6 ນັກກິລາເຂົ້າຊີງລາງວັນນັກເຕະ ແຫ່ງລະດູການ 2018-19 ພຣີເມຍລີກ ອັງກິດ
ການແຂ່ງຂັນບານເຕະ ພຣີເມຍລີກ ອັງກິດ ລະດູການ 2018-19 ໃກ້ຈະສິ້ນສຸດໃນເດືອນພຶດສະພານີ້, ການລຸ້ນແຊ້ມ, ການຍາດຊີງອັນດັບ 3-4 ເພື່ອໂກຕ້າໄປແຊມປ້ຽນລີກ ກຳລັງມ່ວນມັນ ແລະ ອາດລຸ້ນກັນຈົນເຖິງນັດສຸດທ້າຍ.
ປັດຈຸບັນ ຝ່າຍຈັດການແຂ່ງຂັນ ແລະ ແຟນບານທົ່ວໂລກ ໄດ້ຄັດເລືອກເອົາ 6 ນັກເຕະເຂົ້າຊີງລາງວັນນັກເຕະດີເດັ່ນແຫ່ງປີຂອງພຣີເມຍລີກລະດູການນີ້ ປະກອບມີ: 3 ນັກເຕະຈາກແຊ້ມເກົ່າ ແມນເຊັສເຕີ ຊິຕີ້: ຣາຮີມ ສະເຕີລິ້ງ, ເຊີຈີໂອ້ ອາເກວໂຣ ແລະ ແບນາໂດ້ ຊິນວາ ພ້ອມກັບ 2 ນັກເຕະຈາກ ລິເວີພູລ ຜູ້ທ້າຊີງ: ຊາດີໂອ ມາເນ່ ແລະ ເວີຈິວ ຟານໄດ໋ ແລະ 1 ນັກເຕະຈາກ ເຊລຊີ ຄື: ເອເດັນ ອາຊາ ເຈົ້າຂອງລາງວັນນີ້ລະດູການ 2014-15.
ສ່ວນ 6 ນັກເຕະເຂົ້າຊີງລາງວັນດາວຮຸ່ງດີເດັ່ນແຫ່ງປີ ປະກອບມີ: ຣາຮີມ ສະເຕີລິ້ງ ເຂົ້າຊີງສອງລາງວັນ ທັງທົ່ວໄປ ແລະ ດາວຮຸ່ງ ແລະ ແບນາໂດ້ ຊິນວາ ເພື່ອນຮ່ວມທີມ ຊາວປ໋ອກຕຸຍການ ລວມທັງ ມາຣຄັສ ຣາສຟ໋ອດ ຈາກແມນຢູ, ເທັນ ອາເລັກຊານເດີ ອາໂນລ ຈາກລິເວີພູລ, ເດວິດ ບຣຸກສ໌ ຈາກບຣອນມັດ ແລະ ເດຄານ ໄຣຊ ຈາກເວັສແຮມ ຢູໄນເຕັດ.
ການປະກາດລາງວັນຈະມີຂຶ້ນໃນວັນທີ 28 ເມສານີ້.
