ເປັນໄປຕາມຄາດ, ຄອນເຕ ຄວ້າລາງວັນຜູ້ຈັດການທີມດີເດັ່ນແຫ່ງປີຂອງ LMA

ອັນໂຕນິໂອ ຄອນເຕ ຜູ້ຈັດ ການທີມ ເຊລຊີ ໄດ້ຮັບເລືອກໃຫ້ ເປັນຜູ້ຈັດການທີມດີເດັ່ນແຫ່ງປີ ຂອງ ສະມາຄົມຜູ້ຈັດການທີມໃນ ລີກ ອັງກິດ ຫຼື (LMA).
ຄອນເຕ ຫາກໍເຂົ້າມາຄຸມ ທີມເປັນລະດູການທຳອິດ ແຕ່ ລາວກໍເຮັດຜົນງານໄດ້ຢ່າງສຸດ ຍອດຈົນພາທີມໄດ້ແຊ໊ມລີກໄປ ຄອງ ແຖມຍັງເຮັດໃຫ້ ເຊລຊີ ເປັນທີມທຳອິດທີ່ເກັບໄຊຊະນະ ໃນເກມລີກ ພຣີເມຍລີກ ຕໍ່ 1 ລະດູການໄດ້ເຖິງ 30 ນັດນຳອີກ.
ຈາກຜົນງານດັ່ງກ່າວ ເຮັດ ໃຫ້ ຄອນເຕ ໄດ້ຮັບເລືອກໃຫ້ເປັນ ເຈົ້າລາງວັນນີ້ ເອົາຊະນະຜູ້ທ້າຊີງ ຄົນອື່ນໆຢ່າງ ເມົາຣິຊິໂອ ໂປເຊັດ ຕິໂນ ຜູ້ຈັດການທີມ ທັອດແນມ ຮັດສະເປີ,ເອັດດີ ຮາວ ຜູ້ຈັດການ ທີມ ບອນມັດ, ໂທນີ ພູລິສ ຜູ້ຈັດ ການທີມ ເວສບຣອມວິດ ອັລ ບຽນ, ພອລ ຄລີແມນ ຜູ້ຈັດການ ທີມ ສະວອນຊີ ຊິຕີ ແລະ ຢອນ ໄດ ຜູ້ຈັດການທີມ ເບີນລີ.