ໂນວັກ ພິກຕົກຮອບ 16 ຄົນ ເທັນນິສໄມອາມີ່ ໂອເພັນ
ການແຂ່ງຂັນເທັນນິສເອທີພີ ທົວ ມາສເຕີ 1000 ແລະ ດັບເບີ້ນຢູທີເອ ທົວ ລາຍການ ໄມອາມີ່ ໂອເພັນ ຢູ່ເມືອງ ໄມອາມີ່ ລັດຟໍລິດາ ສະຫະລັດອາເມລິກາ ໃນວັນທີ 26 ມີນາຜ່ານມາ ປະເພດຊາຍດ່ຽວ ຮອບ 16 ຄົນສຸດທ້າຍ ຜົນປາ ກົດວ່າ ໂນວັກ ຢໍໂຄວິດ ມື 1 ໂລກຈາກເຊີເບຍ ພິກລັອກເສຍ ໂຣເບໂຕ ເບົາຕິສຕາ ອາກຸດ ມື 22 ຂອງລາຍການຈາກ ສະເປັນ 1-2 ເຊັດ 1-6, 7-5, 6-3 ຕົກຮອບໄປຢ່າງພິກຄວາມຄາດໝາຍ ໂດຍນັກເທັນນິສຈາກສະເປນຈະຜ່ານເຂົ້າ ຮອບ 8 ຄົນສຸດທ້າຍໄປພົບກັບ ຈອນ ອິສເນີ ມື 7 ຈາກອາເມລິກາ ທີ່ເອົາຊະນະ ໄຄ ເອັດມຸນ ມື 19 ຈາກສະຫະລາຊະ ອານາຈັກ 2-0 ເຊັດ 7-6(7-5), 7-6(7-3) ຕໍ່ໄປ.
ຜົນຊາຍດ່ຽວ ຮອບ 16 ຄົນສຸດທ້າຍຄູ່ອື່ນ ເຟລິກ ອູເຊ-ອາເລຍຊິເມ (ການາດາ) ຊະນະ ນິໂຄລອດ ບາຊິລາວິລີ (ຈໍເຈຍ, ມື 17) 7-6(7-4), 6-4; ບໍນາ ຄໍຣິດ (ໂຄຣເອເຊຍ, ມື 11) ຊະນະ ນິກ ຄີກິອອດ (ອົດສະຕຣາລີ, ມື 27) 4-6, 6-3, 6-2; ເຄວິນ ແອນເດີສັນ (ອາຟຣິກາໃຕ້, ມື 6) ຊະນະ ຈໍແດນ ທອມສັນ (ອົດສະຕຣາລີ) 7-5, 7-5; ຟຣານເຊສ ຕິອາໂຟ (ອາເມລິກາ, ມື 28) ຊະນະ ດາວິດ ກອບແຟງ (ເບລຢ້ຽມ, ມື 18) 7-5, 7-6(8-6); ເດນິສ ຊາໂປວາລອບ (ການາດາ, ມື 20) ຊະນະ ສະເຕຟານອດ ຊິດຊິປາສ (ເກຣັກ, ມື 8) 4-6, 6-3, 7-6(7-3).
ສ່ວນປະເພດຍິງດ່ຽວ ຮອບ 8 ຄົນສຸດທ້າຍ ເປຕຣາ ວິໂຕວາ ມື 3 ຂອງລາຍການຈາກເຊັກ ທີ່ຫວັງເຂົ້າເຖິງຮອບ ຊີງຊະນະເລີດ ເພື່ອຂຶ້ນເປັນມື 1 ໂລກຄັ້ງທຳອິດໃນຊີວິດນັ້ນ ໄປບໍ່ເຖິງດວງດາວ ເສຍ ແອດລີ ບາຕີ ມື 02 ຈາກອົດສະ ຕຣາລີ 1-2 ເຊັດ 7-6(8-6), 3-6, 6-2 ໂດຍນັກເທັນນິສສາວຈາກອົດສະຕຣາລີ ຈະຜ່ານເຂົ້າຮອບຕັດເຊືອກໄປພົບກັບ ເອເນັດ ຄອນທາວຽດ ມື 21 ຈາກເອສໂຕເນຍ ທີ່ເອົາຊະນະ ເຊຍ ຊູ່ ເຫວີຍ (ມື 27 ຈາກໄຕ້ຫວັນ) 2-1 ເຊັດ 3-6, 6-2, 7-5 ຕໍ່ໄປ.
