ປະເທດທີ່ມີຄົນເສຍຊີວິດຍ້ອນ ອຸປະຕິເຫດລົດຈັກຫລາຍທີ່ສຸດໃນໂລກ
# ລູກເມືອງພວນ
ອີງຕາມຂໍ້ມູນຂອງອົງການແພດສາກົນ (WHO) ໃຫ້ຮູ້ວ່າ: ມີ 10 ປະເທດທີ່ມີຄົນເສຍຊີວິດຍ້ອນອຸປະຕິເຫດລົດຈັກຫລາຍທີ່ສຸດໃນໂລກ, ໃນນັ້ນ ໄທ ເປັນປະເທດນຳໜ້າໝູ່ ,ແຕ່ບໍ່ມີລາວ.
ການຊົມໃຊ້ລົດຈັກຫລາຍ ບໍ່ສະເພາະມີແຕ່ລາວ ຍັງມີຫລາຍຊາດຕື່ມອີກທີ່ນຳໃຊ້ລົດຈັກກວມ 50% ເປັນພາຫະນະຕົ້ນຕໍໃນການເດີນທາງ. ອົງການແພດສາກົນຊີ້ແຈງວ່າ: ມີ 10 ປະເທດທີ່ມີອັດຕາສ່ວນຄົນເສຍຊີວິດຍ້ອນອຸປະຕິເຫດລົດຈັກຫລາຍທີ່ສຸດໃນໂລກ, ໃນນັ້ນ ມີ 4 ປະເທດຂອງອາຊຽນ ແຕ່ບໍ່ປາກົດມີລາວ.
1. Thailan: ປະເທດໄທມີລົດຈັກປະມານ 20,5 ລ້ານຄັນທີ່ມີທະບຽນທີ່ຖືກຕ້ອງຕາມກົດໝາຍ, ແຕ່ໃນນັ້ນຜູ້ທີ່ໃສ່ໝວກກັນກະທົບໃນເວລາຂັບຂີ່ມີພຽງແຕ່ 15% ເທົ່ານັ້ນ ແລະ 20% ຜູ້ຊ້ອນທ້າຍ. ຄົນເສຍຊີວິດຍ້ອນອຸປະຕິເຫດລົດຈັກກວມ 74,4% ເປັນສະຖິຕິສູງສຸດໃນໂລກ.
2. Indonesia: ມີຄົນເສຍຊີວິດຍ້ອນອຸປະຕິເຫດລົດຈັກກວມທີສອງຂອງໂລກຖັດຈາກໄທ ກວມ 73,6%. ປະເທດນີ້ບໍ່ໄດ້ມີກົດບັງຄັບໃຫ້ຜູ້ຂີ່ລົດຈັກໃສ່ໝວກກັນກະທົບ, ແຕ່ມີຜູ້ຕື່ນຕົວໃສ່ໝວກກັນກະທົບເວລາຂີ່ລົດຈັກກວມ 71%.
3. Campuchia: ກຳປູເຈຍເປັນປະເທດທີສາມທີ່ມີຄົນເສຍຊີວິດຍ້ອນອຸປະຕິເຫດລົດຈັກ, ປະເທດນີ້ມີລົດຈັກທັງໝົດປະມານ 2 ລ້ານກວ່າຄັນທີ່ຈົດທະບຽນຖືກຕ້ອງຕາມກົດໝາຍ. ປະເທດນີ້ກໍບໍ່ໄດ້ມີກົດບັງຄັບໃຫ້ຜູ້ຂີ່ລົດຈັກໃສ່ໝວກກັນກະທົບ. ພິເສດຜູ້ທີ່ຂີ່ລົດຈັກຢູ່ປະເທດກຳປູເຈຍຈະໃສ່ໝວກກັນກະທົບສະເພາະແຕ່ມື້ເວັນເທົ່ານັ້ນ ກວມ 70%. ປະເທດກຳປູເຈຍມີຄົນເສຍຊີວິດຍ້ອນເກີດອຸປະຕິເຫດລົດຈັກກວມ 73,5%.
4. ສາທາລະນະລັດ Togo: ເປັນປະເທດນອນຢູ່ໃນທະວີບອາຟຣິກາ, ທົ່ວປະເທດມີລົດຈັກປະມານ 45.341 ຄັນທີ່ມີທະບຽນຖືກຕ້ອງ, ກວມ 66% ຂອງພາຫະນະທັງໝົດ ແຕ່ວ່າມີຄົນເສຍຊີວິດຍ້ອນເກີດອຸປະຕິເຫດລົດຈັກກວມ 71,6%. ປະເທດນີ້ຖືວ່າເປັນປະເທດໜຶ່ງທີ່ມີຖະໜົນຫົນທາງຂີ້ຮ້າຍ ແລະ ອັນຕະລາຍທີ່ສຸດ.
