ວິທີແກ້ອາການມືຊາຂອງຄົນເຮັດວຽກຫ້ອງການ

   ປັດໄຈທີ່ເຮັດໃຫ້ເກີດອາການມືຊາຂອງກຸ່ມຄົນເຮັດວຽກຫ້ອງການແມ່ນການພິມວຽກໂດຍບໍ່ປັບປ່ຽນທ່າທາງ ຂໍ້ມືຈຶ່ງຢູ່ໃນລັກສະນະແອນ ແລະ ງໍເກືອບໝົດມື້, ການຈັບເມົ້າທີ່ມີຂະໜາດບໍ່ພໍດີກັບຂໍ້ມື ກໍເຮັດໃຫ້ມີອາການເກັງຂອງຂໍ້ມືໄດ້ຄືກັນ.

    ອາການມືຊາມີ  3 ໄລຍະ ຄື :

    – ໄລຍະທີ 1 ຊາບໍລິເວນນິ້ວມື ມັກເປັນຢູ່ນິ້ວໂປ້, ນິ້ວຊີ້ ແລະ ນິ້ວກາງ ສັ່ນຂໍ້ມື ອາການຈະເລີ່ມດີຂຶ້ນ.

     – ໄລຍະທີ 2 ຊາຫລາຍເທື່ອ ມັກປວດໆບໍລິເວນມື ແລະ ປວດຫລາຍຂຶ້ນຕອນກາງຄືນ.

     – ໄລຍະທີ 3 ເຮັດສິ່ງຂອງຫລຸດອອກຈາກມື.

     ການບຳບັດປິ່ນປົວໃຫ້ເລີ່ມຈາກປ່ຽນແປງໂຕເອງຢູ່ຫ້ອງການ ພະຍາຍາມເຄື່ອນໄຫວນິ້ວມືເລື້ອຍໆ, ອອກກຳລັງກາຍໃຫ້ຂໍ້ມືໂດຍການຖົກຂໍ້ມື ແລະກຳນິ້ວມືຄ້າງໄວ້ 10 ວິນາທີ ຈາກນັ້ນກາງອອກໃຫ້ສຸດ 10 ວິນາທີ ເຮັດແບບນີ້ສະຫລັບກັນ 20 ເທື່ອ ແລະ ຄວນຫາອຸປະກອນໝາກບານບໍລິຫານມື (Wrist Ball)ຫລືໝອນຮອງຂໍ້ມືຕິດໂຕະເຮັດວຽກໄວ້ ແລະ ໃຊ້ໃຫ້ເກີດປະໂຫຍດ, ປ່ຽນທ່າທາງທຸກ 30 – 45 ນາທີ ເພື່ອຜ່ອນຄາຍກ້າມຊີ້ນ ຫາກອາການບໍ່ດີຂຶ້ນໃຫ້ໄປພົບແພດ.