ກະຊວງສຶກສາອອກແຈ້ງການແນະນໍາການສອບເສັງຂອງນັກຮຽນສາມັນປະຖົມສຶກສາ ປະຈໍາ ສົກຮຽນ 2018-2019
ໃນວັນທີ 3 ພຶດສະພານີ້, ກະຊວງສຶກສາທິການ ແລະ ກິລາ ໄດ້ອອກແຈ້ງການແນະນໍາ ກ່ຽວກັບການສອບເສັງດັ່ງກ່າວ ໃນສົກຮຽນ 2018-2019 ໃຫ້ມີຄວາມໂປ່ງໃສ, ຍຸຕິທໍາ ແລະ ມີຄວາມເປັນເອກະພາບ ແລະ ໄດ້ດໍາເນີນໄປດ້ວຍຄຸນນະພາບສູງ. ສໍາລັບຊັ້ນມັດຖະຍົມສຶກສາ ຈະໄດ້ຈັດຂຶ້ນໃນເດືອນ ພຶດສະພາ ແລະ ຊັ້ນມັດທະຍົມສຶກສາ ຈະໄດ້ຈັດຂຶ້ນໃນເດືອນ ມິຖຸນາ. ສ່ວນການສອບເສັງຈົບຊັ້ນປະຖົມສຶກສາ ຈະໄດ້ຈັດຂຶ້ນໃນລະຫວ່າງ ວັນທີ 28-29 ພຶດສະພານີ້, ລວມມີ 3 ວິຊາຄື: ພາສາລາວ, ຄະນິດສາດ ແລະ ໂລກອ້ອມຕົວ. ສ່ວນຊັ້ນມັດທະຍົມສຶກສາ (ມ4), ຈະໄດ້ຈັດຂຶ້ນໃນລະຫວ່າງ ວັນທີ 19-20 ມິຖຸນານີ້, ລວມມີ 6 ວິຊາຄື: ພາສາລາວ-ວັນນະຄະດີ, ສຶກສາພົນລະເມືອງ, ວິທະຍາສາດທໍາມະຊາດ, ວິທະຍາສາດສັງຄົມ, ຄະນິດສາດ ແລະ ພາສາອັງກິດ. ສໍາລັບມັດທະຍົມຕອນປາຍ (ມ7) ຈະໄດ້ຈັດຂຶ້ນໃນລະຫວ່າງວັນທີ 25-27 ມິຖຸນາ, ມີ 4 ວິຊາຄື: ພາສາລາວ-ວັນນະຄະດີ, ເລືອກ ທໍາມະຊາດ, ຄະນິດສາດ ແລະ ເລືອກ ສັງຄົມ ໄດ້.