5. ສາທາລະນະລັດ Dominica: ປະເທດນີ້ມີລົດຈັກທັງໝົດປະມານ 2,1 ລ້ານຄັນ ກວມ 54% ຂອງພາຫະນະທັງໝົດ. ປະເທດນີ້ໄດ້ມີກົດບັງຄັບໃຫ້ຜູ້ທີ່ຂີ່ລົດ 2 ລໍ້ຕ້ອງໃສ່ໝວກກັນກະທົບ, ແຕ່ວ່າມີພຽງ 27% ຜູ້ຂັບຂີ່ ແລະ 2% ຜູ້ຊ້ອນທ້າຍໃສ່ໝວກກັນກະທົບເທົ່ານັ້ນ. ມີຜູ້ເສຍຊີວິດຍ້ອນເກີດອຸປະຕິເຫດລົດຈັກກວມ 67%. ປີ 2013 ປະເທດນີ້ຖືກຈັດອັນດັບມີຄົນເສຍຊີວິດຍ້ອນເກີດອຸປະຕິເຫດລົດຈັກສູງສຸດຂອງໂລກ.
6. Myanmar: ເປັນປະເທດຂອງກຸ່ມອາຊຽນ. ຜູ້ທີ່ເສຍຊີວິດຍ້ອນເກີດອຸປະຕິເຫດລົດຈັກກວມ 64,8%. ປະເທດນີ້ມີລົດຈັກທີ່ຖືກຕ້ອງປະມານ 5,4 ລ້ານຄັນໃນຈຳນວນພາຫະນະທັງໝົດ 6,3 ລ້ານຄັນ ພາຫະນະປະເພດຕ່າງໆ, ມີພຽງແຕ່ 32% ຜູ້ຂັບຂີ່ ແລະ 27% ຜູ້ບໍລິການທີ່ຍອມໃສ່ໝວກກັນກະທົບ.
7. ສາທາລະນະລັດ Benin: ເບນິນ ເປັນປະເທດໃກ້ຄຽງກັບ ໂຕໂກ ຢູ່ທະວີບອາຟຣິກາ, ມີພາຫະນະທັງໝົດປະມານ 469.761 ຄັນ, ໃນນັ້ນ ມີລົດຈັກ 195.157 ຄັນ. ຜູ້ຂັບຂີ່ໃສ່ໝວກກັນກະທົບພຽງ 25% ແລະ 1% ແມ່ນຜູ້ບໍລິໂພກ. ມີຜູ້ເສຍຊີວິດກວມ 56,5% ຍ້ອນເກີດອຸປະຕິເຫດລົດຈັກ.
8. Colobia: ປະເທດນີ້ມີລົດຈັກປະມານ 7,5 ລ້ານຄັນ ກວມເອົາ 55% ຂອງພາຫະນະທັງໝົດ. ສະຖິຕິຕໍ່ອຸປະຕິເຫດຂອງຄົນປະເທດນີ້ຖືວ່າສູງສົມຄວນ, 96% ຜູ້ຂັບຂີ່ ແລະ 80% ຜູ້ບໍລິໂພກມີຄວາມຕື່ນຕົວໃສ່ໝວກກັນກະທົບ. ແຕ່ກໍມີເຖິງ 52,5% ຜູ້ເສຍຊີວິດຍ້ອນອຸປະຕິເຫດ.
9. Paraguay: ປະເທດນີ້ມີລົດຈັກປະມານ 567.388 ຄັນໃນຈຳນວນ 1,8 ລ້ານຄັນ, ພາຫະນະທັງໝົດກວມປະມານ 30%, ມີຜູ້ເສຍຊີວິດຍ້ອນອຸປະຕິເຫດລົດຈັກ 52,2%.
10. Sri Lanka: ມີພາຫະນະທັງໝົດ 6,8 ລ້ານຄັນ, ໃນນັ້ນ ລົດຈັກກວມ 71% ເທົ່າກັບ 4,8 ລ້ານຄັນ. ປະເທດນີ້ໄດ້ມີກົດບັງຄັບໃຫ້ຜູ້ຂັບຂີ່ໃສ່ໝວກກັນກະທົບ ແຕ່ກໍມີພຽງ 95% ເທົ່ານັ້ນທີ່ຍອມໃສ່, ມີຜູ້ເສຍຊີວິດຍ້ອນອຸປະຕິເຫດລົດຈັກກວມ 50,8%.
