ເວລາ 13:30 ໂມງ ຊົມການສະແດງສິລະປະວັດທະນະທໍາກ່ຽວກັບງານວັນ ວິສາຂະບູຊາ, ເວລາ 14:00 ໂມງເປີດງານບຸນວັນວິສາ ຂະບູຊາ ຂຶ້ນຢ່າງເປັນທາງ ການ, ເວລາ 14:30 ໂມງ ຟັງປາຖະກະຖາທໍາໃຫຍ່ໃນເລື່ອງ “ວັນວິ ສາຂະບູຊາກັບ ຄຸນຄ່າງທາງຈະລິຍະທໍາ ການດຳລົງຊີວິດ” ໂດຍພະ ອາຈານໃຫຍ່ ດຳຣົງ ພິມມະຈັກ, ເວລາ 16:30 ໂມງສຳເລັດພິທີເປີດງານບຸນຢ່າງ ເປັນທາງການ ທີ່ຫໍປະຊຸມແຫ່ງຊາດ, ເວລາ 18:30 ໂມງເຕົ້າໂຮມພະສົງ- ສາມະເນນ, ນັກຮຽນ-ນັກສຶກສາ ປະຊາຊົນໄປທີ່ໜ້າຫໍທໍາມະສະພາເວລາ 19:00  ໂມງປະຕິບັດທໍານຸ່ງຂາວ- ຫົ່ມຂາວໄຫວ້ພະສູດມົນຈະເລີນພາວະນາຈົນສົມ ຄວນແກ່ເວລາ./.