ຊ້າງນ້ອຍ ເອັຟຊີ ຖະຫລົ່ມ ມາສເຕີ 7 ເອັຟຊີ 4-0
ສະໂມສອນຊ້າງນ້ອຍ ເອັຟຊີ ລົງສະໜາມທຳອິດສາມາດຖະຫລົ່ມສະໂມສອນ ມາສເຕີ 7 ເອັຟຊີ 4-0 ໃນທ້າຍອາທິດຜ່ານມາ ຂອງການແຂ່ງຂັນເຕະບານດີວິຊັນ 1 ຫລື ເຕະບານ ສາຍ ກ.
ການແຂ່ງຂັນເຕະບານສາຍ ກ ເລີ່ມຂຶ້ນໃນວັນທີ 4 ພຶດສະພາຜ່ານມາ ເຊິ່ງມີ 12 ສະໂມສອນເຂົ້າຮ່ວມ ເຊິ່ງປະກອບມີ: ສະໂມສອນ ທຣີນີຕີ ເອັຟຊີ, ສະໂມສອນ ເຄພີເອັສ ເອັຟຊີ, ສະໂມສອນ ມຊ ເອັຟຊີ, ສະໂມສອນ ວຽງຈັນ ເອັຟຊີ, ສະໂມສອນ ວິທະຍາໄລ ເຄວສ ຢູໄນເຕັດ, ສະໂມສອນ ແບລາວ ເອັຟຊີ, ສະໂມສອນ ວຽງຈັນ ເອັຟຊີ ຈາກແຂວງວຽງຈັນ, ສະໂມສອນ ປກສ ເອັຟຊີ (ແຊ້ມເກົ່າ), ສະໂມສອນ ກອງທັບ ເອັຟຊີ, ສະໂມສອນ ມາສເຕີ້ ເຊເວັ້ນ ເອັຟຊີ, ສະໂມສອນ ຊ້າງນ້ອຍ ເອັຟຊີ ແລະ ສະໂມສອນ ນະຄອນຫລວງວຽງຈັນ ເອັຟຊີ.
ສຳລັບການແຂ່ງຂັນທ້າຍອາທິດຜ່ານມາ ມີ 6 ຄູ່ຄື: ສະໂມສອນ ເຄພີເອັສ ເສຍໃຫ້ ສະໂມສອນ ມຊ 1-4, ສະໂມສອນ ທີນີຕີ ເສຍໃຫ້ ສະໂມສອນ ນະຄອນຫລວງວຽງຈັນ ແລະ ສະໂມສອນ ຊ້າງນ້ອຍ ເອັຟຊີ ຖະຫລົ່ມ ສະໂມສອນ ມາສເຕີ 7 ເອັຟຊີ 4-0. ຂະນະທີ່ ມື້ເປີດການແຂ່ງຂັນ ສະໂມສອນ ປກສ ເອັຟຊີ ຊະນະ ວຽງຈັນ ເອັຟຊີ 2-0, ສະໂມສອນ ກອງທັບ ຖະຫລົ່ມ ສະໂມສອນ ວິທະຍາໄລ ເຄວສ ຢູໄນເຕັດ 4-0 ແລະ ສະໂມສອນ ແບລາວ ສະເໝີ ສະໂມສອນ ວຽງຈັນ ເອັຟຊີ 1-1.
