ຈັດ ທຣຳ ຊະນະ ມາໂກ ຟູ 10-8 ເຟຣມ ຄວ້າແຊ໊ມສະນຸກເກີ ແລດໂບຣກ ເພລເຢີ

ການແຂ່ງຂັນສະນຸກເກີສະສົມຄະແນນໂລກ ລາຍການ ແລດໂບຣກ ເພລເຢີ ແຊ໊ມປຽນ ຊິບ ເຊິ່ງນຳເອົານັກສະນຸກເກີ 16 ຄົນຜົນງານດີທີ່ສຸດໃນລະດູການນີ້ມາປະທະສີມືກັນ ທີ່ເມືອງລຽນ ດັດໂນ ປະເທດເວລ ໃນວັນທີ 12 ມີນາຜ່ານມາ ເປັນການແຂ່ງຂັນ ຮອບຊີງຊະນະເລີດ ໃຊ້ລະບົບຊະ ນະ 10 ໃນ 19 ເຟຣມ ໂດຍເປັນ ການພົບກັນລະຫວ່າງ ຈັດ ທຣຳ ຊາວ ອັງກິດ ກັບ ມາໂກ ຟູ ຈາກ ຮົງກົງ.

ຜົນປາກົດວ່າ ຟູ ອອກຄິວ ໄດ້ດີຂຶ້ນນຳກ່ອນ 5-2 ເຟຣມ ກ່ອນທີ່ ທຣຳ ຈະຮືດເກັບ 2 ເຟຣມສຸດທ້າຍ ຈົບເຊສຊັ່ນທຳ ອິດ ຟູ ນຳ ທຣຳ 5-4 ເຟຣມ. ສ່ວນໃນເຊສຊັ່ນສຸດທ້າຍ ທຣຳ ເກັບ 4 ເຟຣມລວດ ຂຶ້ນນຳ 8-4 ເຟຣມ ແລະ ຂຶ້ນແທ່ນທີ 9-8 ເຟຣມ ກ່ອນທີ່ ທຣຳ ຈະເບຣກ 53 ຄະແນໃນເຟຣມທີ 18 ແລະ ຊະນະໄປ 102-0 ຄະແນນ ສົ່ງຜົນໃຫ້ ທຣຳ ຊະນະ ຟູ 10-8 ເຟຣມ ຄວ້າແຊ໊ມໄປຄອງ ຖືເປັນ ແຊ໊ມລາຍການສະສົມຄະແນນ ໂລກລາຍການທີ 2 ຂອງລາວເອງໃນລະດູການນີ້ ຫລັງຈາກ ຄວ້າແຊ໊ມ ຢູໂຣປຽນ ມາສເຕີ ທີ່ໂຣມາເນຍ ເມື່ອເດືອນຕຸລາປີຜ່ານມາ ແລະ ເປັນແຊ໊ມລາຍການສະສົມຄະແນນໂລກລາຍການທີ 7 ນອກຈາກນີ້ຍັງເຮັດໃຫ້ລາວຍ້າຍຂຶ້ນເປັນມືວາງອັນດັບ 2 ຂອງໂລກນຳອີກ.