ຄະນະນັກທ່ອງທ່ຽວ ສປ ຈີນ 1.000 ຄົນ ພູມໃຈທີ່ໄດ້ມາຢ້ຽມຢາມ ສປປ ລາວ
ຄະນະນັກທ່ອງທ່ຽວ ສປ ຈີນ 1.000 ຄົນ ຮູ້ສຶກ ພາກພູມໃຈຫລາຍ ທີ່ໄດ້ມາ ຢ້ຽມຢາມ ແລະ ທ່ອງທ່ຽວ ສປປ ລາວ, ພ້ອມທັງສະ ແດງຄວາມຂອບໃຈມາຍັງ ທຸກພາກສ່ວນ ທີ່ໄດ້ຕ້ອນຮັບ ຢ່າງອົບອຸ່ນ ແລະ ຈິງໃຈ.
ທ່ານ ຈ່າງ ຊີ່ ຫລົງຕາງ ໜ້າຄະນະ, ໄດ້ກ່າວໃນງານ ລ້ຽງຕ້ອນຮັບຂອງຝ່າຍລາວ ທີ່ໄດ້ຈັດຂຶ້ນໃນຄືນ ວັນທີ 7 ເມ ສານີ້, ທີ່ນະ ຄອນຫລວງວຽງ ຈັນ ວ່າ: ຂ້າພະເຈົ້າຮູ້ສຶກດີ ໃຈຫລາຍ ທີ່ໄດ້ນໍາພາຄະນະ ມາຢ້ຽມຢາມສັນທະວະໄມຕີ ຢູ່ ສປປ ລາວ ໃນຄັ້ງນີ້ ແລະ ຂໍຖືໂອກາດນີ້ສະແດງຄວາມຢື້ຢາມຖາມຂ່າວ ມາຍັງການ ນຳ, ບັນດາຫົວໜ່ວຍທຸລະ ກິດການທ່ອງທ່ຽວ ແລະ ປະ ຊາຊົນລາວທຸກຖ້ວນໜ້າ, ຂໍ ສະແດງຄວາມຂອບໃຈມາ ຍັງທຸກທ່ານ, ທຸກພາກສ່ວນ ທີ່ໄດ້ເສຍສະຫລະເວລາກະ ກຽມ ຕ້ອນຮັບດ້ວຍຄວາມ ອົບອຸ່ນນີ້.
ປະເທດລາວ ແລະ ຈີນ ມີສາຍນ້ຳ ແລະ ສາຍພູຕິດ ຈອດກັນ, ເປັນບ້ານ ພີ່ເມືອງ ນ້ອງ, ໃນໄລຍະ 58 ປີ ແຫ່ງ ການສ້າງຕັ້ງສາຍພົວພັນ ການທູດເປັນຕົ້ນມາ, ໃນດ້ານ ການເມືອງ ກໍມີການສະໜັບ ສະໜູນເຊິ່ງກັນ ແລະ ກັນ, ດ້ານເສດຖະກິດ ກໍມີການ ຮ່ວມມືກັນຢ່າງຮອບດ້ານ ບົນຈິດໃຈມິດ ຕະພາບທີ່ເປັນ ມູນເຊື້ອມາແຕ່ດົນນານ ແລະ ນັບມື້ກ້າວເຂົ້າສູ່ລວງເລິກ.
ໃນໄລຍະເຄິ່ງປີຜ່ານມາ, ປະທານປະເທດຂອງສອງ ປະເທດ ຈີນ-ລາວ ໄດ້ປະສົບຜົນສຳເລັດໃນການຢ້ຽມຢາມທາງລັດຖະກິດເຊິ່ງກັນ ແລະ ກັນ. ພ້ອມນີ້, ຍັງເຫັນ ດີເປັນເອກະພາບຮ່ວມກັນ ຕົກລົງເອົາປີ 2019 ເປັນປີ ທ່ອງທ່ຽວ ລາວ-ຈີນ, ເຊິ່ງພິທີເປີດປີທ່ອງທ່ຽວ ລາວ- ຈີນ ໄດ້ມີຂຶ້ນຢ່າງເປັນທາງ ການໃນເດືອນມັງກອນທີ່ຜ່ານມານີ້.
ໃນປີ 2018 ຜ່ານມາ, ປະຊາຊົນຂອງສອງປະເທດໄດ້ໄປມາຫາສູ່ກັນຫລາຍ ກວ່າ 1,1 ລ້ານເທື່ອຄົນ, ເຊິ່ງ ເຫັນວ່າໄດ້ມີການຂະຫຍາຍຕົວຂຶ້ນຢ່າງວ່ອງໄວ ແລະ ທັງສອງປະເທດ ໄດ້ມີການ ຮ່ວມມືກັນດ້ານວັດທະນະທຳ ແລະ ການທ່ອງທ່ຽວຢ່າງຕໍ່ ເນື່ອງ ແລະ ໝັ້ນຄົງ.
ໃນປີ 2019 ພາຍໃຕ້ປີ ທ່ອງທ່ຽວ ລາວ-ຈີນ, ສອງ ປະເທດ ລາວ ແລະ ຈີນຈະ ຂະຫຍາຍຂອບການຮ່ວມມືດ້ານວັດທະນະທຳ, ການທ່ອງທ່ຽວ ແລະ ອື່ນໆ ຫລາຍ ຂຶ້ນ, ໂດຍຈັດໃຫ້ມີການພົບ ປະແລກປ່ຽນກັນຫລາຍຂຶ້ນເພື່ອເພີ່ມທະວີຮັດແໜ້ນ ສາຍພົວພັນຮ່ວມມືຮອບດ້ານຂອງປະຊາຊົນສອງປະເທດ ໃຫ້ເລິກເຊິ່ງກວ່າເກົ່າ, ເພື່ອ ສ້າງໃບໜ້າໃໝ່ໃນການ ໄປມາຫາສູ່ກັນ ລະຫວ່າງປະຊາຊົນສອງຊາດໃຫ້ຫລາຍຂຶ້ນ.
ລາວ ແລະ ຈີນ ເປັນປະ ເທດບ້ານໃກ້ເຮືອນຄຽງທີ່ດີ, ເພື່ອນມິດທີ່ດີ, ສະຫາຍທີ່ດີ ແລະ ຄູ່ຮ່ວມມືທີ່ດີ, ການ ແລກ ປ່ຽນບົດຮຽນເຊິ່ງກັນ ແລະ ກັນຂອງປະຊາຊົນ ສອງຊາດ ກໍເປັນສ່ວນປະກອບອັນສຳ ຄັນໃນການປະຕິບັດທິດ 4 ດີດັ່ງກ່າວ./.
