ເຄື່ອງດື່ມຊ່ວຍກະຕຸ້ນລະບົບເຜົາຜານຊ່ວຍໃຫ້ຮູບຮ່າງງາມ

    – ກາເຟດຳ : ຫາກທ່ານໃດມັກດື່ມກາເຟເປັນປະຈຳຢູ່ແລ້ວລອງປ່ຽນຈາກກາເຟປະສົມນົມ ຫລື ນຳ້ຕານທີ່ມີໄຂມັນຫລາຍມາເປັນກາເຟດຳແທນຈະດີກ່ວາ ເພາະໃນກາເຟຕາມທຳມະຊາດມີສ່ວນປະສົມຂອງກາເຟອີນສູງ ເຊິ່ງສານນີ້ຈະກະຕຸ້ນລະບົບເຜົາຜານໃຫ້ແກ່ຮ່າງກາຍໄດ້ເປັນຢ່າງດີ. ກາເຟດຳທີ່ບໍ່ປະສົມສ່ວນປະກອບໃດໆຈະມີກາລໍຣີຕໍ່າ ເໝາະສຳລັບຄົນຮັກສຸຂະພາບ ສາມາດດື່ມໄດ້ຫລັງກິນອາຫານເຊົ້າ ຫລື ກ່ອນອອກກຳລັງກາຍ ເພື່ອເພີ່ມຄວາມສົດຊື່ນຫ້າວຫັນ. ຫາກໃຜຮູ້ສຶກວ່າມັນຂົມເກີນໄປກໍໃຫ້ໃສ່ນຳ້ເຜິ້ງ ຫລື ນຳ້ຕານສະກັດຈາກຫຍ້າຫວານກໍ ໄດ້ຈະຊ່ວຍໃຫ້ດື່ມງ່າຍຂຶ້ນ.

     – ຊັອກໂກແລັດປັ່ນສູດໄຂມັນຕໍ່າ : ເພາະຊັອກໂກແລັດມີສັບພະຄຸນຊ່ວຍກະຕຸ້ນລະບົບເຜົາຜານໄດ້ເປັນຢ່າງດີ ດື່ມທຸກເທື່ອກ່ອນອອກກຳລັງກາຍ ປະມານ 1 ຊົ່ວໂມງ ຈະຊ່ວຍເພີ່ມລະດັບເຜົາຜານໃຫ້ການອອກກຳລັງກາຍມີປະສິດທິພາບຫລາຍຂຶ້ນ.

     – ໝາກສະຕໍເບີຣີປັ່ນ : ຈະຊ່ວຍໃຫ້ລະບົບເຜົາຜານເຮັດວຽກໄດ້ດີຂຶ້ນ ດື່ມເປັນປະຈຳຈະຊ່ວຍໃຫ້ຮູບຮ່າງງາມສົມສ່ວນ.

     – ນຳ້ປັ່ນໝາກແອັບເປິ້ນ : ມີສານເພັກຕິນມີຄຸນສົມບັດລ້າງສານພິດ ແລະ ເສີມສຸຂະພາບທີ່ດີ, ຊ່ວຍຫລຸດປະລິມານໄຂມັນ ແລະ ຄໍເລສເຕີໂຣນທີ່ເປັນໂຕການເຮັດໃຫ້ເກີດພະຍາດ, ໄຂມັນທີ່ຖືກກຳຈັດຈະມີສ່ວນໜຶ່ງທີ່ຖືກເອົາອອກໄປໂດຍຂະບວນການເຜົາຜານທີ່ເພີ່ມຂຶ້ນດ້ວຍສານຊະນິດນີ້. ດື່ມນຳ້ປັ່ນໝາກແອັບເປິ້ນເປັນປະຈຳຈະໄດ້ຮັບສານອາຫານຊ່ວຍກະຕຸ້ນລະບົບເຜົາຜານໄດ້ຫລາຍຂຶ້ນ.