ເບິ່ງນານາ ທັດສະນະກ່ຽວກັບບັນຫາໂສເພນີ
ໂດຍ: ວິເສດ ສະແຫວງສຶກສາ
ມື້ນີ້ຜູ້ຂຽນຕັ້ງໃຈຂຸດຄົ້ນເອົາບັນດາມາດຕະການ ຂອງປະເທດຈຳນວນໜຶ່ງ ໃນການຄຸ້ມຄອງຄວບຄຸມ ຫລື ເກືອດຫ້າມກ່ຽວກັບການຄ້າປະເວນີຢ່າງມີການຈັດຕັ້ງ. ຍັງຈຳໄດ້ດີວ່າ ໃນສະພາ ແຫ່ງຊາດຊຸດທີ 3 ມີ ສສຊ (ສະມາຊິກສະພາແຫ່ງຊາດ) ຍິງທ່ານໜຶ່ງ ສະເໜີ ຢ່າງຈິງຈັງມັງມໍກ່ຽວກັບ ການແກ້ໄຂບັນຫາໂສເພນີ ຢູ່ປະເທດພວກເຮົາໂດຍບອກວ່າຄວນເຮັດໃຫ້ການຄ້າປະເວນີຖືກກົດໝາຍ.
ຄຳສະເໜີນີ້ເຮັດໃຫ້ຜູ້ ແທນກອງປະຊຸມແປກໃຈພໍ ສົມຄວນເພາະບໍ່ຄິດວ່າຈະມີ ໃຜກ້າສະເໜີກ່ຽວກັບບັນຫາທີ່ກະທົບໄວ ດັ່ງກ່າວແຕ່ກໍຍອມຮັບວ່າເຫດຜົນຂອງ ສສຊ ຍິງທ່ານນີ້ເປັນແງ່ຄິດທີ່ໜ້າຟັງ.
ເຈົ້າຂອງຂໍ້ສະເໜີ ບອກວ່າການຄ້າປະເວນີທີ່ຖືກກົດໝາຍນັ້ນ ຈະເຮັດໃຫ້ການຄຸ້ມຄອງສະດວກເພາະມີກົດໝາຍຮອງຮັບ, ມີການຈົດທະບຽນຄັກແນ່ບໍ່ຊະຊາຍຢາຍໄປທຸກຈອກທຸກແຈ, ການຄວບຄຸມເຊື້ອ HIV -ໂລກເອດ ກໍຈະສະດວກນອກຈາກນັ້ນ ສັງຄົມກໍຈະຮູ້ວ່າໃຜແດ່ຊື້ບໍລິການ.
ສສຊ ຍິງທ່ານນັ້ນບອກ ວ່າ ດ້ວຍວິທີນີ້ຜູ້ຊື້ບໍລິການທີ່ເປັນພະນັກງານ, ເປັນບຸກ ຄົນມີໜ້າມີຕາຄົງບໍ່ກ້າໄປສະຖານທີ່ບໍລິການດັ່ງກ່າວ ເພາະລະອາຍສາຍຕາຂອງ ສັງຄົມ. ຖ້າມີການບໍລິການ ທາງເພດແບບລັບໆລີ້ໆ ຜູ້ ໄປຊື້ບໍລິການກໍຈະເຮັດແບບລັບໆລີ້ໆ.
ຂໍ້ສະເໜີແບບນີ້ ກໍເຄີຍມີ ຢູ່ ສສ ຫວຽດນາມ ຫວ່າງສອງສາມປີຜ່ານມາເວລາສະພາແຫ່ງຊາດຫວຽດນາມພິຈາລະນາ ເລື່ອງການລົງທຶນໃສ່ຂະແໜງການຕ່າງໆ ຜົນສຸດທ້າຍກົດໝາຍການ ລົງທຶນຫວຽດນາມໄດ້ກຳນົດຫ້າມການລົງທຶນເຂົ້າໃນ 11 ຂະແໜງການໃນນັ້ນລວມ ທັງຂົງເຂດການບໍລິການໂສ ເພນີ ເພາະຖືວ່າເປັນເລື່ອງທີ່ ຂັດກັບສິລະທຳ, ຮີດຄອງ ປະເພນີອັນດີງາມຂອງຊາດ ເປັນອັນວ່າການຄ້າປະເວນີ ຢູ່ ຫວຽດນາມ ນັ້ນເປັນສິ່ງຜິດ ກົດໝາຍ.
ຢູ່ ສປ ຈີນ, ການຄ້າໂສ ເພນີ ກໍເປັນສິ່ງຜິດກົດໝາຍ ເຊັ່ນກັນ ດັ່ງນັ້ນຈິ່ງບໍ່ແປກທີ່ມີຂ່າວກ່ຽວກັບການເລິກຮື້ບ່ອນມົ້ວສຸມທາງເພດ ເລື້ອຍໆ. ການລັກລອບຄ້າປະເວນີຢູ່ ຈີນນັ້ນ ມີລັກສະນະ ໄຮເທັກຄືເຮັດທາງອອນລາຍແຕ່ກໍໜີບໍ່ມົ້ມເງື້ອມມືຂອງ ເຈົ້າໜ້າທີ່ຕຳຫລວດທີ່ໃຊ້ລະບົບໄຮເທັກເໜືອກວ່າເພື່ອຈັບກຸ່ມທີ່ເປັນຫົວໂປ່ຈັດຕັ້ງ ແລະ ດຳເນີນກິດຈະການບໍລິການທາງເພດເຊັ່ນການເລີກຮື້ຂະບວນຄ້າໂສເພນີທາງອອນ ລາຍ ຢູ່ແຂວງກວງຕົງຫວ່າງ ບໍ່ພໍເທົ່າປີຜ່ານມານີ້.
ຢູ່ ປະເທດຝຣັ່ງ ນັ້ນກໍມີ ກົດໝາຍລົງໂທດການຄ້າປະເວນີ ທີ່ເຊື່ອມໂຍງກັບການ ຄ້າມະນຸດ. ກົດໝາຍໄດ້ກຳ ນົດໂທດປັບໄໝຜູ້ຊື້ບໍລິການ ເປັນຈຳນວນເງິນປະມານ 2.000 ໂດລາສະຫະລັດ (1.500 ຢູໂຣ) ຖ້າມີການ ເລືອກປະຕິບັດຕໍ່ໂສເພນີ.
ການຂາຍບໍລິການທາງ ເພດຢູ່ຝຣັ່ງນັ້ນຖືກຕ້ອງຕາມ ກົດໝາຍແຕ່ຫ້າມໂສເພນີ ອອກຊອກຊັກຊວນລູກຄ້າ ຢ່າງເປີດແປນຕາມຂ້າງຖະໜົນ, ຫ້າມນຳໃຊ້ນາຍໜ້າ ເພາະປ້ອງກັນບໍ່ໃຫ້ນາຍໜ້າ ສວຍໂອກາດຂູດຮີດຍິງໂສ ເພນີ ແລະ ກໍມີຂໍ້ຫ້າມຂາຍ ບໍລິການໃຫ້ກັບເຍົາວະຊົນ ອີກດ້ວຍ./.
