ຊີດານ ເນັ້ນ ຣີລ ມາດຣິດ ຕ້ອງມີ ວາຣານ ຢູ່ໃນທີມ
April 3, 2019 - 3:54 PM
ຊີເນດິນ ຊີດານ ຜູ້ຈັດການທີມ ຣີລ ມາດຣິດ ປະກາດຈະແຈ້ງວ່າ ບໍ່ຄິດຈະຂາຍ ຣາຟາແອລ ວາຣານ ກອງຫລັງຄົນດັງໃນໜ້າຮ້ອນນີ້ ພ້ອມລະບຸວ່າ ວາຣານ ບໍ່ເຄີຍບອກຕົນເອງວ່າບໍ່ມີຄວາມສຸກກັບທີມແລ້ວ.
ຊີເນດິນ ຊີດານ ຄູຝຶກ ຣີລ ມາດຣິດ ສະໂມສອນຍັກໃຫຍ່ແຫ່ງວົງການ ລາ ລີກາ ສະເປນ ຢືນຢັນວ່າຕົນເອງຕ້ອງການໃຫ້ ຣາຟາແອລ ວາຣານ ປາການຫລັງຊາວຝຣັ່ງຢູ່ກັບທີມຕໍ່ໄປ.
ອະນາຄົດຂອງ ວາຣານ ເປັນບັນຫາທີ່ຫລາຍຄົນໃຫ້ຄວາມສົນໃຈໃນໄລຍະຜ່ານມາ ຫລັງຈາກ ເລກິບ ສື່ຂອງຝຣັ່ງບອກວ່າ ລາວເລີ່ມຄິດຈະຍ້າຍທີມແລ້ວ ເພາະຕ້ອງການຫາຄວາມທ້າທາຍໃໝ່ໆ ໂດຍມີຫລາຍທີມທີ່ໃຫ້ຄວາມສົນໃຈລາວເຊັ່ນ: ແມນເຊັສເຕີ ຢູໄນເຕັດ ເປັນຕົ້ນ, ແຕ່ກ່ອນໜ້ານີ້ ຊີດານ ອອກມາບອກວ່າ ວາຣານ ຍັງມີຄວາມສຸກດີກັບທີມ.
