ລາວ ໂທລະຄົມ ມອບລາງວັນລົດໃຫຍ່ TOYOTA Revo ໃຫ້ລູກຄ້າຜູ້ໂຊກດີ ໃນໂຄງການ “ຂູດບັດລຸ້ນໂຊກ” ຄັ້ງທໍາອິດໃນປີ 2019

ພິທີມອບລາງວັນລົດໃຫຍ່ TOYOTA Revo ໃຫ້ລູກຄ້າຜູ້ໂຊກດີ ໃນໂຄງການ “ຂູດບັດລຸ້ນໂຊກ” ຂອງ ລາວ ໂທລະຄົມ, ໄດ້ຈັດຂຶ້ນໃນວັນທີ 29 ເມສານີ້, ຢູ່ນະຄອນຫຼວງວຽງຈັນ ໂດຍທ່ານ ຈິດປະສົງ ໜູແກ້ວໄກສອນ ຮອງອໍານວຍການໃຫຍ່ ບໍລິສັດ ລາວໂທລະຄົມມະນາຄົມ ມະຫາຊົນ, ໄດ້ມອບລົດໃຫຍ່ຄັນດັ່ງກ່າວໃຫ້ຜູ້ໂຊກດີ ຈາກການຂູດບັດຕື່ມເງິນ ມູນຄ່າ 10 ພັນກີບ ໄດ້ແກ່ທ່ານ ຄໍາແດງ ໄທແກ່ນ ບ້ານ ໃໝ່ ເມືອງຊຽງຮ່ອນ ແຂວງໄຊຍະບູລີ. ຊຶ່ງເປັນລາງວັນລົດໃຫຍ່ຄັນທໍາອິດ ທີ່ລູກຄ້າໄດ້ຮັບຈາກໂຄງການຂູດບັດລຸ້ນໂຊກ ໃນປີ 2019 ນີ້ ແລະ ເປັນລາງວັນລົດໃຫຍ່ຄັນທີ 9 ທີ່ລາວ ໂທລະຄົມ ໄດ້ມອບເປັນການຄືນກໍາໄລໃຫ້ກັບລູກຄ້າ ນັບແຕ່ມື້ເລີ່ມຕົ້ນໂຄງການ ມາແຕ່ວັນທີ 25 ພະຈິກ 2011 ຊິ່ງລວມມີຂອງລາງວັນທັງໝົດ 160.000 ກວ່າລາງວັນໃນເບື້ອງຕົ້ນ ແລະ ໄດ້ເພີ່ມຈໍານວນລາງວັນ ແລະ ມູນຄ່າຂອງລາງວັນຂຶ້ນເລື່ອຍໆໃນແຕ່ລະປີ ຊິ່ງມີລາງວັນສູງສຸດຄືລົດໃຫຍ່.

    ນັບແຕ່ເລີ່ມຕົ້ນມາເຖິງປັດຈຸບັນມີລູກຄ້າຖືກລາງວັນຈາກລາວ ໂທລະຄົມ ມີຫຼາຍກວ່າ 5 ລ້ານລາງວັນ ໃນນັ້ນ, ມີ ລົດໃຫຍ່ TOYOTA Fortuner 3 ຄັນ, TOYOTA Revo 1 ຄັນ, ລົດໃຫຍ່ Hyundai Accent Blue 2 ຄັນ, ລົດໃຫຍ່ Chevrolet sail Hatchback 3 ຄັນ, ລົກຈັກ Honda Wave 100 ຫຼາຍກວ່າ 350 ຄັນ ແລະ ຂອງລາງວັນອື່ນໆອີກຫຼາກຫຼາຍລາງວັນດ້ວຍກັນ.

    ສ່ວນຂອງລາງວັນທີ່ຍັງເຫຼືອຢູ່ລວມມີ ລົດໃຫຍ່ TOYOTA Fortuner 1 ຄັນ, Revo 1 ຄັນ, ລົດເກັງ All New VIOS 2 ຄັນ ແລະ ຂອງລາງວັນອື່ນໆອີກຢ່າງຫຼວງຫຼາຍ ລໍຖ້າທ່ານເປັນເຈົ້າຂອງຢູ່, ຈຶ່ງຂໍເຊີນຮ່ວມຊີງໂຊກນໍາກັນຕໍ່ໄປ ວ່າທ່ານໃດຈະໄດ້ເປັນເຈົ້າຂອງລາງວັນລົດໃຫຍ່ຄົນຕໍ່ໄປ.